Arkiv-Lajme

Vizion Plus ka zbuluar se 2 nga 3 gjyqtarët që liruan vrasësit e “21 Janarit” (kryetari dhe një nga anëtaret e trupit gjykues) janë refuzuar te dekretohen në këtë detyrë nga ish-president Alfred Moisiu, për shkaqe korrupsioni.

Në një shkrim te Panorama, komentet ish Ministrit të Shëndetësisë për disa vite, Tritan Shehut mbi fjalën e Ramës për Shëndëtësinë përmbanin terma të tillë: “mjegullnajë e përgjithshme, frazeologji pa kuptim, pyetje pa përgjigje, kritika të lëna në ajër e pa zgjidhje, teori të mbetura vetëm në nivelin e teorive të socializmit utopik”, “”Ide thellësisht nihiliste”, “etatizëm absolut, centralizim ekstrem, slogane komuniste për një shëndetësi “falas”, gënjeshtra pa asnjë argumentim”, “simptoma të një politike të tejkaluar”,“ filozofia e politikave autokratike”

Quinnipiac University ka nxjerrë të dhëna se "Hillary është figura më popullore kombëtare në Amerikë."

Sipas sondazhit të kryer nga 30 janar - 4 shkurt, në bazë të votuesve të regjistruar, 61 për qind e tyre kanë një opinion shumë pozitiv për znj. Klinton, ndërsa 34 për qind e votuesve jo. Ajo mundi lehtësisht presidentin Obama në këtë sondazh ku ai ishte i pëlqyer vetëm nga 51 për qind. Zv/Presidenti Joe Biden kishte një vlerësim pozitiv prej 46 për qindësh nga votuesit e këtij sondazhi.

Kryeministri ka gjetur të rinjtë e PPE-së për të shpjeguar se çfarë mendon për... 21 janarin! Kujtimet e tij janë pak ndryshe nga pjesa tjetër e popullsisë, sepse ai mban mend që vrasësi ishte Edi Rama dhe se mbi kryeministrinë qenka hedhur dinamit!!?

Në rastin e 21 janarit, Vangjel Dule dhe PBDNJ janë pozicionuar kundër qeverisë. Sipas Dules është rast unikal në botë, sepse u vu në dyshim ekspertiza e FBI.  “21 Janari do jetë rasti unikal në botë që strukturat tona vënë në dyshim ekspertizën e institucionit më të specializuar në botë për investigimet e këtij lloji, FBI-në. Vendimi për 21 janarin ishte dhënia e një nuance edhe më të zezë njollës që të gjithë shohim se ekziston mbi sistemin e drejtësisë”, – tha Dule, cituar nga Shqip.

Ish-Kryeministri Aleksandër Meksi në një intervistë për JAVA-n flet gjatë për dosjet dhe ligjin e lustracionit i cili ka mbetur në sirtarët e Kuvendit sepse asnjë nga palët nuk ka vullnet politik për të bërë transparencën e figurave dhe ndarjen nga e shkuara. Ky ligj, i pregatitur me asistencën gjermane nga një grup i zgjeruar, por “deri tani askush, as ndonjë OJQ, as ndonjë Parti politike, dhe asnjë deputet i vetëm, nuk merr inisiativën për ta paraqitur. Si model, ky projektligj është më i butë në kufizimet dhe në qortimet që i bën të shkuarës, fjala vjen, modeli bullgar apo maqedonas.

Fabrikimi i së vërtetës në zyrat e partisë, tashmë është bërë një “trend” dhe jo vetëm në kohë zgjedhjesh, kur partia furnizon me video të trukuara të aktiviteteve të veta mediat.

Ministri i Drejtësisë, Halimi, ka gjuajtur me spondë ambasadën amerikane nga televizioni KLAN, duke i akuzuar indirekt se edhe ata janë “vrasës”. Ai ka risjellë në bisedë një histori të vitit 1998, duke thënë: “Kur qytetarët janë kacavjerrë në muret e ndonjë ambasade, janë ekzekutuar”.  

Në Shqipëri burime të Prokurorisë së Përgjithshme i thanë sot Zërit të Amerikës se do të bëhet ankim në gjykatën e Apelit ndaj vendimi të djeshëm të Gjykatës së Tiranës e cila shpalli dje  të pafajshëm komandantin e Gardës së Republikës Ndrea Prendi dhe përgjegjësin e njësisë speciale Agim Llupo të akuzuar për vrasjen e tre prej katër manifestuesve që u qëlluan me armë zjarri gjatë protestave të opozitës në 21 Janar të vitit 2011.