Arkiv-Lajme të përditësuara

Ministri i Arsimit i Serbisë, Zharko Obradovic, ka reaguar ndaj deklaratave të Nismës për të Drejtat e Njeriut me seli në Beograd për mungesën e librave për nxënësit shqiptar, për të cilën ka raportuar edhe Top Channel në reportazhin e ditës së parë të shkollës. 

Gjatë ditës së parë të kontrolleve antiduhan, Task Force ka vendosur 7 gjoba në subjekte që kanë shkelur ligjin, nga 102 të kontrolluara vetëm në Tiranë, bëri të ditur sot drejtuesi i Task Force, Roland Shuperka. 

Po bëhet më shumë se një vit që emigrantët shqiptarë në Greqi përballen me një problem shumë të madh, të shoqëruar me mundime dhe shpenzime, pa asnjë rezultat, sikur për ta të mos ekzistonte shtet. 

Emigrantët, fëmijët e të cilëve kanë lindur në Greqi dhe veçanërisht në qytetet Selanik, Follorinë, Kostur etj, nuk munden të nxjerrin çertifikata lindjeje apo familjare dhe për rrjedhim, as të rinovojnë dokumentet e qëndrimit të tyre në Greqi. Shkaku duket fare banal, por sado i tillë, nuk po gjen një zgjidhje nga autoritetet përgjegjëse. 

“Moody’s” ka ulur parashikimin për Bashkimin Evropian duke e zhvlerësuar nga rangu AAA në “negativ” dhe ka paralajmëruar se ulja e vlerësimit mund të shkojë edhe më tej. 

Thuhet se lëvizja në fjalë reflekton parashikimet negative për kontribuesit kryesorë të buxhetit të BE-së. 

Më herët gjatë vitit, “Moody’s” bëri parashikime negative për Gjermaninë, Francën, Holandën dhe Mbretërinë e Bashkuar. Agjencia e kreditimit tha se këto vende ishin të gjitha të ekspozuara ndaj krizës së borxhit. 

Gara për presidencialet 2012 në Shtetet e Bashkuara është intensifikuar ndërmjet rivalëve Obama-Romney. Edhe për presidentin amerikan, Barack Obama ka mbërritur momenti për të shënuar kulmin e fushatës së tij në javën e konventës së demokratëve që do të mbahet në Charlotte, në Karolinën e Veriut. 

"Kompanitë amerikane janë duke u përgatitur për atë që kohë më parë ishte e paimagjinueshme: faktin se Greqia së shpejti mund të detyrohet të largohet nga zona euro". Kështu shkruan New York Times, që  tregon se degët e Bankës së Amerikës dhe Merrill Lynch kanë gati planet për të "mbushur kamionë me të holla për të dërguar jashtë kufijve të Greqisë në mënyrë që klientët e tyre mund të vazhdojnë të paguajnë punonjësit dhe furnitorët edhe nëse monedha nuk është më në dispozicion." 

Kisha Katolike në Australi ka marrë vetëm gjatë këtij viti, të paktën 1.500 denoncime për  abuzime seksuale nga ana e priftërinjve, nga të cilat rreth një e treta për abuzime me fëmijët. Lajmi u bë i ditur sot nga gazeta "The Australian", duke theksuar se numri është pothuajse me siguri një nënvlerësim, sepse Kisha pretendon të mos jetë në gjendje të japë një shifër të saktë kombëtare. 

Sektori industrial në bllokun e 17 vendeve që përdorin monedhën e përbashkët euro regjistroi një rënie të re në gusht, sipas të dhënave të publikuara të hënën nga kompania e specializuar e vlerësimeve financiare “Markit”. 

Indeksi mbi prodhimin industrial tregoi se sektori u kontraktua, pavarësisht reduktimit të çmimit nga ana e shumë fabrikave.

Indeksi për muajin gusht ishte prej 45,1, më i mirë se rekordi më i ulët në tre vjet prej 44 në muajin korrik, por dukshëm nën nivelin e stanjacionit, të një indeksi prej 50.