Arkiv-Lajme

Mesazhet private në Facebook nuk janë më të sigurta! Kjo është akuza por që vetë drejtuesit e Facebook-ut e mohojnë. Bëhet fjalë për një bug nqë publikon mesazhet private të përdoruesve. Pavarësisht se kompania e mohon duke thënë se mesazhet ishin postuar fillimisht nga përdoruesit vullnetarisht, kjo akuzë ka bërë që çmimi i aksioneve të FB të bjerë më shumë se 9% pas thashethemeve pas mbylljes së bursës.

Partia Socialiste ka propozuar ditën e sotme 2 emra për në anëtarësinë e Komisionit Qendror të Zgjedhjeve. Selia rozë bëri të ditur se 2 emrat janë Denar Biba dhe Albana Shtylla (në foto), të dy juristë të rinj, i pari me eksperiencë administrative në Gjykatën Kushtetuese, i dukshëm edhe publikisht me artikuj të herëpashershëm, botuar kryesisht tek "Panorama", - kurse e dyta me eksperiencë në drejtime kabinetesh në ministri dhe institucione kushtetuese, së fundmi drejtore kabineti e Avokatit të Popullit.

Televizioni A1-Report dhe gazeta shqiptarja.com ishin të parat që informuan publikun për fillimin e grevës së urisë të një grupi të burgosurish politikë të shtunën në mbrëma. Pas tyre, edhe media të tjera që nuk shquhen për mardhënie të afërta me qeverinë e kanë pasqyruar gjerësisht këtë grevë urie.

Deputeti socialist Andis Harasani nuk do të jetë më pjesë e grupit parlamentar të Partisë Socialiste. Kryetari i Partisë Socialiste Edi Rama e bëri të ditur këtë vendim në mbledhjen e grupit duke theksuar se largimi i Harasanit është tërësisht personal.

Anëtari i gjashtë i KQZ-së (i shtati është kryetari) i takon partisë së dytë më të madhe në opozitë, që në rastin konkret janë PBDNJ-ja dhe FRD-ja, të cilat kanë nga një deputet (PBDNJ-ja ka Vangjel Dulen dhe FRD-ja ka Gazmend Oketën). Si do zgjidhet kjo situatë? Cila parti do ta marrë?

Do të hidheni në kampin e majtë, apo të mbeteni në të djathtin, në zgjedhjet e vitit 2013? – kjo është pyetja, që Meta e fut gjithmonë në llogari sa herë që pranon të shkojë për një intervistë në një studio televizive. Edhe në programin ‘Fakt’ iu bë më shumë se njëherë e njëjta pyetje. Përgjigja e Metës është e ditur qysh më parë. Është e llojit: “Në fund të katërviteve do të bëjmë bilancin e kësaj maxhorance, dhe në atë moment do të vendosim”.

Lajmet e para mbi mundësinë reale të marrjes së statusit të vendit kandidat  në BE për Shqipërinë i dha lideri i së majtës në Parlamentin e Europian Hanes Svoboda.  Z.Svoboda shpjegoi jo vetëm hezitimin e vendeve anëtare por edhe formulën "ekskluzive" për Shqipërinë: një status të kushtëzuar nga ajo që do ndodhë në zgjedhjet e 2013-s.

Virgil Goode ka qënë kongresmen republikan në një distrikt të Virxhinas për 6 mandate. Aktualisht ai përfaqëson Partinë e Kushtetutës në garën për President të SHBA-së. Emri i tij gjëndet në fletët e votimit të 12 shteteve, por është Virxhinia shteti ku qënia e emrit të tij në fletën e votimit mund të varrosë shpresat e Romney-t për vajtjen në Shtëpinë e Bardhë.

Çapajev Gjokutaj në një opinion në të përditshmen MAPO, merr në analizë sjelljen e medias dhe një pjese të publikut shqiptar ndaj rastit të 5 shqiptaro-zviceranëve që luajnë për kombëtaren e futbollit të Zvicrës. Gjokutaj e fut më pas këndvështrimin e tij në përplasjen mes tradicionales dhe modernes dhe quan tradhtarë pikërisht tradicionalistët.

Kristina Färber është një murgeshë gjermane që jeton prej 13 vitesh në Shkodër. Ajo shoqëroi në verë një grup të rinjsh në gjak në një udhëtim nëpër Gjermani, i cili përfundoi në një audiencë të Papës në Romë. (shih edhe http://respublica.al/artikuj/2012/08/02/po-pse-kjo-gjakmarrj...).