Arkiv-Lajme të përditësuara

Edhe pas më shumë se katër vjetësh që nga shpallja e pavarësisë, Kosova ende nuk ka kodin shtetëror telefonik. 

Në mungesë të këtij kodi, operatorët e telefonisë mobile dhe telefonisë fikse, shfrytëzojnë kode të huaja ndërkombëtare. 

Telefonia mobile "Vala" shfrytëzon kodin e Monakos(+377), ajo e IPKO-s kodin e Sllovenisë (+386), kurse telefonia fikse shfrytëzon kodin (+381) të Serbisë. 

Mijëra njerëz kanë mbetur të bllokuar në aeroportet gjermane në një tjetër grevë të personelit të  kompanisë ajrore Lufthansa. Greva 24-orëshe ka detyruar firmën të anullojë 1200 fluturime, rreth gjysmën e trafikut të saj ditor duke lënë në tokë 100 mijë pasagjerë.

Presidenti rus, Vladimir Putin sinjalizoi gjatë një interviste televizive se Rusia është e shqetësuar se mburoja raketore e Shteteve të Bashkuara mund të drejtohet kundër Moskës, në rast se Mitt Romney zgjidhet në krye të Shtëpisë së Bardhë. Putin sulmoi rivalin e Obamës, Mitt Romney duke e cilësuar kriticizmin e tij ndaj Rusisë, një retorikë të keqpërdorur për fushatë dhe aludoi se presidenca Romney do të thellonte ndarjen që ekziston edhe aktualisht mes Shteteve të Bashkuara dhe Rusisë për mburojën raketore në Evropë.

Mijëra spanjollë kanë dalë në protesta, kundër vizitës së kancelares Merkel në Madrid. Ata fajësojnë Merkel për masat e ashpra të kursimit. Rreth 300 persona me pankarta në duar u mblodhën përpara Parlamentit dhe ambasadës gjermane. Kancelarja ishte në Madrid për takime me kryeministrin, Mariano Rajoy. 

Bursat aziatike me shumë gjasa do të shënojnë rritjen më të madhe në pesë javë, pas planit të ri të Bankës Qendrore për blerjen e bonove për vendet në krizë të eurozonës. Nikkei në Japoni u rrit me 1.8 për qind, Shangai me 2.3, Hang Seng i Hong Kongut me 1.9 dhe Kospi i Koresë me 2.2 për qind. 

Një ditë më parë, Mario Draghi, kreu i Bankës Qendrore Evropiane tha se plani fokusohet në blerjen e bonove me afat maturimi 3-vjeçar në ato vende që kanë implementuar masa të ashpra kursimi. Qëllimi është të ulet kostoja e borxhit. 

Me premtimin për akomodim, ushqim, makinë dhe bileta udhëtimi, profesorët grekë ftohen të emigrojnë në Shqipëri, për të dhënë mësim në universitetet shqiptare. 

Oferta përfshin sigurimin e udhëtimit, pagën dhe të gjitha shpenzimet për ushqim dhe akomodim. Propozimi parashikon gjithashtu kthimin e profesorëve grekë nga Tirana deri në Kakavijë. Sipas gazetës greke "Kathimerini", "universitetet shqiptare po kërkojnë “trurin” e fqinjëve të tyre grekë". 

Banka Qendrore Europiane do të ndërhyjë duke blerë bonot e shteteve në krizë të Eurozonës. Ky ishte vendimi i marrë nga bordi i këtij institucioni i mbledhur ditën e enjte. 

Pas këtij vendimi, kreu i BQE-së doli në një konferencë për mediat duke deklaruar se vendimi nuk e kufizon BQE-në në blerjen e titujve të vendeve në krizë, ndryshe nga ajo çfarë kërkonte e ngulmoi Gjermania. 

Para godinës qëndrore të forcave speciale në Athinë, ruajtësit e rendit janë përleshur me çtu vinte dorësh në protestën më të fundit kundër masave të kursimit që duket se kësaj here ka vendosur në kahe të kundërta dhe kolegë. Oficerët e policisë protestuan jashtë selisë së forcave speciale në Athinë në një përpjekje simbolike për të mos lejuar kolegët e tyre të dalin nga godina. Sindikata e policëve të Athinës është shprehur me zemërim për shkurtimet e paralajmëruara të pagave, të cilat pritet të jenë pjesë e paketës së fundit të masave të shkurtimeve nga qeveria. 

Indeksi i cmimeve të muajit Gusht shënoi rritje prej 0.4 përqind krahasuar me muajin Korrik të këtij viti. Rritja janë vënë re jo vetëm tek ushqimet, por edhe tek veshjet dhe karburantet. 

Kështu bëri të ditur INSTAT në raportin për Indeksin e Çmimeve të Konsumit ku theksoi se në muajin Gusht 2012, arriti 112.4 përqind kundrejt muajit Dhjetor 2007 (Dhjetor 07=100), duke shënuar një rritje prej 0.4 përqind krahasuar me muajin e mëparshëm.