Arkiv-Lajme të përditësuara

Asociacioni i Komunave Serbe do t’i ketë të njëjtat organe sikurse Asociacioni aktual i Komunave të Kosovës. Pra, do ta ketë Kryetarin, Kuvendin, Këshillin dhe Bordin. Burime të Express thonë se kjo është zgjidhja që e ka ofruar Baronesha Catherine Ashton. Pala kosovare i ka thënë “po” këtij propozimi, por Serbia ende insiston që zgjidhja të gjendet jashtë ligjeve të Kosovës.

Asociacioni i Komunave Serbe, që mund të themelohet nëse arrihet marrëveshja Kosovë Serbi, do të ketë Kryetarin, Kuvendin, Këshillin dhe Bordin.

Një ekip i ODIHR-it ka mbërritur në Tiranë për të vlerësuar nevojat që lindin për zgjedhjet e 23 Qershorit. 

Serinë e një morie takimesh me zyrtarët më të lartë në vënd përfshi ata të opozitës dhe partive të tjera politike në vënd, ky ekip e nisi duke u takuar me ministrin e Punëve të Jashtme Edmond Panariti, i cili dha këtë deklaratë për median: "E garantova përfaqësuesen e ODIHR-it që Qeveria shqiptare është e përkushtuar dhe e interesuar në zhvillimin e një procesi normal të drejtë zgjedhor dhe që ky mision i vlerësimit të nevojave, padyshim do të ketë 

Ashtu siç pritej votimi i parë per zgjedhjen e Papës së ri ka dështuar.

Kardinalët e krishterë kanë hyrë në “Kapela Sistine”, ku sot nisen votimin për zgjedhjen e Papës së ri të Kishës Katolike, por ne vend te tymit te bardhe kishte te zi, qe do te thote se bota ende nuk e ka Papën e ri.

Të 115 Kardinalët që kanë të drejtën e votës janë mbyllur në “Kapela Sistine”, pasi kanë bërë betimin e sekretit.

Duke filluar nga neser, ata do të votojnë katër herë në ditë derisa dy të tretat e tyre të pajtohen për një kandidat.

Drejtori i Përgjithshëm i Policisë së Shtetit, Hysni Burgaj dhe ambasadorja e Francës në Tiranë, Christine Moro zhvilluan një vizitë pune sot në Aeroportit “Nënë Tereza” në Rinas në ambjentet e kontrollit të Pikës së Kalimit Kufitar në Rinas, mbi masat e marra për parandalimin e azilkërkuesve shqiptarë në vendet e Bashkimit Evropian.

Burgaj: Shqiptarët i meritojnë vizat

Në kulmin e akuzave për një gjyqësor të korruptuar, nënkryetari i KLD-së e mori në mbrojtje atë, gjatë analizës vjetore të Gjykatës së Gjirokastrës.

Numri dy i KLD-së, Elvis Çefa u shpreh përpara trupës gjyqësore se, korrupsioni mbetet vetëm një perceptim i publikut që sipas tij nuk është real dhe vjen ngaqë Gjykata nuk e reklamon sa duhet qëndrimin e saj.

Komisioni parlamentar i Jashtëm pritet të thërrasë në një seance raportimi ministrin e Punëve të Jashtme të Shqipërisë, Edmond Panariti, për dy çështjet e fundit që kanë tronditur, sipas opozitës, diplomacinë shqiptare: situata e rëndë ekonomike e ambasadave tona nëpër botë, si edhe memoja e ambasadës së SHBA-së për tonet nacionaliste të tepruara, shfaqur nga qeveria javët e fundit.

Gjykata e Kavajës liroi kryebashkiakun e këtij qyteti, Elvis Roshi dhe e vlerësoi të paligjshëm arrestimin në flagrancë të tij, pas incidentit me trajnerin e klubit të Tiranës dy ditë më parë, në pushimin e ndeshjes së Superligës, Besa-Tirana. 

Arrestimi, ku u përfshinë edhe forcat speciale të policisë, u vlerësua si një akt në kundërshtim me Kushtetutën dhe të drejtat e njeriut. 

TIRANE- “Qeveria shqiptare dhe Shqipëria mbeten thellësisht të vendosur dhe të interesuar për të ftuar në Shqipëri numrin më të madh të vëzhguesve të OSBE/ODIHR-it dhe të organizatave të tjera ndërkombëtare apo vendeve demokratike, për të vëzhguar zgjedhjet në Shqipëri”. Keshtu eshte shprehur kreu i qeverise, Sali Berisha gjate takimit me përfaqësuesit e Misionit të ODIHR-it për vlerësimin e nevojave përpara zgjedhjeve të ardhshme, kryesuar nga Nicola Schmidt, Zëvendësdrejtore e Departamentit të Zgjedhjeve në OSBE/ODIHR.

Një ngjarje e rëndë ka ndodhur në Elbasan, ku një çift bashkëshortësh kanë rënë aksidentalisht në lumin Zaranikë dhe njëri prej tyre ka humbur jetën. 

Sipas të dhënave paraprake ka qenë policia, e cila ka ndërhyrë menjëherë për të nxjerrë çiftin nga lumi i rrëmbyeshëm, si pasojë e reshjeve. Policia bën me dije se, gjatë transportit për në spital ka humbuar jetën Agim Hashari 30 vjeç. Ndërsa gruaja Miranda Hashari rreth 30 vjeç ndodhet në sallën e reanimacionit në gjendje të rëndë për jetën. Mësohet se gjatë nxjerrjes së viktimës nga uji është dëmtuar edhe një polic.

Prishtinë, 12 mars  - (E plotësuar) - Kryeministri i Kosovës, Hashim Thaçi, i ka quajtur kontroverse deklaratat e presidenti serb Tomisllav Nikoliq lidhur me dialogun që po zhvillohet në Bruksel. “Deklarata e Nikoliqit tregon një pa pjekuri të madhe politike dhe është krejtësisht e pavërtetë. Është një gënjeshtër tradicionale tipike e Beogradit.