Arkiv-Lajme të përditësuara

Epiqendra e zemërimit popullor në Greqi ishte orët e fundit qyteti i dytë më i madh i vendit, Selaniku. 

Të paktën 25000 vetë, sindikalistë të sektorit privat dhe shtetëror, studentë, pjesëtarë të forcave të policisë, pensionistë dhe organizata të majta, kanë protestuar ditën e shtunë kundër masave të reja të qeverisë së kryeministrit Samaras që ka vizituar këtë qytet me rastin e hapjes së Panairit Ndërkombëtar.

Në shkrimin titulluar "Dhimbje prapa bukurisë", redaktori i BBC-së Mark Lowen, njohës i mirë i çështjeve të Greqisë, thekson sakrificat dhe efektet e krizës ekonomike në jetën e përditshme të grekëve dhe përshkruan sezonin turistik të verës që po kalon, duke paraqitur dy anët e medaljes. 

Në median greke është publikuar një video tronditëse, ku janë filmuar rreth 40 anëtarë të Agimit të Artë, mes të cilëve edhe deputetët e kësaj partie, Germeni dhe Iliopullos, të cilët kanë sulmuar shitësit e tregut të Rafinës, duke iu shkatërruar tezgat dhe mallin. 

Videoja u postua fillimisht në websiten e partisë Agimi i Artë dhe duket se është filmuar nga vetë anëtarët e saj. 

Nxënësit dhe prindërit e fshatit Podgorçë të Strugës protestuan për mbylljen e paraleleve në gjuhën shqipe në këtë fshat. 

Shpresa e presidentit amerikan Barack Obama për një fushatë të vrullshme me fjalimin e tij në konventën e demokratëve, është shoqëruar nga shifra zhgënjyese për punësimin. 

Zoti Obama mësoi se shifrat për punësimin nuk ishin “edhe aq të mira”, një ditë pasi mbajti fjalimin e shumë pritur në konferencën e partisë së tij në Karolinën e Veriut. 

Republika e Maqedonisë feston sot 21-vjetorin e zbatimit të suksesshëm të referendumit, ku qytetarët e Maqedonisë u prononcuan për një shtet të pavarur dhe sovran. 

Mbi 95 për qind e qytetarëve që dolën në referendum iu përgjigjën pozitivisht pyetjes së referendumit "A jeni për një Maqedoni të pavarur me të drejtë të hyjë në fuqi në aleancën e ardhshme të shteteve sovrane të Jugosllavisë?". 

Referendumit i parapriu Deklarata për Pavarësi, që Parlamenti i parë i Maqedonisë shumë partiake e miratoi më 25 janar 1991. 

Edhe pas më shumë se katër vjetësh që nga shpallja e pavarësisë, Kosova ende nuk ka kodin shtetëror telefonik. 

Në mungesë të këtij kodi, operatorët e telefonisë mobile dhe telefonisë fikse, shfrytëzojnë kode të huaja ndërkombëtare. 

Telefonia mobile "Vala" shfrytëzon kodin e Monakos(+377), ajo e IPKO-s kodin e Sllovenisë (+386), kurse telefonia fikse shfrytëzon kodin (+381) të Serbisë. 

Mijëra njerëz kanë mbetur të bllokuar në aeroportet gjermane në një tjetër grevë të personelit të  kompanisë ajrore Lufthansa. Greva 24-orëshe ka detyruar firmën të anullojë 1200 fluturime, rreth gjysmën e trafikut të saj ditor duke lënë në tokë 100 mijë pasagjerë.