Arkiv-Lajme të përditësuara

TIRANE- Var veten me rripin e pantallonave nje person nje ambientet e komisariatit numer 3 ne kryeqytet.

Ngjarja e rende ka ndodhur ne oret e para te mengjesit te sotem, ku personi qe i ka dhene fund jetes ka qene i shoqeruar ne kete komisariat per shkaqe qe ende nuk behen me dije.

Sipas ‘News24′, ai eshte identifikuar si personi Ndue Kolthi, 57 vjeç, i cili punonte si polic privat.  Policia dhe SHKB kanë nisur hetimet intensive për zbardhjen e plotë të ngjarjes.

PANORAMA

Ministri i Drejtësisë, Eduard Halimi në një komunikim me mesazhe me deputetin e PD-së, Fatos Hoxha ka përdorur një zhargon banal për Avokatin e Popullit, Igli Totozani duke thënë se ai mbron homoseksualët. Mesazhi është fokusuar nga kamerat e televizionit  "A1 RAPORT", ndërsa dy deputetët shkëmbenin mesazhe mes tyre. Kjo ka ndodhur dje në Komisionin e Ligjeve. 

Kryeministri Sali Berisha ka zhvilluar mbledhjen e parë me kabinetin e riformatuar pas largimit të LSI nga koalicioni qeverisës. Në fillim në mbledhjes, ai ka prezantuar tre ministrat e rinj që i bashkohen kabinetit qeveritar: Halim Kosova, Visar Zhiti dhe Florion Mima. Ky i fundit ka munguar në mbledhjen e sotme për shkak të një impenjimi pune jashtë shtetit.

Shqipëria ka thyer embargon e vendosur nga Këshilli i Sigurimit të Kombeve të Bashkuara, duke dërguar armatim në Libi.

Lajmin e bën të ditur agjencia Asscociated Press, referuar një raporti të brendshëm, që ka qarkulluar të martën në Këshillin e Sigurimit.

Raporti është përgatitur nga një panel ekspertësh.

Siç raporton AP, armët e dërguara në Libi po përhapen me një shpejtësi alarmante në vende të tilla si Mali, Siria apo Rripi i Gazës.

“Përgjatë dy viteve të fundit, Libia është kthyer në një burim domethënës të armëve në rajon,” thuhet në raport.

Qeveria e Kosovës nuk e ka ende të qartë se cfarë do të ndodhë me procesin e bisedimeve, pavarësisht deklarimeve se ky proces nuk ka marrë fund.

Bekim Çollaku, Këshilltar i Kryeministrit Thaçi ka deklaruar se ekziston mundësia për marrëveshje.

Në konferencën e Elbasanit, kryesocialisti Edi Rama pati në fokus papunësinë, e cila siç tha ai po i merr frymën shoqërisë shqiptare. 

Duke iu referuar shifrave të INSTAT, të cilat siç tha lideri i opozitës më pas u manipuluan, por edhe shifrave të Bankës së Shqipërisë, zoti Rama bëri një ekspoze të gjendjes alarmante që numëron 1 milionë të papunë. Kryesocialisti hodhi poshtë edhe ato që i quajti manipulime të qeverisë me rritjen e pagave. 

MOSKE- Gjatë takimit të sotëm me presidentin e Rusisë, Vladimir Putin, në një rezidencë afër Moskës, kryeministri i Serbisë, Ivica Daçiç e ka falënderuar atë për mbështetjen për çështjen e Kosovës.

“Ju falënderojmë shumë për mbështetjen që ju po jepni për politikën e Serbisë për Kosovën”, tha Daçiç, dhe shtoi se “populli i Serbisë e di dhe e mban në mend se Rusia është miku i tij më i madh”.

Putin ka ftuar nëpërmjet Daçiç, për ta vizituar Rusinë, presidentin e Serbisë, Tomisllav Nikolliç, “në çdo kohë që atij i përshtatet”.

BERAT - "Shqipëria nuk mund të jetë vend i zhvilluar, pa një fshat të zhvilluar në shkallën e fshatrave të vendeve të zhvilluara". Kështu e ka nisur fjalën e tij me fermerët e Beratit sot pasdite kryeministri Sali Berisha.

Ai ka kujtuar se, në 2005 qeveria e tij përcaktoi këtë objektiv, që në pamje të parë dukej utopik, aspak realist. "Ne përcaktuam detyrën tonë, që kudo në Shqipërinë rurale të ndërtohej e njëjta infrastrukturë me lagjet e qyteteve. Të ndërtonim rrugë, kanale vaditjeje, shkolla, kanalizime me të njëjtat standarde me lagjet e qytetit", tha Berisha.

Debatet lidhur me Rezolutën Çame kanë vazhduar ditën e sotme në Komisionin e Jashtëm . Kryetari i këtij komisioni Fatos Beja  bëri me dije se rezoluta është miratuar një herë në vitin 2004 por nmuk është rregjistruar  në fletoren zyrtare. Një gjë e tilël është mohuar nga  ish-kryetari i Kuvendit në atë kohë, Servet Pëllumbi. Ai deklaron se rezoluta nuk është miratuar, pasi në të kundërt do ishte pasqyruar në fletoren zyrtare. Kryetari Beja ka deklaruar se nuk duhet bërë një rivotim për pr/rezolutën por një rregullim në procesverbal.

Në mbledhjen e sotme të qeverisë janë miratuar vendimet për shkarkimin nga detyra të të gjithë zëvendësministrat që i përkisnin Lëvizjes Socialiste për Integrim si dhe prefektëve që i përkisnin po kësaj force politike.