Arkiv-Lajme

Protesta e shqiptarëve të Maqedonisë u nisi si një reagim kundër padrejtësisë, vrasjeve të pafajshme, keqtrajtimeve familjare, urrejtjes etnike , por ajo ka marrë më tepër ngjyrime fetare.

Reagimi i qeverisë shqiptare është bërë nga një zyrtar për agjencinë e lajmeve “INA” duke komentuar se përshëndesin format e tilla të shprehjes së protestës dhe revoltës përmes protestave demokratike, por jo inflirtimi i elementeve fetare.

Brazil-Gjermani është gjysmëfinalja e parë e Kupës së Botës “Brazil 2014”. Pasi gjermanët mundën 1-0 Francën, brazilianët mundën 2-1 Kolumbinë duke rikthyer kështu duelin e finales së Kupës së Botës “Japoni Koreja e Jugut 2002”, ndeshje të cilën Brazili e fitoi 2-0.

Por, Brazili ka marrë një fitore me kosta ndaj kolumbianëve. Ata nuk do të kenë në gjysmëfinale kapitenin e Tiago Silva pasi u ndëshkua me karton të verdhë si dhe Nejmar i cili u dëmtua rëndë.

Pas ndërhyrjes së policisë për asgjësimin e plantacioneve me rrënjë kanabis sative dhe asgjësimin e mbi 50 ton lëndë narkotike të gatshme për tregtim, Lazarati nuk mund të quhet më vendi i parë për prodhimin e hashashit në Evropë.

Përkundrazi, tashmë është kthyer edhe në destinacion turistik. Ndërsa në Lazarat vijon kontrolli i policisë shtëpi më shtëpi, kurioziteti për çlirimin e tij ka afruar dhjetëra turistë nga vende të ndryshme, të cilët kanë vizituar “fshatin rebel të hashashit”.

Kim Mehmeti është një nga publicistët më me ndikim në Maqedoni nga radhët e shqiptarëve. Duke komentuar protestën e sotme në Shkup, ai shkruan se të rinjtë nuk kanë hapësirë për të protestuar dhe për këtë arsye protestat e tyre nisin nga oborret e xhamive.

Mehmeti thotë se rinia shqiptare në Maqedoni përveçse nuk ka hapësirë nga partitë shqiptare, nuk ka mbështetje as nga Shqipëria dhe Kosova.

Ja shkrimi i plotë i Kim Mehmeti në Facebook:

Ministria e Punëve të Brendshme ka informuar lidhur me protestën, duke theksuar se mbi  20 veta janë të plagosur nga radhët e protestuesve por edhe policisë. Sipas zëdhënësit të MPB-së, Ivo Kotevski gjashtë persona janë arrestuar. Njëri nga të plagosurit ka kërkuar ndihmë dhe është shtruar në një nga spitalet e qytetit.

Jo zyrtarisht mësohet se numri i të plagosurve është shumë më i madh sa që është raportuar, dhe se shumë protestues janë evituar dhe kanë përfunduar në klinika private, për shkak të plagëve të pësuara, raporton INA.

Kontrolli i Lartë i Shtetit njoftoi sot se ka kallëzuar penalisht në Prokurori administratorin e shoqërisë Albpetrol, me akuzën, kundërshtim të punonjësit që kryen një detyrë ose shërbim publik. KLSH thekson se në kuadër të auditimit (01 .08.2013 – 30.06.2014) të kësaj shoqërie, i është kërkuar administratoret në mënyrë të ripërsëritur që t’i vendosë në dispozicion grupit të autorizuar të auditimit, të gjithë informacionin dhe dokumentacionin e nevojshëm për kryerjen e këtij auditimi.

Stafi i ngushtë i Edi Ramës ka organizuar një festë të palajmëruar për shefin e qeverisë. Mesa duket në këtë organizim është përfshirë edhe ambasada amerikane pasi ditëlindja e kryeministrit përkon me festën e pavarësisë së SHBA. 

Kështu që në të vetmen foto të lëshuar për publikim nga kryeministria, bie në sy jo vetëm prania e ambasadorit Arvizu po edhe torta e sjellë prej tij si shprehje e miqësisë së ngushte mes dy vendeve në këtë ditë të shënuar për kryeministrin shqiptar. 

Gjermania ka mundur Francën 1-0 duke u bërë kështu gjysmëfinalistja e parë e Kupës së Botës “Brazil 2014”.

Me kalimin në gjysmëfinale, Gjermani ka thyer rekord botëror duke kaluar në këtë fazë për të katërtin kampionat radhazi.

Goli i mbrojtësit Hummles ishte vendimtar. Lojtar i Dortmundit fitoi duelin e forcës me Raphael Varane dhe çoi në rrjetë topin e krosuar nga Toni Kroos.

Ekipi i Lëv do të presë fituesin e duelit të sotëm Brazil-Kolumbi për të mësuar kundërshtarin e gjysmëfinales.

S.S

Florian Raunig, ambasadori i OSBE-së në Tiranë, ka apeluar për realizimin e reformës territoriale, duke i bërë thirrje politikës shqiptare të bashkohet për realizimin e këtij procesi. “Politika duhet të bashkohet në procesin për reformën territorial. Kjo reformë është e nevojshme të bëhet.”, ka thënë Raunig.

Mazhoranca e ka shtyrë deri në 31 korrik miratimin e reformës territoriale, në një përpjekje për të gjetur një konsensus  me opozitën, megjithëse kjo e fundit nuk ka propozuar ende asnjë alternativë për hartën e re.  

Ligji “Për karrierën ushtarake në Forcat e Armatosura të Republikës së Shqipërisë” nuk dekretohet nga. Presidenti i Republikës, Bujar Nishani, ai do të rikthehet për rishqyrtim në Kuvend. Zyra e shtypit i institucionit të Presidentit njofton këtë lajmërim duke theksuar se ligji i miratuar nga Parlamenti shkel dispozitat kushtetuese pasi i heq Komandantit të Përgjithshëm të drejtën e komandimit të Forcave të Armatosura në kohë paqeje.