Ekonomi

515 miliardë euro kapitalizim dhe 44 mijë të punësuar, AMSL, është kompania kryesore europiane teknologjike që vepron në sektorin e çipeve. Por për drejtuesin e saj, Christophe Fouquet, Bashkimi Europian po gabon sa I takon Inteligjencës Artificiale. Treguesit tregtarë janë më të qartët: 99% e shitjeve të kompanisë vjen nga jashtë BE-së, ndërkohë që ky i fundit po mendon për rregullore që shihen si pengesa në një zhvillim që është radikal. Sipas tij, Akti për IA-në i BE-së, është një qasje e gabuar që sugjeron rregulla përpara sesa kompanitë të kenë gjeneruar produktet e veta.

Ministria greke e Kohezionit Social dhe Familjes raporton se në vend janë 800 mijë shtëpi bosh, një shifër që përfaqëson 12% të të gjithë stokut të banesave në Greqi.

Të dhënat i ka përcjellë në fakt drejtoresha Mando Zisopoulou sipas të cilës numri në fjalë mund të shërbejë për të amortizuar krizën e strehimit në vend. Sipas saj banesat që rrinë bosh nuk janë në zona presioni social por në Egjeun juglindor apo në ishujt Jonianë.

Arjan Gjonça, profesor i demografisë tha përmes një lidhjeje të drejtpërdrejtë me studion e lajmeve të MCN Tv se rënia e lindshmërisë në Shqipëri është diçka e pritshme dhe e ngjashme me atë të Greqisë, Italisë dhe Spanjës. Duke vijuar Gjonça tha se shkaqet kryesore janë zgjedhja e çifteve për të mos bërë fëmijëve dhe emigracioni. Sipas Gjonçajt kjo mund të cilësohet si një krizë demgrafike.  

Në Kroaci është prezantuar së fundmi Projekti Pantheon. Në kuadër të Iniciativës së Tre Deteve në Forumin e Dubrovnikut mbajtur këtë të martë projekti ka zënë vend kryesor nisur nga shifra 50 miliardë dollarë e tij.

Ai konsiston në ndërtimin e një qendre të dhënash me kapacitet 1GË në Topusko duke nisur nga viti 2029.

Në një intervistë për gazetën greke “Kathimerini”, kryeministri Edi Rama, ka pranuar shifrën e raportuar të informalitetit në ekonominë shqiptare në kuotën 30% të Prodhimit të Brendshëm Bruto. I pyetur mbi këtë çështje dhe shifrën në fjalë të referuar nga Komisioni Europian.

Midhja e Butrintit që dikur eksportohej në shtete të tjera të botës, sipas Ministrisë së Bujqësisë aktualisht është drejt zhdukjes. Nëse para viteve '90, në Butrint prodhoheshin 8 mijë ton midhje në vit, në vitin 2025 u prodhuan vetëm 30 ton.

Deputeti socialist Erion Braçe është shprehur se çmimi i naftës në tregun shqiptar është më i larti në rajon. Braçe ka vënë në dukje se ky çmim është më i lartë neto, pra barrën fiskale. Një mesazh që shkon drejt operatorëve dhe Bordit të Transparencës. 

Kryeministri i Greqisë, Kyriakos Mitsotakis ka prezantuar një paketë masah lehtësuese përkundër krizës që po gjenerohet nga kriza në Gjirin Persik. Me një buxhet prej 300 milionë eurosh, paketa parashikon subvencionim për familjet me të ardhura të ulëta për çmimin e karburantit, mallrave të shportës, fertilizuesve dhe biletave të trenit. Po kështu paketa parashikon mbështetje shtesë për familjet dhe fëmijët.

25 ditë luftë kanë mjaftuar që shtetet të rishikojnë sigurinë e tyre të furnizimit me energji. Ministri rus i Energjetikës, Sergey Tsivilyov ka deklaruar se bllokimi i Ngushticës së Hormuzit ka diktuar rishikimin e linjave të furnizimit dhe eksportit duke përcaktuar kështu ndryshime në politikat energjetike. Sipas tij, e gjithë bota duhet të rikonsiderojë zinxhirin logjisitik të energjisë dhe të vlerësojë ndryshe rrezikun.

Lufta  në Iran ka nxjerrë në pah më shumë se më parë aspektin ekonomik që është tipari më i globalizuar i saj. Për këtë arsye merr rëndësi Ngushtica e Hormuzit dhe ngushticat e tjera që gëzojnë statusin e kalimit të lirë ujor. Kërkesa ditore për naftë në botë shkon në 100-105 milionë barrela dhe 80% e saj qarkullon në rrugë detare. Më poshtë disa të dhëna nga konflikti i fundit.

Objektet e goditura nga konflikti:

Rafineri nafte:

Ruvais, Emiratet e Bashkuara Arabe