Arkiv-Lajme

Erion Veliaj është kandidati i majtë për Bashkinë e Tiranës. Kryeministri dhe kreu i Partisë Socialiste, Edi Rama ka zyrtarizuar konkurrentin e majtë, vetëm pak minuta pasi PD shpalli kandidatin e saj, mjekun Halim Kosova. Shefi i ekzekutivit e deklaroi Veliaj si kandidatin përfaqësues të së majtës në zgjedhjet vendore për Bashkinë e Tiranës, pas takimit që pati në selinë e majtë, me deputetët e qarkut të Tiranës. Për mediat Rama tha shkurt: “Kemi finalizuar edhe procesin e Tiranës.

Kryetari i Partisë Demokratike, Lulzim Basha ka prezantuar sot kandidatin zyrtar të PD për Bashkinë e Tiranës, mjekun e njohur, Halim Kosova.  Sipas Bashës, “ne dëgjuam zërin e qytetarëve, që duan mjek në Bashkinë e kryeqytetit dhe jo politikanë. Kosova është kryetari i ri i Bashkisë së Tiranës”. Në takimin më herët me deputetët e qarkut të Tiranës është diskutuar për strategjinë e selisë blu në zgjedhjet e 21 qershorit.

Firmoset marrëveshja e koalicionit të majtë në zgjedhjet lokale te 21 Qershorit, ku pjese e saj do te jenë mbi 40 parti. Në tyerzën e aleatëve kryeministri Rama kishte në krah Ilir Metën dhe Shpëtim Idrizit, krerët e dy forcave që përbëjnë boshtin e koalicionit. I pari qe doli nga takimi ishte kryeparlamentari Ilir Meta i cili tha: ”…Koalicioni është shumë i gjerë dhe gjithëpërfshirës edhe për Tiranën do jetë shumë gjithëpërfshirës…s’ishim për emrin, ishim për koalicionin, emri për koalicionin është shumë gjithëpërfshirës”,­ tha shkurt Meta per mediat.

Nisin punimet tek Xhamia e Namazgjasë, raporton “Vizion Plus” në një nga kronikat e transmetuara prej tij. Pas shumë premtimesh, ka nisur këtë të enjte puna konkrete në terren për të bërë realitet një nga dëshirat e besimtarëve muslimane, ndërtimin e Xhamisë se Namazgjase, qe fillesat e veta i ka qe ne vitin 1938. Firma e ndërtimit ka kryer piketimet dhe gërmimet e para, pas një kalvari te gjate procedurash për marrjen e lejes. Përfaqësues te komunitetit myslimane thonë se kjo xhami më shumë se sa një dëshire është nevoje për besimtaret.

Rreth 2200 shtetas shqiptarë janë larguar nga vendi vetëm tre muajt e fundit drejt Gjermanisë, me kërkesën për azil ekonomik. Gjatë një interviste për ‘Top Channel’, zv.ministrja e Brendshme Elona Gjebrea pohon se shtetasit shqiptarë po mashtrohen nga persona të caktuar, ndaj të cilëve kanë nisur hetimet për mashtrim me pasoja të rënda. Ajo u bën apel shtetasve shqiptarë të mos mashtrohen, pasi të gjithë ata që kanë aplikuar për azil në Gjermani do të kthehen.

Deklarata e Ramës për bashkim me Kosovën ka shqetësuar dhe Rusinë. “Retorika për Shqipërinë e Madhe nuk kontribuon në ruajtjen e klimës së stabilitetit dhe marrëdhënieve të mira fqinjësore në Ballkan”. Kështu ka reaguar Moska pas deklaratave të kryeministrit të Shqipërisë, Edi Rama për bashkimin me Kosovën.

Në një konferencë për shtyp të mbajtur ditën e sotme Nard Ndoka ka thënë se është i hapur edhe për një koalicion me PS-në. Ai i cilësoi të ngurtësuara vendimet e PD dhe i cilësoi si të papërshtatshëm kandidatët e zgjedhur nga demokratët. “PD po tregohet e ngurtë në raport me PDK, është vënë re një mungesë serioziteti edhe nga lidershipi i kësaj partie.

Seanca e sotme në Kuvend ka nisur me çështjen e deputetit Koço Kokëdhima. Opozita tha që kërkesa e saj për heqjen e mandatit të deputetit socialist të dërgohet në Gjykatë Kushtetuese, si organi i ngarkuar nga ligji themeltar i shtetit për tu shprehur në këtë rast. Përfaqësuesit e maxhorancës, anëtarë në Këshillin e Mandateve dhe Rregullores e kanë cilësuar të pambështetur në ligj e Kushtetutë kërkesën e opozitës me argumentin se në asnjë rast deputeti Kokëdhima nuk ka shkelur as nenin 70, pika dy e Kushtetutës dhe as nenin 28 të ligjit për konfliktin e interesave.

Më 15 mars konflikti në Siri hyri në vitin e tij të pestë. Sipas asaj që shkruan agjencia e lajmeve “AFP”,  lufta në Siri ka shkaktuar vdekjen e më shumë se 220 000 personave, një shifër kjo e llogaritur që prej fillimit të revoltës kundër regjimit të presidentit Bashar al-Asad, më 15 mars 2011, bëri me dije sot Observatori Sirian për të Drejat e Njeriut (OSDH). “Që prej fillimit të revoltës janë regjistruar rreth 222 271 të vdekur nga sulmet në Siri”, deklaroi sot për shtypin Rami Abdel Rahman, kreu i OSDH-së.

Kryeprokurori Adriatik Llalla deklaron se prokuroria ka nisur verifikimin për të gjithë kandidatët për zgjedhjet. Deklarata u bë nga kryeprokurori pas Tryezës së Rrumbullakët me teme: “Gjykimi penal dhe Unifikimi i praktikes gjyqësore”, që zhvilloi paraditen e sotme Gjykata e Lartë në Hotel Tirana. “Për të gjithë rastet që ka kallëzim dhe normalisht do hetohen. Hetime dhe për të gjitha rastet e bëra publike kur ka dyshime të arsyeshme. Prokuroria ka hetuar dhe do vijojë të hetojë për të gjitha rastet e bëra publike”, tha kryeprokurori Adriatik Llalla.