Arkiv-Lajme

Anëtari i Kryesisë së PS-së, Ben Blushi, i ftuar në emisionin “5 pyetje nga Babaramo” në televizionin “A1-Report”, tha se nuk e përjashton një bashkëpunim elektoral me LSI-në në zgjedhjet e 23 qershorit. Sipas tij, LSI duhet të kuptojë pozicionin në të cilin ndodhet qeveria.

Qeveria shqiptare reagoi me një deklaratë ndaj heqjes së përmendores në Preshevë, e cila u botua, ndër të tjera, edhe në Faqen zyrtare të Këshillit të Ministrave online. Ardian Vehbiu në Peizazhe të Fjalës e ka marrë këtë deklaratë në analizë dhe ajo rezulton joserioze në shumë pikëpamje.

Gazeta DITA ka publikuar sot sondazhin e tretë të përmuajshëm në 11 minibashkitë e Tiranës, të zhvilluar në terren në periudhën 17-21 janar. DITA raporton se 1500 pyetësorët e kampionit u plotësuan në mënyrë anonime nga të anketuarit e përzgjedhur në mënyrë krejt të rastësishme në banesat e çdo minibashkie - pas plotësimit të pyetësorit, i anketuari e paloste atë dhe e fuste vetë në një kuti plastmasi të tejdukshme, të ngjashme me kutitë e votimit. Kështu është ruajtur fshehtësia e votes, në mënyrë të ngjashme me votimin real.

“Të kam parë me Filipin të drekosh e qeshësh me të madhe (diku në ditët e fundit të dhjetorit ai u shfaq në Padam në shoqërine Filip Çakulit drejtorit të ‘Fiks Fare’)”, – i them unë.

Ai qesh dhe më thotë: “E di që më ke parë”.

- “E ke falur Filipin?”

- "Unë i fal mediat, gazetarët. Kam menduar gjthmonë se çdokush bën punën e tij dhe nuk më shqetëson asgjë, përderisa besoj tek vetja ime. Ja ku jam sot”.

- "Edhe Filipin?”

Mentor Nazarko në të përditshmen PANORAMA analizon sot ato që i quan “mite rreth 21 janarit”. Merret fillimisht me “mitin e parë” atë që “Opozita i dërgoi me vetëdije protestuesit drejt vdekjes”.

E përditshmja DITA ka botuar në numrin e saj të sotëm një raport konfidencial të PAMECA dhe ICITAP për gjendjen në policinë shqiptare, të dhënat e të cilit janë alarmante.  “Raporti thotë se pagat e policëve, janë më keq se në 2003. Situatë katastrofale, është krijuar me veprimet mbi pagat dhe zhdukjen e koeficientëve në rrogat e policëve veçanërisht pas 2007-s.

Vdekja e drejtuesit antikrim të policisë së Matit Musa Skura dhe situata në policinë shqiptare, ka shkaktuar sot një përplasje të re sot mes qeverisë dhe opozitës. Kreu i opozitës Rama ka dalë sot paradite në një konferencë për shtyp, ku është shprehur ndër të tjera:

Rezoluta për çështjen çame e propozuar nga PDIU është programuar sot për t'u shqyrtuar nga komisionet parlamentare. Anëtarët e Komisionit Parlamentar të Jashtëm u shprehën dakord për ta futur në kalendarin e punimeve duke caktuar edhe relatorët (deputetët Fatbardh Kadilli dhe Qemal Minxhozi). Kreu i PDIU-së Shpëtim Idrizi u shpreh i bindur se kjo rezolutë "do të mbështetet nga të gjithë forcat parlamentare sepse kërkon riaktivizimin e traktatit të miqësisë dhe heqjen shprehimisht të ligjit të luftës:.

Kreu i Qeverise Sali Berisha, tha sot në një konferencë të prezantuar në media si "konferencë kombëtare për biznesin social" se sot jepen 160 milionë dollarë nga buxheti i shtetit vetëm për ndihmë ekonomike dhe se "nëse nje pjese te ketyre fondeve do të jepeshin ne formen e mikrokredive do te kishim me shume punesim dhe dalje te familjeve nga varferia".

Gazetarët nuk kanë kohë për të bërë gazetari, nuk kanë kushte dhe është shumë e vështirë të flasësh për etikë.. Dhe tek e fundit reporterët e rinj do të kërkojnë aq etikë sa është tradita etike që do të gjejnë në redaksi - shkruan Lutfi Dervishi në revistën on line Medi@Link të Institutit Shqiptar të Medias.
Në një analizë mbi situatën e etikës në mediat shqiptare, autori në fjalë flet edhe për Kodin e Etikës botuar në 2006-n.