Arkiv-Lajme të përditësuara

Punonjësit e komunave të rajonit të Atikës kanë zhvilluar sot një protestë në qendër të Athinës, për të kundërshtuar shkurtimin e buxhetit të komunave nga qeveria, në kuadër të zbatimit të masave shtrënguese. 

Protestuesit marshuan fillimisht nga Sheshi Karaiskaki drejt sheshit Sintagma. 

Kancelarja gjermane shprehu mbështetjen për qytetarët grekë në këto ditë të vështira që po kalojnë, të vënë në provë nga reformat ekonomiko-financiare që qeveria e Athinës është e detyruar të ndërmarrë për të tejkaluar krizën. 

“Ndjehem e pikëlluar kur mendoj për përballimin e të tilla taksave, apo uljes së pensioneve për të moshuarit”, tha Merkel gjatë një takimi me qytetarë gjermanë në Berlin.

Rreth 100 minatorë në ishullin italian të Sardenjës janë mbyllur rreth 400 metra nën tokë, së bashku me qindra kilogramë eksplozivë, në shenjë proteste për mbylljen e mundshme të minierës e që pritet t'i lërë të papunë. Minatorët kanë pushtuar minierën Karbosulkis që të hënën, dhe tashmë kanë zgjedhur këtë mënyrë proteste, deri në përfundim të një takimi të përfaqësuesve të tyre me Qeverinë ku do të vendoset e ardhmja e minierës. 

Në rrafshin e Dukagjinit, konkretisht në Deçan vazhdojnë të digjen qindra hektar me pyje. 
Burimet bënë të ditur se janë 2 vatra zjarri, një në Deçan dhe tjetra ne Manastirin e Deçanit. 
Fatmirësisht nuk ka viktima në njerëz, por vijon ende tu kanoset rreziku banorëve që jetojnë në atë pjesë të vendit. 

Policia franceze bastisi ditën e martë një prej kampeve më të mëdha të komunitetit rom në qytetin e Lionit, një ditë pasi një kamp i ngjashëm u shpërnda në kryeqytetin Paris. 

Autoritetet franceze raportuan se më shumë se 120 persona janë shpërngulur me udhër të gjykatës.

Sipas aktivistëve pro të drejtave të njeriut, veprimi i Parisit zyrtar ka lënë pa shtëpi dhjetëra fëmijë dhe të porsalindur.

iliardë eurosh prej qeverisë qëndrore spanjolle. 

Këtë verë, një fond prej 18 miliardë eurosh u vendos në dispozicion nga Madridi për të ndihmuar 17 rajonet e tij autonome, shumë prej të cilëve me një gjendje alarmante të financave.

Vetë krahina e Katalonjës, më e pasura në vend, sjell në arkat e shtetit 20% të Prodhimit të Brendshëm Bruto të Spanjës.

Huaja për të cilën ka nevojë qeveria lokale e Barcelonës do të lejojë atë të përballojë kostot e administratës lokale dhe të projekteve e investimeve rajonale.

Qëndrimet e kundërta të Metës dhe Berishës për heqjen e imuniteteve sipas analisteve nuk përbejnë rrezik për koalicionin PD-LSI. Nëse kryeministri lajmëroi referendum popullor për këtë çështje, kreu i LSI ishte kundër kësaj linje duke kërkuar zgjidhjen e saj në parlament. Për Aleksandër Çipën, nuk ka diversitet te brendshëm mes LSI dhe PD por e gjitha është sjellje elektorale, kur zgjedhjet e 2013 po afrojnë. Ndërsa Eduard Zaloshnja shton se linja kundër me PD nga ana e LSI behet për emrin e kryeprokurorit , për të cilën Meta kërkon të jete propozim i tij.

Shoqata e Invalidëve të Punës dhe të Verbëve ka paralajmëruar nga Kukësi se në muajin Tetor do të dërgojë në Këshillin e Ministrave një paketë të re ligjore për ndryshimet e kërkuara nga ana e tyre sa i përket ligjit për Statusin e të Verbërit dhe ndryshimin në Ligjin për Statusin e Invaliditetit. 

Policia dhe Shërbimi informativ Kombëtar e kanë kthyer Greqinë në një Big Brother të madh me anë të përgjimit telefonik. 

Provat tregojnë se rreth 50 000 telefona fiksë dhe të lëvizshëm kanë qenë nën përgjim, ndërkohë që 7 kompani të komunikimit telefonik kanë raportuar probleme sigurie në rrjetin e tyre. 

Të dhënat që vijnë nga Autoriteti i Privatësisë së Komunikimeve ADAE, dhe që publikohen nga gazeta “To Vima”, janë tronditëse. 

Parku Arkeologjik i Finiqit i vendosur rreth 8 kilometra larg Sarandës gjendet jashtë vëmëndjes së specialistëve dhe investimeve prej vitesh. 

Në park shfaqen shumë rrallë vetëm ekipet e gërmimit, ndërsa territori është i parrethuar, i pambrojtur dhe i mbuluar nga bimësia dhe shkurret. Foinike ose Finiqi i sotëm ishte kryeqëndra e Kaonisë së dikurshme, dhe në vitin 234 para krishtit u bë  kryeqendra e Epirit.