Meta "e ka falur" Filipin..

“Të kam parë me Filipin të drekosh e qeshësh me të madhe (diku në ditët e fundit të dhjetorit ai u shfaq në Padam në shoqërine Filip Çakulit drejtorit të ‘Fiks Fare’)”, – i them unë.

Ai qesh dhe më thotë: “E di që më ke parë”.

- “E ke falur Filipin?”

- "Unë i fal mediat, gazetarët. Kam menduar gjthmonë se çdokush bën punën e tij dhe nuk më shqetëson asgjë, përderisa besoj tek vetja ime. Ja ku jam sot”.

- "Edhe Filipin?”

- “Kam falur median, kam falur edhe Filipin. Kam bërë gabim?”, – më kthehet ai, me një ton të qetë e të çliruar - “Nuk vuaj nga komplekset që kanë disa. Unë jam një politikan që kam provuar shumë ulje ngritje në karrierrën time dhe prej shumë kohësh asgjë nuk më trondit, apo lëkund”.

Pjesa është shkëputur nga rubrika Lunch.Com e gazetares Mira Kazhani në të përditshmen Shqiptarja.Com, ku Meta e gazetarja bisedojnë ndër të tjera edhe për videon Meta-Prifti transmetuar pikërisht nga Fiks Fare. “Se çfarë ishte ajo video, këtë e tregoi koha”,- i thotë Meta gazetares dhe kjo e fundit shton: “E shoqëron (përgjigjen) me një qetësi olimpike, sikur t’i kish hyrë veç një gjemb në këmbë në rërën e Lalzit  Përpara se ta takoja kisha frikë se mos ndoshta do stepesha t’i drejtoja shumë pyetje... Në një moment mes rrufitjes së çajit tim dhe kafes së atij, e pyes nëse pyetjet e mia janë bezdi për të? -”Jo, më pyet për çfarë të duash. Nuk kam asnjë problem me pyetjet, kur përgjigjet i jap vetë”.

(A.N.)

E plotë në:

http://www.shqiptarja.com/blogs/lunch_com/ilir_meta_si_u_ber...