Ekonomi

Tre organizata kriminale, njëra prej të cilave shqiptare, kanë qarkulluar para përmes një banke të paligjshme, të zbuluar së fundmi në Prato, Itali. Banka kishte një xhiro vjetore mes 80-100 milionë euro në vit dhe përdorte sistemin e pagjurmueshëm havala, i njohur ndryshe edhe si chop-chop. 

Përmes saj kanë qarkulluar paratë  e trafikut të drogës brenda dhe jashtë Italisë si dhe ato të emigracionit të paligjshëm. 

Një kronikë e para disa ditëve në MCN Tv, evidenton se tarifa e kalimit në rrugën Durrës-Kukës dhënë me koncension një kompanie nën pronësinë e Shefqet Kastratit, është 5 euro dhe në lekë konvertohet 660 lekë.

Kursi i këmbimit që aplikohet aktualisht është 131.4 i nisur që nga 28 marsi 2018 dhe mbetet i pandryshuar. Klauzolat e kontratës parashikojën rishikim të kursit. Është e habitshme sesi në një segment të territorit të Republikës aplikohet kurs këmbimi unik, i ndryshëm nga ai zyrtar që publikohet nga Banka e Shqipërisë.

Me zhvillimin e krizës iraniane, Shqipëria hyri në sferën e lajmeve me një fakt që lidhet me energjinë: çmimi i energjisë mbeti i pandryshuar për shkak se në vendin tonë, ajo gjenerohet kryesisht nga hidrocentralet. Kështu një burim i zhvilluar dekada më parë, ka rimarrë vlerë të shtuar në kontekstin e një krize globale. Energjia e prodhuar nga uji ofron një lloj sovraniteti të ri në botën e sotme. Por edhe kjo ka kosto.

Ministri qipriot i Financave, Makis Keravnos, ka paralajmëruar se vendimi i gjashtë anëtarëve të Bashkimit Europian për të krijuar një politikë fiinanciare për të rivalizuar Wall Street, mund të provokojë unitetin e bllokut. Sipas tij, krijimi i E6, ose grupi i gjashtë ekonomive më të mëdha, përfaqëson “një strukturë të shkëputur” e cila shkon ndesh perceptimit aktual se fragmentarizimi duhet të ndalet.

515 miliardë euro kapitalizim dhe 44 mijë të punësuar, AMSL, është kompania kryesore europiane teknologjike që vepron në sektorin e çipeve. Por për drejtuesin e saj, Christophe Fouquet, Bashkimi Europian po gabon sa I takon Inteligjencës Artificiale. Treguesit tregtarë janë më të qartët: 99% e shitjeve të kompanisë vjen nga jashtë BE-së, ndërkohë që ky i fundit po mendon për rregullore që shihen si pengesa në një zhvillim që është radikal. Sipas tij, Akti për IA-në i BE-së, është një qasje e gabuar që sugjeron rregulla përpara sesa kompanitë të kenë gjeneruar produktet e veta.

Ministria greke e Kohezionit Social dhe Familjes raporton se në vend janë 800 mijë shtëpi bosh, një shifër që përfaqëson 12% të të gjithë stokut të banesave në Greqi.

Të dhënat i ka përcjellë në fakt drejtoresha Mando Zisopoulou sipas të cilës numri në fjalë mund të shërbejë për të amortizuar krizën e strehimit në vend. Sipas saj banesat që rrinë bosh nuk janë në zona presioni social por në Egjeun juglindor apo në ishujt Jonianë.

Arjan Gjonça, profesor i demografisë tha përmes një lidhjeje të drejtpërdrejtë me studion e lajmeve të MCN Tv se rënia e lindshmërisë në Shqipëri është diçka e pritshme dhe e ngjashme me atë të Greqisë, Italisë dhe Spanjës. Duke vijuar Gjonça tha se shkaqet kryesore janë zgjedhja e çifteve për të mos bërë fëmijëve dhe emigracioni. Sipas Gjonçajt kjo mund të cilësohet si një krizë demgrafike.  

Në Kroaci është prezantuar së fundmi Projekti Pantheon. Në kuadër të Iniciativës së Tre Deteve në Forumin e Dubrovnikut mbajtur këtë të martë projekti ka zënë vend kryesor nisur nga shifra 50 miliardë dollarë e tij.

Ai konsiston në ndërtimin e një qendre të dhënash me kapacitet 1GË në Topusko duke nisur nga viti 2029.

Në një intervistë për gazetën greke “Kathimerini”, kryeministri Edi Rama, ka pranuar shifrën e raportuar të informalitetit në ekonominë shqiptare në kuotën 30% të Prodhimit të Brendshëm Bruto. I pyetur mbi këtë çështje dhe shifrën në fjalë të referuar nga Komisioni Europian.

Midhja e Butrintit që dikur eksportohej në shtete të tjera të botës, sipas Ministrisë së Bujqësisë aktualisht është drejt zhdukjes. Nëse para viteve '90, në Butrint prodhoheshin 8 mijë ton midhje në vit, në vitin 2025 u prodhuan vetëm 30 ton.