Arkiv-Lajme të përditësuara

Ambasadori Aleksandër Arvizu ka zgjedhur faqen në Facebook të ACT-Now për të bashkëbiseduar me qytetarët shqiptare, të cilët i kanë drejtuar një mori pyetjesh. 

Gjatë bashkëbisedimit online që zgjati më shumë se 60 minuta u vu re një interesim i theksuar, që lidhej me zgjedhjet e 23 qershorit. I pyetur për rregullat që duhet të ndiqen në këto zgjedhje, ambasadori Arvizu dha këtë përgjigje.

TIRANE- Një prej aktorëve më të dashur të skenës shqiptare, nuk ka mundur  të mposhtë sëmundjen që e mundonte prej më shumë se një viti. Roland Trebicka është ndarë nga jetë pasditen e të mërkures, në moshën 66- vjeçare.

Sot në nderim të tij do të zhvillohen homazhe ne ambientet e Teatrit nga ora 11:00-13:00, prej nga ku me pas do te percillet ne banesen e fundit.

Nje nga fotot e fundit te aktorit, Roland Trebicka

Autoriteti Kombëtar i Ushqimit ka ushtruar kontrolle sot në furrat e bukës për të parë cilësinë e prodhimit të tij. Pas vëzhgimit AKU ka gjobitur dhe pezulluar aktivitetin e disa furrave të bukës në 12 qarqe të vendit për mungesën e higjienës dhe përdorimit të ambalazhit qese. Inspektorët kanë kryer kontrolle në 513 furra, gjatë periudhës 13 shkurt – 1 mars 2013, ku janë konstatuar më së shumti probleme me mungesën e higjienës në Qarkun e Lezhës, Kukësit, Dibrës dhe Fierit. AKU shprehet se në rastet kur rezulton bukë me ngjyrues  , ky ngjyrues është i çërtifikuar dhe bimor.

Sot në mbarë vendin shënohet festa e “7 Marsit” e njohur si Dita e Mësuesit. Në gjithë vendin pritet që të mbahen aktivitete të ndryshme për të nderuar mësuesit për kontributin që kanë dhënë në edukimin e brezave.

Hapja e Mësonjëtores së parë shqipe në Korçë, më 7 Mars të vitit 1887, e ktheu këtë ditë në një festë mbarëkombëtare për të përkujtuar dhe shprehur mirënjohjen për punën e mësuesve në edukimin e brezave.

Aktivitete kulturore do të ketë në të gjitha shkollat e vendit, ndërkohë që priten edhe aktivitete masive të organizuara nga qeveria dhe ministria e arsimit.

Mihal Delijorgji, administratori i kompanisë “Albademil” dhe i cilësuar si një nga përgjegjësit e tragjedisë së Gërdecit, shpërblehet me leje nga burgjet.

Vetëm pak ditë pas dorëzimit në polici për të vuajtur dënimin e mbetur prej 3 muaj e 24 ditëve, Delijorgjit i jepet leje për sjellje të mirë.

Partia Demokratike e Kosovës nuk po i merr seriozisht paralajmërimet e Behgjet Pacollit se do të dalë nga Qeveria nëse nuk i plotësohen të gjitha kërkesat. Madje, Hajredin Kuçi ia ka rikujtuar atij se partneriteti nuk zhvillohet duke kërcënuar. Nënkryetari i PDK’së tha për Express se ende nuk ka marrëveshje për rindarje të ministrive.

Kërcënimet e AKR’së se do të dalin nga koalicioni nëse nuk i plotësohen kërkesat për të marrë poste të tjera nuk janë marrë seriozisht nga Partia Demokratike e Kosovës.

Policia e Tiranës i ka dhënë fund pengmarrjes 3 ditore të një të riu nga Librazhdi, i cili mbahej i izoluar në një lokal afër stacionit të trenit.

Ata i kërkonin babait të 22-vjeçarit një borxh të pashlyer prej 86 mijë lekësh. Policia ndërhyri në momentin e shkëmbimit të pengut me paratë dhe ndaloi 3 autorët.

Zëdhënësja e policisë së kryeqytetit jep detajet mbi ngjarjen.

Pas disa muajsh pritet të merret vendimi për rrugën përmes së cilës do të kalojë gazi i rajonit të Kaspikut për në Evropë. Shqipëria është një prej vendeve të shumta të interesuara për këtë burim të ri energjitik. Në lojë janë dy projekte konkurrente TAP-i dhe Nabucco West. Zëri i Amerikës sjell sot zërat e dy ekspertëve, një në Itali dhe një nga Shtetet e Bashkuara, për të marrë mendimet e tyre

Gianfranco Lizza është profesor i Gjeopolitikës në universitetin Sapienza të Romës, Jenik Radon, Profesor i Universitetit Columbia në Nju Jork.

Letra - Më 1 mars, përfaqësuesja e OSBE-së për lirinë e mediave i dërgon Kryeministrit Berisha një letër, ku i shpreh shqetësimin për ligjin

Shqetësimi - Në këtë letër, Mijatoviç thekson se KKRT dhe Këshilli Drejtues i RTSH-së duhet të jenë politikisht gjithëpërfshirës dhe të pavarur në drejtim

Zyrtarët

Letra i është dërguar për dijeni edhe Kryetares së Kuvendit, Topalli, Panaritit dhe ambasadorit Wollfarth

Deputeti i PD, Marku: S’mund të pranonim propozimin e opozitës

Fryma e Re Demokratike nisi nga Elbasani prezantimin e programit të saj politik dhe ekonomik.

Kryetari Bamir Topi tha se ky program do e çojë FRD-në drejt një fitoreje të sigurt në zgjedhjet e 23 qershorit.

“Kjo sallë e mbushur me njerëz që vijnë me dëshirë për të dëgjuar dhe jo e mbushur me punonjës administrate, është baza e forcës së FRD-së dhe garanci për të qenë një parti me psikologji fituese.