Arkiv-Lajme

Duket se ka përballja mes qeverisë dhe Presidentit po merr përmasa publike dhe po projektohet edhe për çështje të ndjeshme. Gazeta “Shekulli” i ka kushtuar rëndësi sot mbledhjes së djeshme të Këshillit të Sigurisë Kombëtare në të cilën është ndalur te deklarata e ministres së Mbrojtjes Mimi Kodheli.

Lajmi mbi arrestimet e atyre që kanë rekrutuar të rinj shqiptarë është më i përditësuar 24 orë më vonë. Ne po publikojmë më poshtë raportimin e shqiptares.com:

Tetë persona, mes tyre imamët e vetëshpallur të dy xhamive në periferi të Tiranës  të cilët u arrestuan dje dyshohen se janë  përfshirë në rekrutimin e 50 qytetarëve shqiptarë për të luftuar me grupet e opozitës në Siri.

Varreza e Tufinës është mbyllur. Të paktën kështu deklaron Drejtori i Shërbimit Funeral në Bashkinë e Tiranës, Besi Kuka, i cili ka folur për “Gazetën Shqiptare”. “Shkak është mungesa e tokës. Nuk ka asnjë metër tokë të lirë për varret e reja”, është shprehur ai, duke shtuar se për këtë ka njoftuar edhe bashkinë. Pyetjes së çfarë ndodh, Kuka i jep këtë përgjigje: “Këtë nuk e dimë as ne. Në Tiranë zhvillohen mesatarisht 5-6 ceremoni mortore në dit. Ku t’i drejtojmë ne kortezhet e varrimit, në Ministri të Brendshme?”.

Gazetat shkruajnë sot për arrestimin e disa imamëve që në shkrime quhen si të vetëshallur dhe disa organizatorëve siç quhen për rekrutimet e të rinjve për luftën në Siri. Disa gazeta kanë shpallur që tani se të arrestuarit janë njerëz të përfshirë në akte që frymëzojnë terrorizmin. “Gazeta Shqiptare” ka bërë një paraqitje të akuzave: “Rekrutim të personave me qëllim kryerjen e veprimeve terroriste; nxitje, thirrje publike dhe propagandë për kryerjen e veprave penale me qëllime terroriste; nxitje e urrejtjes ose grindjeve ndërmjet kombësive, racave dhe feve”.

Kreu i Inspektoratit të Lartë të Deklarimit dhe Kontrollit të pasurive, Shkëlqim Ganaj ka dhënë sot një intervistë për gazëtën “Panorama” ku deklaron se janë zhdukur dokumentet e kërkimit administrativ për disa zyrtarë. Sipas tij, kjo nuk përbën problem apo nuk është se mbulon deklarimet e pasurive, por dëshmon për korrupsion edhe brenda vetë ILDKP-së. “Deklaratat janë të skanuara dhe asgjë nuk mungon këtu. Shqetësimi që kam unë është se këto tregojnë për mungesë vullneti dhe korrupsion në radhët tona, për të gjithë ata që kanë punua para meje këtu”, shprehet Ganaj.

Një studim i botuar në Kosovë sëfundmi dëshmon se “New York Times”, ka raportuar me 25 nëntor 1912 se Shqipëria, po atë datë, shpalli Pavarësinë.

Ekspertët e Co Plan, specialistë të fushës në prani edhe të ministrit përgjegjës për reformën administrative Bledi Çuçi, kanë prezantuar projektin e organizatës për këtë reformë, që parashikon rajonalizimin e vendit të ndarë përkatësisht në 4 rajone: Rajoni verior me sipërfaqen më të madhe, rajoni qëndror i cili ka edhe përqendrimin më të madh të popullsisë, rajoni Lindje-Perëndim si dhe rajoni Jugor me përqendrimin e popullsisë më të pakët.

Top-Channel ka publikuar sot një tjetër qarkore që ka dalë nga Shërbimi Informativ Shtetëror, i cila po rezulton një institucion me shumë “dritare ajrimi”. Kështu sipas TCH: “Qarkorja e shpërndarë në mënyrë elektronike në rrjetin e brendshëm të komunikimit urdhëron, duke nisur prej datës 11 Mars 2014 e në vijim, të gjithë punonjësit e shërbimit në godinën qendrore duhet të mbyllin në kasafortë të gjitha pajisjet elektronike, përfshi edhe  telefonat celularë personalë.

Promovimi i librit të botuesit e gazetarit Carlo Bollino “Heshtja e dyfishtë”, që përshkruan ngjarjet dhe reagimet e palëve të përfshira në çështjen e lëndëve dhe armëve kimike siriane, ka mbledhur bashkë figurat më të larta të shtetit, me kryeministrin Rama dhe kryetarin e Kuvendit Meta në krye të tryezës. Ajo që të çudit është se nuk kanë kaluar as 2-3 muaj nga zhurma e demontimit të mundshëm të lëndëve siriane në territorin shqiptar, dhe pjesëmarrësit e ceremonisë folën për ngjarjen si për demonstratën e bukës në Korçën e 1936-ës.

Me anë të një mocioni mosbesimi, Parlamenti i Libisë ka rrëzuar kryeministrin Ali Zeidan, dhe ka emëruar ministrin e mbrojtjes si një kryeministër të përkohshëm deri në zgjedhjen e pasardhësit të Zeidanit. Votimi i deputetëve për rrëzimin e kryeministrit libian, erdhi si rezultat i ngecjevenë mes të qeverisë qendrore në Tripoli dhe milicisë së fuqishme në rajonet lindore të vendit afrikano verior, mbi shitjen e naftës.