Arkiv-Lajme të përditësuara

Kryeministri Sali Berisha ka zhvilluar sot një konferencë për shtyp me gazetarët, ku ka folur për krizën e ekonomike. Ai ka thënë se i ka thirrur gazetarët për ti treguara atyre dhe publikut paketën e re të reformave të mëdha që do miratojë këto ditë qeveria shqiptare.

Partia Socialiste akuzoi sot Ministrinë e Brendshme për mungesë transparence në përgatitjen e listave të zgjedhësve duke e parë këtë si një fenomen që rrezikon procesin zgjedhor. Sekretari socialist për çështjet zgjedhore, Damian Gjiknuri, në një dalje publike për mediat denoncoi se gjysmë milionë zgjedhës nuk kanë dijeni për qendrën ku do të votojnë.

Me rastin e 7 marsit, Ditës së Mësuesit, Kryetari i Partisë Socialiste, Edi Rama ka zhvilluar një takim me një grup arsimtaresh.

Nga qyteti i Korçës, ku ka zhvilluar takimin e radhës me strukturat e partisë së tij, kreu i PDS, Paskal Milo, e konsideroi në traditën e kryeministrit Berisha ndërmarrjen e nismave antiligjore si ajo e referendumit, kur është në fundin e pushtetit të tij. 

Gabime të ngjashme që shkakojnë pakënaqësi tek faktori ndërkombëtar, Berisha ka bërë edhe në 1996-97 tha Milo, teksa vuri në dukje reagimin e dytë të Komisionerit për Zgjerimin, Stefan Fyle, kundër referendumit për tre ligjet e integrimit.

TIRANE- Gjyqtari Astrit Haxhialushi do të kryesojë dosjen e 21 janarit në Gjykatën e Apelit Tiranë.

Shorti është hedhur sot, ndërsa anëtarë të trupit gjykues do të jenë edhe Fatos Qato dhe Tom Ndreca.

Pas vendimit të 7 shkurit, ku u shpallën të pafajshëm drejtuesit e Gardës së Republikës, Prokuroria e Përgjithshme vendosi të apelojë vendimin e dhënë nga Gjykata e Tiranës.

Pas urimeve të nisura që në mëngjes, luleve e dhuratave, orëve të shkurtuara dhe ndonjë dreke me kolegët, disa mësues do shkojnë në shtëpi e do u rrëfejnë familjarëve 7 Marsin e tyre të radhës. Të tjerë, duhet ta shtyjnë për më vonë këtë orë, sepse pasdite duhet të jenë në auditor, këtë herë të ulur në banka si studentë të masterit që janë duke ndjekur. Ca nga ata janë studentët e masterit 90-kreditësh të Shkencave të Edukimit, e brezit të tretë në UET, që sot pasdite do zhvillojnë lëndën e administrimit shkollor.

Kryeministri Berisha mblodhi sot arsimtarët shqiptarë në Pallatin e Kongreseve, në një aktivitet të organizuar nga qeveria shqiptare me rastin e ditës së 7 Marsit, festa e mësuesit.

Berisha deklaroi para mësuesve se Shqipëria është vendi që ka ndryshuar më shumë në këto 20 vite në gjithë historinë e Europës dhe theksoi se mësuesit janë ndryshimi më i madh i kombit

Një ngjarje e rëndë ka ndodhur ditën e sotme në Berat, ku dy vajza të mitura kanë mbetur të plagosura pasi janë përplasur nga një makinë. Aksidenti i rëndë ndodhi në fshatin Çiflik të këtij rrethi paraditen e sotme.

Mjeti që aksidentoi dy vajzat, 12 dhe 2 vjeçe, kushërira me njëra tjetrën drejtohej nga një 10 vjeçar, i cili pasi kishte marrë pa leje makinën e të atit, përplasi dy vajzat të cilat ishin duke kaluar në rrugë.

Të miturat janë transportuar menjëherë për ndihmë mjekësore në spitalin ushtarak në gjendje të rëndë për jetën.

Ambasadori i Bashkimit Europian në Tiranë, Etore Sekui, ka komentuar çështjen e referendumit për tre ligjet, kërkuar nga mazhoranca në pushtet.

Sekiu tha se nuk i heq asnjë presje asaj që ka deklaruar Komisioneri për Zgjerimin, Stefan Fyle. Sekui tha se për BE konsensusi mbetet shumë i rëndësishëm.

“Fyle i ka thënë të gjitha, nuk do të shtoj asgjë. Duhet ta keni vënë re që ne flasim për konsensus dhe dialog dhe ju them se cila është mënyra jonë e interpretimit për dialogun. Dialogu për ne nuk është shuma e dy monologjeve”, tha Sekui.