Arkiv-Lajme të përditësuara

 PDIU është një tjetër forcë politike që pretendon se ka fituar bindshëm në këto zgjedhje. “PDIU, sipas të dhënave paraprake ka arritur të sigurojë një rezultat shumë të mirë, përtej pritshmërive dhe projeksioneve që ne kemi paralajmëruar gjatë fushatës sonë elektorale. Po ashtu edhe koalicioni i mazhorancës “Punësim, Mirëqenie dhe Integrim” nga të dhënat tona, projektohet të jetë fitues në këto zgjedhje. PDIU bën thirrje që vullneti i qytetarëve të lexohet i lirë dhe të shpallet i lirë. Ne e duam Shqipërinë të Bashkuar.

TIRANE- Kreu i socialisteve, Edi Rama, ka deklaruar sot nga selia e PS-se se Rilidnja jo vetem fitoi mbi rrenimin, por fitorja do te jete me e thelle nga sa pritej. 

Ai i eshte drejtuar me thirrje kundershtarit, Berisha, se ka gjithnje nje kohe per te humbur.

Edhe mediat e huaja  e kanë ndjekur vazhdimisht procesin e votimit dhe të numërimit të votave. “Reutets” shkruan se Partia Socialiste me në krye Edi Rama kryeson rezultatin që prej fillimit të procesit të votimit. ‘Reuters’ thekson se KQZ-ja, fillimisht ka qenë e heshtur në dhënien e informacionit, dhe ajo çfarë është vënë re shkruan, rrjeti i lajmeve, PD-së shpalli festë sa u mbyll votimi. Sipas agjencisë së njohur, Rama është përpara në Tiranë, Fier, berat, Elbasan, Korçë dhe Gjirokastër.

Koalicioni i Vëzhguesve Vendorë e ka cilësuar procesin zgjedhot të qetë dhe punën e KQZ-së si të mirë.  KVV publikoi sot konkluzionet për procesin zgjedhor. Pavarësisht disa incidenteve të vogla dhe ngjarjes së rëndë në Laç, ku një person u vra dhe dy të tjerë u plagosën procesi konsiderohet i qetë. Sipas  vëzhguesve vendorë gjatë procesit të votimit janë vënë re probleme të tipit ,vonesat në hapjen e qendrave, votimet familjare, problemet me kartat e identitetit, problemet për intimidimin e zgjedhësve.

  MAPO

Kreu i vëzhguesve të Parlamentit Europian, Eduard Kukan, i shoqëruar nga ambasadori i Bashkimit Europan, Etore Sekui, ishte i pari që vizitoi sot në mëngjes në zyrën e tij kryeministrin Sali Berisha.

Më pas ai shkoi në selinë e Partisë Socialiste ku takoi kryetarin, Edi Rama.

Pas takimeve, ai ka dhënë një prononcim për mediat, duke theksuar se Berisha i ka premtuar se do të njohë rezultatin.

“Dy-tre herë Kryeministri Berisha më ka përsëritur që do ta pranojë rezultatin,” ishte përgjigjja e Kukan, pas interesimit të mediave.

Komisioni Qendror i Zgjedhjeve publikoi të dhëna paraprake mbi përqindjen e pjesëmarrjes në zgjedhje nga votuesit për të 12 qarqet e vendit. Të dhënat i përkasin 10 për qind të qendrave të votimit. Në rang kombëtar, raportohet se kanë marrë pjesë rreth 50 për qind e votuesve, (nuk bëhet e ditur se si është nxjerrë kjo shifër nga ana e KQZ). Pjesëmarrja më e lartë raportohet në Kukës në masën 58 për qind ndërsa pjesëmarrja më e ulët raportohet në Vlorë në masën 40 për qind. Të dhënat e KQZ mbi pjesëmarrjen kanë qenë gjatë të gjithë ditës shumë të mangëta dhe tërësisht jokorrekte.

TIRANE- Ambasadori i BE-se ne vendin tone, Etore Sekui, shoqeruar nga Eduard Kukan kryetar i delegacionit  të PE për marrëdhëniet me Evropën Jug – Lindore, kryesuar i komisionit Ad Hoc i Parlamentit Evropian, i cili ndodhet në Shqipëri me rastin e zgjedhjeve parlamentare kane zhvilluar nje takim me kryeministrin e vendin Sali Berisha. 

Takimi i nderkombetareve me Berishen mbahet ne godinen qeveritare dhe pa pranine e mediave. 

Koalicioni i majtë po shkon drej një fitoreje të padyshimtë.

Nga rezultatet paraprake për 12 qarqet nga vëzhguesit e ‘A1 Report’ në të gjitha qendrat e numërimit të votave nxjerrin fitues koalicionin e majtë “Aleanca për Shqipërinë Europiane”.

Nga projeksionet paraprake rezulton se koalicioni i majtë ka një bilanc pozitiv + 13.5 %, në krahasim me zgjedhjet e vitit 2009. Ndërsa koalicioni i djathtë ka një rënie në – 7.9 %.

Nga projkesioni paraprak koalicioni i majtë merr 84 mandate, ndërsa koalicioni i djathë 56 mandate në rang vendi.

Qarku i Fierit konsiderohet si një nga qarqet që mund të sjellë surpriza në këto zgjedhje. Kutia e parë që është hapur u përkiste banorëve të fshatit Drizë, ku nga raportimet paraprake rezulton se PS ka marrë 144 vota, LSI 3 vota dhe PD 21 vota. Në KZAZ 59, në qendrën e votimit 3126, Aleanca e majtë në kutitë e para ka 140 dhe Aleanca e djathtë 36. Në dy kutitë e numëruara deri në orën 2.23 në ditës së sotme ASHE numëron 297 vota ndërsa AMPI numëron 107 vota. Në këtë qakr 16 vota ka marrë edhe deputeti i pavarur Dritan Prifti.

Ora 19:30 e ditës së djeshme ka shënuar përfundimin e procesit të votimit në Qarkun e Kukësit. Si asnjëherë tjetër, ky proces ka patur një dyndje të madhe të popullsisë drejt qendrave të votimit. Nga 78 mijë votues, kanë marrë pjesë në votime mbi 63 për qind e individëve që janë pjesë e listave zgjedhore. Karakteristikë për Qarkun e Kukësit ka qenë shprehja e vullnetit për të marrë pjesë në votime edhe nga qytetarë të Republikës së Kosovës të cilët kanë qëndruar në Kukës gjatë periudhës së Luftës së vitit 1998.