Arkiv-Lajme

Ditët e fundit në Youtube është shfaqur një këngëtar shqiptar me emrin Deni, që ka një ngjashmëri shumë të madhe me Conchitan, fituesin e edicionit të sivjetëm të Eurovizionit. Këngëtari transeksual nga Austria u shndërrua në dukuri mediatike, aq sa u kthye në argëtim më vete “fotoshop-imi” i femrave të famshme të spektaklit dhe kinemasë anembanë botës. Por videoja e Denit ka mbi 1600 mospëlqime dhe vetëm 180 like.

 Linku: https://www.youtube.com/watch?v=tFp1RG9tC18

a.k

Presidenti Bujar Nishani ka shpallur pesë kandidatë nga radhët e gjyqësorit dhe 17 nga radhët e juristëve si pjesë e listës së konkurruesve për anëtar të Gjykatës së Lartë (një vend vakant). Gjykata e Lartë përbëhet nga 17 anëtarë, të cilët emërohen nga radhët e gjyqtarëve me vjetërsi jo më pak se 10 vjet ose nga radhët e juristëve të shquar që e kanë ushtruar këtë profesion jo më pak se 15 vjet. Anëtarët e Gjykatës së Lartë emërohen nga Presidenti i Republikës me pëlqimin e Kuvendit. Kryetari dhe anëtarët e Gjykatës së Lartë qëndrojnë në detyrë për 9 vjet pa të drejtë riemërimi.

Është rast i rrallë edhe për Shqipërinë, që ligjvënësit të mblidhen për të diskutuar e miratuar një ligj, për të cilin shprehen haptaz dhe pa dorashka, skeptikë që në krye të herës. Është fjala për ligjin anti-duhan që Komisioni parlamentar i Ligjeve ka miratuar në parim, ndërsa deputetët socialistë Pandeli Majko, Blendi Klosi dhe Ulsi Manja kanë abstenuar. Deputeti i LSI-së Petrit Vasili  ka thënë se thelbi i ligjit nuk është vjelja apo jo e gjobave, por “a do të bëjë Shqipëria ambjente të veçanta për duhan pirjen? Kjo pyetje s’ka përgjigje. Ku do orientohet veprimi dhe ku do veprojë?

Sipas treguesit të Vlerës së Shtuar Bruto (V.SH.B), ekonomia në tremujorin e parë të vitit 2014 vlerësohet me rritje prej 1,65 % kundrejt tremujorit të parë të vitit 2013, raporton sot INSTAT-i, sipas të cilit, ndikim në këtë rritje kanë dhënë degët e ekonomisë si Industri, Posta dhe Komunikacioni, Tregti Hotele dhe Restorante dhe Shërbime të tjera.

Është lajm i mirë që Industria ka ndikuar pozitivisht, por brenda saj ka ndikuar kryesisht Industria Nxjerrëse, e cila pati një rritje me 41,62 %, ndërsa Industria Përpunuese pati një rënie me 9,87 %.

Ka ndërruar jetë ish-presidenti gjeorgjian, Eduard Shevarnadze, ish-ministër i Jashtëm i Bashkimit Sovjetik të Mikhail Gorbaçovit, pas një sëmundjeje të gjatë në moshën  86-vjeçare. Kështu njofton radio “Eco” në Moskë. I emëruar në krye të diplomacisë sovjetike në vitin 1985, Shevarnadze ishte një nga protagonistët e Perestrojkës dhe dha dorëheqjen në vitin 1990. Nga 1995-a deri më 2003-in ishte President i Gjeorgjisë. Ai vlerësohej si nga të fundmit “dinosaurë” të diplomacisë sovjetike, që me takimin Regan-Shevarnadze i hapi rrugë shkrirjes së akujve mes dy superfuqive.

I penduari i "Bandës së Tritolit", Ndriçim Gjokona, i cili shërbeu si provë e fortë për policinë për zbërthimin e të ashtuquajturës banda e “bombave C4”, ka djegur krevatin dhe rrobat e tij në burg. Fatmirësisht nga zjarri nuk ka patur të lënduar.

LDK, Nisma dhe AAK duken të vendosura për të qeverisur së bashku vendin, por një vendim i Gjykatës Kushtetuese i hap rrugën Hashim Thaçit që të nisë negociatat për krijimin e qeverisë së re. Megjithatë çdo ditë bëhet e qartë se Thaçi nuk i ka numrat. Spekulimet janë nga më të shumtat. Së fundmi, Zëri raporton se Thaçi është i gatshëm që të heqë dorë nga posti i kryeministrit, duke përllogaritur që pas dy vitesh të marrë postin e presidentit. Njëkohësisht, PDK do mbetet në pushtet.

Ministrja e Arsimit dhe Sportit, Lindita Nikolla ka prezantuar Raportin përfundimtar të Reformës së Arsimit të Lartë dhe Kërkimit Shkencor. “Është një reformë ku flasin specialistët e politika qëndron larg. Kam ndjekur me vëmendje këto struktura dhe janë vendosur standarte të reja në kërkimin shkencor. Ky është një debat i shëndetshëm që do të realizojë dhe një ligj të ri të mirë për arsimin dhe kërkimin shkencor” tha ministrja. Sipas saj  kjo reformë vë në qendër universitetin, i cili tani nuk përballet me rrethanat e kohës. “Kjo refomë e sheh unversitetin nga sytë e studentit.

Shkrimtari Kim Mehmeti ka analizuar në një intervistë për Gazetën Shqiptare, trazirat që kanë pushtuar Maqedoninë, ku nuk ka ngurruar të kritikojë Tiranën e Prishtinën zyrtare, e sidomos klasën politike shqiptare në Maqedoni.

Në protestën që u zhvillua në Tetovë, kundër dënimit me burg të përjetshëm të shqiptarëve të akuzuar për rastin “Monstra”, një protestues shfaqet i guximshem dhe grushton fort një polic. Mediat shqiptare në Maqedoni, Kosovë e Shqipëri vërejnë se ai ngjan shumë me kampionin e boksit, Nuri Seferi, i cili kishte paralajmëruar se do të merrte pjesë në këto protesta.

Në momentin kur protestuesit po tentonin të shpërthenin kordonin e policisë, një protestues i guximshëm u përballë me forcat e rendit, duke goditur një polic me grusht në fytyrë, si një profesionist i vërtetë.