siria

Kandidati republikan për Shtëpinë e Barshë Donald Trump deklaroi për Reuters se plani i Clinton për Sirinë mund t'i çojë Shtetet e Bashkuara drejt një Lufte tëTretë Botërore. Kjo për shkak të një përplasje të mundshme ushtarake mes SHBA-ve dhe Rusisë, e cila sipas Trump është vend që ka armë bërthamore.

Mosuli është duke rënë dhe me te në skenarët e luftës mund të ndodhë gjithçka që afekton Sirinë. Valë migratore që parashikohet deri në 100 mijë njerëz, krijimi i një korridori daljeje për militanët e ISIS, që mund të dynden në Raqqa. Kjo situatë që i jep Perëndimit një fitore në Irak, duke stabilizuar një shtet ku edhe Turqia, formalisht partner me Perëndimin, ka ngritur hapur pretendime territoriale, duke synuar pjesëmarrje në trajtimin eventual të çështjes kurde.

Në Alepo kanë rinisur bombardimet kundër pozicioneve të rebelëve. Organizatat humanitare që ndjekin zhvillimet e luftës civile në Siri raportojnë për rreth 25 viktima nga bombardimet e avionëve rusë. Në të njëjtën kohë përplasjet janë të ashpra edhe në planin diplomatik.

Ambasada ruse në Tiranë shpërndante sot një lajm të Ria Novosti, sipas të cilit hetimi i ekspertëve të pavarur të OKB-së, mbi bombardimin e konvoit në Halep, ka nxjerrë të dhëna që hedhin poshtë teorinë e bombardimit nga ajri.

Halepi është në momentet e fundit të kapjes nga ushtria siriane që po përparon nën rrebeshin ndihmues të sulmeve ajrore ruse. Dhe ashtu siç ishte paralajmëruar, grupet rebele të mbështetura nga SHBA janë shfaqur me armatim të ri. Në video, realizuar këtë të shtunë, shfaqen pjesëtarë të grupit Ahrar al-Sham, që quhen të moderuar por që Damasku zyrtar i cilëson si lidhje të Al Qaedas dhe ISIS duke bombarduar me raketat BM-21 Grad qytetin e Hama. Armët në fjalë kanë pasaktësi të madhe dhe kjo është provuar në Gaza.

5 shtetet anëtare të Këshillit të Sigurimit diskutuan të shtunën planin e Francës për Sirinë. Ky plan fokusohet te situata në Alepo, pas bombardimeve të vazhdueshme nga ushtria Siriane dhe Rusia që erdhën si rezultat i prishjes së armëpushimit të arritur mes Uashingtonit dhe Moskës.
Plani francez synon rivendosjen e armëpushimit, bazuar në marrëveshjen e 9 shtatorit dhe shpërndarjen e ndihmave humanitare për civilët në Alepo, duke kërkuar ndërprerjen e fluturimeve ushtarake në zonë.

Pas përballjes së ashpër dhe akuzave për krime lufte në Këshillin e Sigurimit në OKB, Rusia dhe Perëndimi kanë vijuar kundërshtitë edhe në frontin mediatik. Agjencia ruse e lajmeve “Sputnik” ka shpërndarë sot një video që tregon sipas saj “rikthimin e jetës në zonat e Halepit të çliruara nga ushtria siriane”. Në videon e regjistruar në lagjen Ramouseh duken dyqane të hapura, njëfarë rregulli urban dhe njerëz apo makina që qarkullojnë.

Kriza siriane ka tensionuar marrëdhnëiet mes Perëndimit dhe Rusisë drejt një pike të re. Këshilli i Sigurimit i OKB-së është mbledhur me kërkeë të ShBA-së, Britanisë së Madhe dhe Francës për të diskutuar mbi nisjen e luftimeve në qytetin e Halepit pas sulmeve ajrore të datës 17 shtator. ShBA deklaroi se sulmi në Dayr al-Zawr që shkaktoi vdekjen e 50 ushtarëve sirianë dhe plagosjen e 100 të tjerëve ishte keqllogaritje.

PHalepi po kthehet në pikë strategjike dhe përcaktues për të ardhmen e konfliktit në Siri. Agjencia shtetërore ruse e lajmeve “Sputnik” është përpjekur të sqarojë qëllimet amerikane dhe pozicionin rus mbi atë që quhet oferta e ShBA-së për vendosjen e armëpushimit në Siri.
Shkrimi është formalisht një replikë me një shkrim të publikuar na gazetën amerikane “The Washington Post”, por ai zbardh një pjesë të mirë të interesave që ndërthuren aktualisht në Siri.

Incidentet dhe goditjet ndaj trupave apo mjeteve amerikane që operojnë në Siri do të marrim kundërpërgjigje direkte. Kreu i ri trupave amerikane në Siri, gjenerali Stephen Townsend i tha në një intervistë telefonike CNN, se çdo përpjekje e re për të goditur apo provokuar nga forcat ruse apo të qeverisë siriane, do të marrin përgjigje.

“Kemi informuar rusët se ku ndodhemi...ata na thonë se kanë informuar sirianët dhe unë do të doja të thosha se do të mbrohemi nëse ndjehemi të kërcënuar”, tha Townsend.