Arkiv-Lajme

Katër anëtarë të kryesisë së komunitetit mysliman, dy prej të cilëve nënkryetarë, kanë dhënë dorëheqjen në të njëjtën kohë, në mënyrë krejt të papritur. Ata janë nënkryetari Gazmend Aga, Drejtori i Marrëdhënieve me publikun Agron Hoxha, Drejtori i Arsimit Altin Shima dhe një nga katër nënkryetarët e rinj të zgjedhur para 5 muajsh, emri i të cilit nuk u bë kurrë publik.

Në “Ditën e Evropës”, kryeministri i Shqipërisë, Edi Rama u shpreh se, Evropa është projekti i kurajës dhe kurajo është ajo që i duhet sot më shumë se çdo gjë tjetër Evropës së bashkuar. Duke folur në aktivitetin e organizuar nga Ministria e Integrimit, “Të sigurtë drejt Evropës”, për Ditën e Evropës në sheshin “Vëllezërit Frashëri”, kryeministri tha se, “kam shume kënaqësi që të kem privilegjin që të flas për Evropën, jo me veteranët e luftës, por me gjeneratën tjetër”.

Armand Shkullaku në një shkrim tek “Mapo”, me titull “Enver Hoxha i Edi Ramës”, pasi ngrë disa pyetje pse kryeministri nuk mban një qëndrim për diskutimet mbi ish-liderin komunist jep dhe shpjegimin e tij.

Sipas tij “Edi Ramës as nuk i kërcet për Enver Hoxhën. Ai e ka hallin tjetërkund. Këtë zhurmë e këtë debat që po prodhohen me kaq intensitet në gjashtë muajt e fundit, kryeministri i ka në funksion të qëllimeve të tij politike”.

Ish-kryeministri i Italisë, Silvio Berluskoni ka nisur sot punën 1-vjeçare shërbim në komunitet. Ai do të shërbejë në një qendër kujdesi në Milano.

Berluskoni u dënua me katër vjet burg për evazion fiskal vitin e kaluar, dënim që u zëvendësua me katër orë punë në javë me pacientë me probleme mendore.

Zyrtarët e qendrës së kujdesit thonë se 77-vjeçari do të trajtohet si asistentët e tjerë.

Në momentin e mbërritjes, Berluskoni u prit nga sindikalistët që thërrisnin: “Në burg!”

Ish-kryetarja e Kuvendit, Jozefina Topalli, deklaroi dje publikisht se Kryeministri Edi Rama ka gënjyer dhe se embargoja e naftës është vendosur në nëntor të vitit 2013, dhe jo në kohën kur qeveriste Partia Demokratike.

Për ish-kryetarin e Parlamentit, Servet Pëllumbi rikthimi i debatit për figurën e Enver Hoxhës dhe Partisë Komuniste gjatë festimeve të 5 Majit, e ka cilësuar të stisur dhe të papërgjegjshëm. Në një intervistë për “Panoramën”, Pëllumbi thekson se, kjo bëhet nga partitë politike thjeshtë për të zhvendosur vëmendjen nga problemet,

Opozita po i bën oponencë qeverisë thuajse ndaj çdo vendimi duke mos pasur një fokus. Reagimi më i fundit i PD-së ka të bëjë me një vendimi rutinë që liberalizon vizat me Rusinë dhe disa vende të tjera për sezonin turistik.

Sot në emisionin “Tonight” i drejtuar nga Ilva Tare është diskutuar për figurën e Enver Hoxhës dhe qëndrimin tonë si shoqëri ndaj komunizmit. Debati ka derivuar edhe në çështjen e qëndrimit ndaj dëshmorëve, pasi është pjesa e luftës së drejtuar nga Enver Hoxha ajo që shpesh konfronton me periudhën e pushtetit. Ideja më pajtuese në dukje është vlerësimi sipas kontekstit, që u mbrojt nga Mustafa Nano, i cili theksoi se “historia është shumë komplekse” dhe se nuk mund të gjykohet e ndarë mes të mirëve dhe të këqinjve. “Ka mjaft figura që janë hedhur në koshin e historisë”, tha Nano.

Konferenca ministrore “BE-Ballkani Perëndimor”, zhvilluar sot në Selanik ka mbledhur bashkë minisrat e Jashtëm të Ballkanit Perëndimor. Takimi është organizuar nga presidenca greke e Këshillit të BE-së dhe vjen 11 vjet pas Samitit të Selanikut të vitit 2003 që i hapi rrugë procesit  të zgjerimit. Përveç nënvizimit të arritjeve të deritanishme, është vënë theksi edhe te ndikimi i integrimit në jetën e banorëve. Dhe duket se është fjala për projekte knkrete dhe financime.

Afati i fundit, i caktuar nga Gjykata Europiane për të Drejtat e Njeriut në Strasburg, për të gjetur një zgjidhje për çështjen e pronave mbaron më 17 qershor.  Është e qartë se qeveria shqiptare nuk arrin dot të përmbushë këtë detyrim, ndaj do të kërkojë shtyrjen. Zv. ministri i Drejtësisë Idlir Peçi ka bërë të ditu në një intervistë për Top-Channel se qeveria ka një plan-veprimi  në këtë drejtim. “Ne do kërkojmë shtyrjen e afatit për aq sa është plani i veprimit, qershor 2015. Por edhe atëherë nuk është se mbaron kompensimi.