Arkiv-Lajme

Ka më shumë se gjysmë ore që dy-tre agjenci lajmesh kanë dhënë lajmin e një aksidenti në Qafë Krrabë, ku është përfshirë dhe anëtari i parlamentit shqiptar, Sokol Olldashi. E para ka qenë gazeta Tema online që e ka dhënë lajmin, dhe më pas e kanë dhënë të tjerat. Televizioni Top News ka raportuar për llogari të vet të njëjtin lajm, dhe ka dhënë deri në këtë moment informacion mbi rrethanat e aksidentit, por jo mbi gjendjen e Olldashit. Tema vetë, bazuar në një informacion të copëzuar (dhe vetë Tema flet për “të dhëna kontradiktore”), flet për një gjendje dramatike të deputetit.

Rreth orës 21: 20 në vendin e quajtur Lapidari i Kërrabës është aksidentuar deputeti i Partisë Demokratike, Sokol Olldashi. Sipas Top-Channel, makina e aksidentuar, me targa AA 003 HN ka dalë nga rruga pasi dyshohet se drejtuesi i automjetit ka humbur kontrollin. Në informacionet e fundit, nga media si Ora News dhe News24 bëhet e ditur se Olldashi ka humbur jetën. Po kështu edhe kanali Top-Channel ka publikuar lajmin e vdekjes, që deri në këtë moment mbetet ende i pakonfirmuar zyrtarisht.

Sot Ministria e Drejtësisë depozitoi në Kuvend dy propozime që kanë të bëjnë me goditjen e krimit të organizuar përmes masave parandaluese kundër pasurisë dhe disa ndryshime në procedurën penale. Ndonëse nuk formulojnë ndonjë term si Byroja Kombëtare e Hetimit, ato sjellin ndryshime në kompetencat e Prokurorisë. Por këto ndërhyrje, që ngjajnë si dy pika uji me të mëparshmet, peng i shkresurinave të pafundme, e kanë reduktuar perceptimin e qytetarëve për Drejtësinë te veprimi i munguar. Në kushtet e një krize sistemike të gjatë kërkohen akte konkrete.

Deputeti socialist Erjon Braçe ka bërë të ditur përmes rrjetit social Facebook se nesër në Kuvend do të publikojë kontratat mes ish-kryeministrit Sali Berisha dhe kompanive lobuese “Patton Boggs” dhe “Podesta”. Sipas Braçes, në dokumentet që ai ka lexuar, konfirmohen akuzat e bëra për shpërdorim të parave të qytetarëve vetëm në funksion të lobimit për qeverinë e Sali Berishës. Madje, edhe me kushtin e konfidencialitetit.

Kompleksi “Jon” në qytetin e Vlorës, apo i njohur ndryshe si pallati i vjehrrit të Lulzim Bashës, vijon të provokojë përballje. Kështu, gjatë ditës së sotme, ka patur minimalisht dy qëndrime të kundërta: një nga Avokati i Popullit, Igli Totozani dhe tjetra nga zv. ministri i Transporteve Ylli Manjani. Në Komisionin Parlamentar të Ligjeve, Totozani është shprehur se “vendosja e një shiriti me shkrimet 'skenë krimi' për ne është konsideruar gjithashtu një shkelje’, ka thënë ai. Por Top-Channel ka intervistuar për këtë çështje zv.

Meqë debati për armët kimike është i freskët fiton vlerë edhe një fakt që vjen nga SHBA. Së fundmi, autori Eric Schlosser ka publikuar një libër të titulluar “Command and Control” në të cilin bëhet një kalim dokumentar mbi armët bërthamore, sigurinë dhe kontrollin mbi to, duke nisur që nga viti 1950 e deri në vitet ’80. Përfundimi është befasues, pasi ndonëse një aksident bërthamor nuk ka arritur të prodhojë ndonjëherë një shpërthim, Schlosser shprehet se “çdo raketë me mbushje bërthamore është një aksident që pritet të ndodhë, një akt potencial i vrasjes në masë”.

Janë bërë publike 64 kandidaturat për Këshillin Drejtues të Radiotelevizionit Shqiptar. Konkurimi zhvillohet për vetëm 10 vende, proces që do të pasohet nga zgjedhje e drejtorit të Përgjithshëm të RTSH-së. Çfarë bie në sy në këtë listë (të cilën mund ta gjeni këtu: http://mapo.al/2013/11/20/keshilli-drejtues-rtsh-se-64-kandidate-per-10-vende/) janë emrat publikë të “të papunëve” të pas 23 qershorit.

Edhe pse zgjedhjet e 23 qershorit përfunduan në tri ditë, nevoja për një reformë elektorale është shtruar sërish në tryezë. Rituali i apelit për përmirësim të Kodit Zgjedhor dhe ecjes përpara me standardet orienton thuajse një herë në katër vjet ndërhyrje ligjore të posaçme. Por çfarë ka mbetur akoma pa u rregulluar? Sipas shefes së misionit të ODIHR-it, Conny McCormak, po punohet për të identifikuar prioritetet.

Afrimi i 23 nëntorit rizgjon memorien amerikane për vrasjen e ish-presidentit John F. Kennedy. Ky i fundit mbetet një figurë, vlerësimi për të cilin luhatet mes analizës objektive të fakteve politike dhe institucionale të konsumuara nën përgjegjësinë e tij dhe mitit, kryesisht televiziv, të një ikone të lirisë. Madje, Hollywood-i, bashkë me ekranizimin e vrasjes, njëfarësoj ka bërë edhe një ngjyrosje idilike të presidencës së Kennedy-t, e cila për historianët është shumë më e ndryshme nga sa tregohet.

Shqipëria refuzoi armët kimike të Sirisë, por do të duhet të merret gjerësisht me menaxhimin e zonave të ndotura. Vetëm ditët e fundit, në vazhdën e jehonës së protestës qytetare, një sërë informacionesh të përcjella nga media, po “zbulojnë” një Shqipëri që jeton mbi një sipërfaqe të ndotur dhe të intoksikuar. Madje edhe procesi i përfolur i shkatërrimit të Lëndëve Helmuese Luftarake duket të mos ketë qenë përfundimtar. Konkretisht vetëm pak orë më parë, ministrja e Mbrojtjes, Mimi Kodheli ndodhej në Qafë Mollë bashkë me ambasadorin e OSBE-së në Tiranë.