Arkiv-Lajme

I cituar nga Gazeta Shqiptare, Vangjel Dule, kryetari i Partisë Bashkimi për të Drejtat e Njeriut ka deklaruar dje në mbledhjen e aktivit të partisë në Korçë se “pakti detar me Greqinë nuk duhet interpretuar në mënyrë folklorike”. Sipas tij, kjo gjë sjell dëmtimin e marrëdhënieve me Greqinë, por dhe interesat e vendit tonë.

Polemikat rreth aktgjykimit të Pussy Riot, (grupit të vajzave që kënduan një këngë kundër Putinit dhe p rkëtë u dënuan) morën një kthesë të papritur kur Kryeministri rus Dmitry Medvedev dha një deklaratë mjaft të papritur në lidhje me rastin në fjalë, siç raporton Pravda.

Në një intervistë të sotshme për ‘Telegraf’ ish-Kryetari i Gjykatës Kushtetuese Fehmi Abdiu shprehet se “Akti Normativ i qeverisë për lirimin e Banesave, është veprim kundër Gjykatës Kushtetuese” dhe diskriminon familjet që banojnë në ato banesa.

Revista Italiane ‘Chi’ do të publikojë fotot topless të Kate Middleton, Dukeshës së Kembrixhit, të publikuara në revistën simotër Closer, në Francë.

Revista e thashemthemeve do të publikojë një speciale 26 faqesh të Dukës dhe Dukeshës së Kembrixhit gjatë pushimeve të tyre ën jug të Francës, sipas BBC.

Në një intervistë për “Javën” e kësaj jave, Pëllumb Xhufi flet pa ekuivok për debatin mbi figurën e Zogut në Shqipëri. Ai e konsideron një tentativë për të ri-shkruar historinë nga ana e Z. Berisha, ndër të tjera dhe duke vjellë vrer ndaj figurave madhore të historisë sonë kombëtare si Fan Noli, Qemal Stafa, etj.

Gazeta Shqip në numrin e vet të sotëm denoncon fenomenin e blerjes së vendeve të punës për mësues. Pikërisht, dy ditë pasi Kryeministri garantoi në një fjalim të vetin se do të vazhdohet në rrugën e mbarë të zhvillimit të arsimit.

Urdhëri i 2 viteve më parë të Ministrit të Arsimit për të pastruar sistemin arsimor nga të pakualifikuarit u pasua nga një ligj i cili legjitimon rekrutimin e mësuesve në sistemin shkollor para-universitar.

Edhe nata që kaloi ka qenë një natë plot zjarre në botën myslimane për shkak të një filmi për Profetin Muhamet. Protestuesit e egërsuar kanë sulmuar ambasadat perëndimore duke  e kthyer filmin në një ‘luftë’ mes civilizimeve. Në  Khartoum të Sudanit janë sulmuar edhe ambasadat gjermane e britanike, së bashku me misionin amerikan, madje protestuesit kanë shpërthyer edhe brenda ambasadës gjermane ku kanë ngritur flamurin e zi të shahadës duke flakur atë gjerman, flamur që përdoret nga pjesa e islamistëve konsevatorë e që mbart simbolin e besimit.

Mediat kanë nisur të lakojnë emra për kreun e ri të KQZ-së dhe merret vesh që Topalli lobon për të zgjedhur këshilltaren e saj juridike Lefteri Lleshi (anëtare e KLD-së), por në garë është edhe Ilirjan Celibashi, ndërkohë që “rikthehet nëpër gara” edhe ish-kandidati për President, Hoxha (Artan).

Edi Rama ka qenë sonte në emisionin Tonight me Ilva Taren në Ora News. Duke folur për fushatën zgjedhore dhe aktorët e rinj të saj, Rama tha për Topin: “...Bamir Topi mos të flasë si miza në qyp. Partia e tij ështe e djathtë dhe duhet të ndajë mendjen nëse Bamiri dhe partia e tij do të marin vota të pakënaqurve të Saliut dhe të shkoj me të apo një alternative kundër qeverisë dhe opozitës. Kur dikush bertet kunder qeverise dhe opozites ne fund kthehet paterica e qeverise.