Arkiv-Lajme të përditësuara

Ergest Xhoxhi, kunati i Dritan Dajtit, ka lënë qelinë e burgut pas tre vite e dhjetë muajsh, prej ditës kur përfundoi në pranga me akuzën e “përkrahjes së autorit të krimit”. Ai ka rrëfyer në një intervistë për “GSH” përjetimet e tij për çdo minutë të kaluar në qeli. Më 7 gusht 2009, pranë pistës “Iliria”, u ekzekutuan nga Dritan Dajti, katër oficerë të skuadrës speciale operacionale, të cilët tentuan t`i vinin prangat pas shtatë vitesh në arrati. Të vrarë mbetën Fatos Xhani, Saimir Duçkollari, Altin Dizdari dhe Kastriot Feskaj.

Serbia ka pranuar që të mos pengojë Kosovën që ta ketë kodin e saj telefonik, e i cili pritet të jetë 383 ose 384. Zëvendëskryeministrja Edita Tahiri tha për Express se gjatë takimit të sotëm në dialogun teknik është folur edhe për kompensimet financiare nga ana e shtetit serb për dëmet e shkaktuara në fushën e energjisë, që nga viti 1999. Ajo pohoi se marrëveshja finale për telekomin dhe energjetikën mund të arrihet në nivel kryeministrash.

Partia Socialiste do të mbajë numrin 29 në fletën e votimit, ndërsa Partia Demokratike numrin 43. 

Shorti i hedhur në Komisionin Qendror të Zgjedhjeve dha këtë përcaktim për dy partitë më të mëdha në vend, në fletën ku renditen plot 66 forca politike.

Fleta e votimit, që në këto zgjedhje është e verdhë, hapet nga dy parti, që nuk garojnë brenda koalicioneve, dhe mbyllet po nga dy parti, që garojnë të vetme, AK dhe në fund renditet Fryma e Re Demokratike.

Kreu i Partisë Socialiste, Edi Rama në fjalën e mbajtur gjatë prezantimit të kandidatëve për deputetë në qarkun e Fierit, ka deklaruar se Berisha i mbush sheshet me robër ndërsa PS me qytetarë.

“Saliu erdhi mbushi sheshin me robër këtë shesh, ndërsa sot sheshi është i stërmbushur me qytetarë. Nuk do të ketë më njerëz që merren zvarrë për qokat e pushtetit. Pas 23 Qershorit shteti do të jetë i qytetarëve dhe qeveria do të jetë e të gjithë qytetarëve. Nuk e di ca tha Saliu në Fier por e di ca do t’i thotë Fieri Saliut më 23 Qershor.”

Për më shumë se 50 minuta kryevëzhguesja e ODIHR, Conny McCormack ka zhvilluar takimin e saj të parë me shefin e delegacionit të BE-së në Tiranë Ettore Sequi.

Menjëherë pas takimit zoti Sequi bëri një deklaratë për median ku ai vlerësoi CV-në e zonjës McCormack. Gjithashtu zoti Sequi tha se BE-nuk është pjesë e asnjë negociate për të zgjidhur problemet që kanë lindur me KQZ-në.

Profesori i socialistëve flet për një fitore të sigurt, por ka edhe mesazhe për të majtët, për të mos lejuar që euforia dhe pakujdesia të dëmtojë rezultatin

Profesori i socialistëve, Servet Pëllumbi ka qenë i pranishëm në Peqin, në krah të kandidatit socialist, Alfred Peza.

Kjo ka qenë dalja e parë e tij në këtë fushatë. Duke folur përpara të pranishmëve, Pëllumbi tha se Peqini do nderojë veten dhe Alfredin.

Eurodeputeti i majtë gjerman, Knut Fleckenstein thekson shqetësimin e Parlamentit Europian në lidhje me Komisionin Qëndror të Zgjedhjeve. 

Pas takimit të kësaj jave mes grupimit të majtë në PE me kreun e PS Edi Rama, në një intervistë për TCH, Fleckenstein ndan përshtypjet për debatin dhe shqetësimet për zgjedhjet e ardhshme në Shqipëri. 

Nesër kryetari i Partisë Socialiste, Edi Rama do të prezantohet si kandidat për deputet në qytetin e Vlorës. Këtë e ka bërë të ditur vetë kryetari Rama në faqen e tij zyrtare në Facebook, ku njofton se nesër në orën 18:00 do të bëhet prezantimi në Pallatin e Sportit. Ndërsa ka bërë një përshkrim të lëvizjeve të tij në qytete të ndryshme të Shqipërisë me autobus, ai shkruan se ndjehet shumë i emocionuar për ngjarjen që e pret nesër në orën 18:00.

Mbërrijnë në Tiranë 14 muxhahedinët e parë iranianë, të cilët ka pranuar t’i strehojë qeveria shqiptare. Lajmi është bërë i ditur nga i dërguari i OKB-së për Irakun, Martin Kobler, i cili tha se 14 muxhahedinët kanë mbërritur në Tiranë të mërkurën në mbrëmje. Sipas Kobler,  ky është hapi i parë i përpjekjeve për të sistemuar në Shqipëri 210 anëtarë të këtij grupi, për të cilët ka rënë dakord qeveria shqiptare.