Arkiv-Lajme

Portali online i gazetës Dita, njofton se sipas burimeve të brendëshme, 17 drejtues të lartë të Aleancës Kuqezi kanë dhënë dorëheqjen. Pas kësaj dorëheqjeje masive,  ndër ta edhe Presidenti i Aleancës për Kryeqytetin, 6 departamente të kësaj partie janë shkrirë plotësisht. Më poshtë lista e të dorëhequrve (me gabime drejtshkrimi [sic] në origjinal, siç i është dërguar gazetës).

1-  Dashamir Uruci,  ish Kryetari i Organizates  Kosova, Ambasador i paqes, sekretar per ceshtjet ekonomike me Aleancen kuq e zi dhe President i asamblese te Partise per kryeqytetin,

Në Asamblenë e mbledhur sot të Partisë Fryma e Re Demokratike, Bamir Topi është shprehur se “Kuvendi është institucioni më i diskretituar” dhe se “Në rast se ka nevojë për një hetim parlamentar është pikërisht politika e pandershme nepotike e pushtet për të pushtuar selitë diplomatike”

Topi ka rrëfyer edhe përvojat e veta kur “të ashtuquajturit ambasadorë refuzonin të prisnin kryetarin e shtetit në kryeqytetet e Europës Perëndimore dhe në zyrat e tyre nuk kishin fotografinë e kryetarit të shtetit.”

Kreu i PS-së, Edi Rama e ka parë të arsyeshme ta trajtojë në Twitter çështjen e shkuljes së veshit. Madje, dhe këtë e ka bërë si të ishte “një lojë”, kur u ka kërkuar “opinion” ndjekësve të tij në lidhje me një propozim të Fate Velajt.

Shkruan Rama:

“Propozim i Fate Velaj: 24 prilli te shpallet dita e Shkuljes se Veshit:-) Jam kurioz sa like-s merr ky propozim(?)!”

Në analizën e vet të përjavëshme te MAPO, H. Çili, analizon vendimet e 2 partive të reja me kredo politike në skenën shqiptare, FRD e AK, për të garuar më vete. Çili e jep që ë titull opinionin e tij, duke i quajtur 2 vendime “apolitike”

Në lidhje me FRD, opinioni i gazetarit pranë qeverisë, është se ajo nuk fiton gjë vetë, por heq votat e së djathtës. Madje, ai e quan dhe “dalje nga natyra e gjërave”.

Revista e njohur amerikane The New Yorker, në një shkrim të gjatë prej nëntë faqesh në numrin e saj të fundit, ka trajtuar gjerësisht akuzat që UÇK-ja ka kryer trafikim të organeve të serbëve të kapur rob, raporton agjensia INA. Gazetari i New Yorker, thuhet se ka intervistuar mbi 4 herë një dëshmitar që revista e quan Adrian - emër i shpikur – i cili ka treguar historinë e një të riu serb që donin ti merrnin zëmrën në një shtëpi në afërsi të Kukësit.  Sipas dëshmitarit “"ai bërtiste në serbisht ‘Zot më ndihmo’. Ne e lidhëm, e pastruam me shumë alkool trupin e tij.

Grupi parlamentar i Partisë Demokratike ka zbatuar urdhrin e kryeministrit Sali Berisha për ngritjen e komisionit parlamentar për hetimin e Edi Ramës në lidhje me “ngjarjen e Vjenës”, nëse mund të quhet ngjarje shkulja tashmë e famshme e veshit. Por, për PD, kjo ngjarje është me rëndësi të veçantë shtetërore dhe publike. Janë 36 deputetë të PD (por asnjë drejtues i lartë i saj, vëren TEMA) që kanë firmosur për të hetuar Ramën.

Agjencitë e lajmeve njoftojnë se është arrestuar sot në sarajevë një nga presidentët e Bosnje-Hercegovinës, Zhivko Budimir. President i federatës Bosnjako-kroate, ai është arrestuar me 18 persona të tjerë pas dyshimeve për mitmarrje, abuzim me postin, krim të organizuar dhe trafik droge. 
Aksionin e arrestimit e kanë kryer pjesëtarët e Agjencisë Shtetërore për Hetime e Mbrojtje (SIPA) në zyrën e tij, zyrë ndrsa këto forca po bastisin disa ambiente në Presidencën e Bosnjës, në Sarajevë.

k.c.

Ndërkohë që flitet për mundësinë e një komisioni parlamentar kundër Edi Ramës, Skëder Minxhozi me një editorial te Shqip rikthen në vëmendje faktin që edhe një  kryetar tjetër partie është akoma prej “vitesh” tashmë në hetim parlamentar. Bëhet fjalë për Bamir Topin, kreun e FRD që është nën hetim parlamentar si puçist i 21 janarit. Ky hetim parlamentar i harruar, me siguri e bën z. Topi të vërë buzën në gaz (me siguri të njëjtën gjë bëjnë dhe anëtarët e komisionit të ‘puçit’) shkruan Minxhozi. Dhe tani, atij po i bëhet një bashkudhëtar një kryetar tjetër Partie.