Arkiv-Lajme

Kreu i Partisë Socialiste, Edi Rama, ka zgjedhur ditën e diel (ndoshta për ta patur të tërën për vete vëmendjen mediatike) për një konferenë me shtypin, në të cilën ka thënë të vetën lidhur me një numër çështjesh. Mbi çështjen e marrëveshjes lidhur me kufirin detar, ai la mënjanë ekuivoket e gjuhën dykuptimëshe; tha qartë se “marrëveshja është rrugë e negociatave të errëta dhe të dyshimta, një marrëveshje antikombëtare. Pakti duhet bërë në dritat e diellit, fqinjësinë nuk do ta forcojmë mes koncesioneve të paligjshme”.

Suela Gera që shkruan për shqiptaren.com kish bërë një kronikë të zhurmave pranë apartamentit të saj, në një ditë të caktuar, kur i kish bujtur një kushurirë emigrante, tok me të bijën gjashtëmuajshe. Është një kronikë (dhe terror) zhurmash, të cilën ajo e ka bërë e cytur prej faktit që bebja nuk mundi të flinte, derisa u gdhi e nesërmja, dhe kushurira mori valixhet dhe iku në punë të saj.

Ora 09.00: Vogëlushja kish rënë në gjumë prej një gjysmë ore, dhe zgjohet papritur me të qara nga zhurma e një betoniere.

Gjatë javës që kaloi, gazeta Telegraf ka botuar pothuaj çdo ditë nga një intervistë me doganierin Urim Gjata (i paraqitur në foto me Berishën), i cili ka dhënë detaje të hollësishme sesi funksionon piramida e korrupsionin në doganat shqiptare. Në intervistën e fundit telefonike që ky doganier i dha gazetës Telegraf, ai tregoi për terrorizimin që, sipas tij, i kishte bërë policia së ëmës 90-vjeçare. Ndërkohë, ai është treguar i gatshëm t’i ofrojë drejtësisë prova e fakte për të gjitha akuzat publike që ai ka bërë deri më sot.

Historiani dhe kolumnisti anglez Noel Malcolm i rikthehet një kontrasti me Ismail Kadarenë, dhe këtë herë ka marrë shkak nga një shkrim i publikuar në Gazetën Shqiptare me autor Gjekë Gjonlekaj, në të cilin – këtë thotë në thelb Malcolmi – bëhen spekullime mbi kritikat që ky vetë i ka bërë Kadaresë në vitin e largët 1997. Dhe përpiqet – duket se ky është qëllimi i shkrimit – të davarisë njëherë e mirë retë e keqkuptimeve mes tij e shkrimtarit shqiptar.

Të nesërmen e ditës që ndodhi krimi në supermarketin e Yzberishtit, ku gjeti vdekjen i zoti i lokalit, 52 vjeçari Petrit Kurti, e përditshmja Panorama raportonte se ““burimet nga policia thanë dje në mbrëmje se rrethanat kanë qenë të tilla që e kanë interpretuar vrasjen si një krim të ndodhur me qëllime grabitjeje. Megjithatë, mbrëmë vonë, policia ka thënë se është duke hetuar edhe mundësinë e një vrasjeje për shkak të një konflikti pronësie që kishte shtetasi Petrit Kurti”.

Flasin analistët Mustafa Nano, Armand Shkullaku, Shpëtim Nazarko, Sokol Balla dhe Afrim Krasniqi

Një shkrim të vetin që ia kanë marrë pothuaj të gjithë sitet e një pjesë gazetash për ta botuar, Ardian Vehbiu e mbyll kështu: “Enver Hoxha që ia lejonte vetes të arnonte ombrellën, kishte pushtet absolut brenda një regjimi totalitar dhe e dinte këtë; sikur të fillojë edhe kryeministri i tanishëm shqiptar të arnojë ombrellat, të riparojë orën e dorës, të hajë supë nga tasi e të dalë rrugëve me kostum poliesteri bojëqiell, atëherë Shqipërinë vërtet e mori lumi.

Socialistët nuk kanë patur shumë skrupuj për t’i dalë kundër qeverisë lidhur me marrëveshjen mbi kufirin detar me Greqinë. Ka qenë dhe vendimi i Gjykatës Kushtetuese që ka inkurajuar e justikuar qëndrime të tilla të forta. Edi Rama e ka thënë të vetën, por janë të tjerët që janë ndalur më shumë tek kjo çështje. Një numër deputetësh të PS-së nuk e kanë frenuar gjuhën në konsideratat që kanë dhënë. U bënë ditë tashmë që nuk ka ditë që t’mos e thonë ndonjë gjë lidhur me temën në fjalë. Sot ka qenë Ditmir Bushati, që ka folur nga Korça.

Ka një teori konspiracioni, që thotë se Barack Obama, Presidenti i SHBA-ve, nuk ka lindur në SHBA, por në Kenia, dhe rrjedhimisht, certifikata e tij e lindjes në Hawai është e falsifikuar (‘Birthers’ quhen ata që i besojnë kësaj teorie). Kish kohë që askush nuk merrej me këtë tezë; të paktën, qysh nga momenti që Obama vetë publikoi certifikatën origjinale të lindjes.

Gazetaria shqiptare e kronikës së zezë po arrin majat këtë fund gushti me historinë e Nazimes, vajzës nga malet mes Tiranës e Burrelit, që sapo ka mbushur të 18-at. Ka disa që thonë se gazetarët tanë nuk kanë “aftësi hulumtuese”. Pa lexoni njëherë deri ku ka arritur “hulumtimi” i Nazimes në këtë intervistë botuar në shtypin e dy ditëve të fundit. E pyet gazetarja (e ka intervistuar në burgun 313):

- Të doli gjak kur të përdhunoi Fiqiriu?
Po, më doli.
- Po ato, menstruacionet, të kishin ardhur?
Jo, më erdhën disa kohë mbrapa përdhunimit.
(!!!)