Arkiv-Lajme

Dëshmia e biznesmenit amerikano-shqiptar me inicialet R.H në Gjykatën e Krimeve të Rënda ka zbardhur mesazhin kërcënues të Fatos Skejës, ish-truprojë e familjes së ish-kryeministrit Sali Berisha.

Biznesmeni, i cili identifikohet vetëm me inicialet R.H ka paraqitur para gjykatës mesazhin e plotë telefonik ku pretendon se është kërcënuar nga ish-gardisti Skeja dhe Gojart Loci.

“Të kemi futur në rreth. Do na paguash 100 mijë dollarë, përndryshe do marrësh përsipër pasojat”, thuhej në mesazhin elektronik, raporton “Top-Channel”.

Protesta e “21 Janarit” dhe vrasjet që e pësuan atë janë sërish në fokus të hetimeve, këtë radhë për të verifikuar veprimet e forcave të policisë në raport me ligjin, gjatë zhvillimit të saj. Pikërisht sot janë pyetur strukturat e policisë së Tiranës, që u angazhuan për të mbrojtur ligjin, ditën e protestës.

Ramush Haradinaj takohet me shkrimtarin Ismail Kadare. Gjatë një vizite në Tiranë, Kryetari i Aleancës për Ardhmërinë e Kosovës ka zhvilluar këtë takim me shkrimtarin Kadare për të bashkëbiseduar për zhvillimet aktuale në Kosovë, por jo vetëm. Nga komunikimi i AAK për mediat ata kanë biseduar edhe për aktualitetin në  diasporë dhe botën shqiptare në përgjithësi.

Gjykata italiane mbyll çështjen “Otranto”. Në Romë është marrë vendimi final për çështjen e tragjedisë së Otrantos, ku humbën jetën 81 shtetas shqiptarë. Kjo çështje ka shumë vite që endet në gjykatat e Romës, por Gjykata e Shkallës së Tretë  ka mbyllur çështje pa asnjë fajtor, pa asnjë të dënuar.

Luan Rama, Sekretar i Përgjithshëm i Lëvizjes Socialiste për Integrim në kuadër të përkujtimit të 9 Majit, Luftës Antifashiste Nacianal Çlirimtare ka përshëndetur të gjithë veteranët për ditën e fitores mbi fashizmin.

Luan Rama e ka cilësuar këtë datë si një ditë e fitimtarëve mbi fashizmin. “9 Maji është dita e fitimtarëve mbi fashizmin. Nderim të gjithë partizanëve shqiptarë që e bënë Shqipërinë fitimtare”, ka thënë Sekretari i Përgjithshëm i LSI.

Putin viziton për herë të parë Krimenë gjatë paradës ushtarake, SHBA-të dërgojnë trupa komando në Baltik.

Presidenti i Rusisë, Vladimir Putin ka mbërritur sot për herë të parë në Krime, që prej kohës kur ky rajon u aneksua nga Rusia prej Ukrainës në mars. Vizita prej triumfuesi bëhet në kuadër të paradës së flotës detare në Sevastopol me rastin e 69-vjetorit të fitores së sovjetikëve ndaj nazistëve gjermanë, që pushtuan Krimenë për dy vjet gjatë Luftës së Dytë Botërore. 

“Kam vrarë Abedin Rexhë Sandokanin, por këtë e kam bërë në vetëmbrojtje”, kështu ka deklaruar para mediave në Kosovë ish-deputeti i LDD’së, Gani Geci. Në një konferencë që ka mbajtur vetëm pak minuta më parë, para zyrave të LDK’së ai ka rikonfirmuar se është vrasësi i Abedin Rexhës-Sandokanit, por e ka justifikuar këtë vepër kriminale se ka ardhur si pasojë për tu vetëmbrojtur. 

Ka nisur punë sot Komisioni Parlamentar Hetimor për hetimin e akuzave mbi përfshirjen e Forcave të Armatosura në trafikun e drogës. Kryetarja e Komisionit, deputetja e PS-së, Ermonela Felaj, u shpreh se, “qëllimi i punës së Komisionit është zbardhja e të vërtetës së akuzave të PD-së”.

Britania e Madhe duhet të veprojë dhe të kërkojë për burime gazi në mënyrë që të shmangë forcën e industrisë së energjisë, thuhet në raportin e Komisionit të Ekonomisë në House of Lords.

Komisioni kritikon planet për kërkimin e gazit duke thënë se deri tani janë bërë vetëm punë kërkimore dhe kërkimi i gazit për tregti është ende shumë vite larg.

Nëse Britania e Madhe nuk krijon burimet e saj në një kohë të shpejtë, rrezikon seriozisht të humbasë intensitetin e energjisë dhe industrinë e petrokimisë që varet nga konkurrenca në çmim e energjisë.

Katër anëtarë të kryesisë së komunitetit mysliman, dy prej të cilëve nënkryetarë, kanë dhënë dorëheqjen në të njëjtën kohë, në mënyrë krejt të papritur. Ata janë nënkryetari Gazmend Aga, Drejtori i Marrëdhënieve me publikun Agron Hoxha, Drejtori i Arsimit Altin Shima dhe një nga katër nënkryetarët e rinj të zgjedhur para 5 muajsh, emri i të cilit nuk u bë kurrë publik.