Arkiv-Lajme të përditësuara

Kampioni olimpik i Greqisë, peshëngritësi Pirro Dhima, i pari në listën e kandidatëve për deputetë të PASOK, nuk është i vetmi minoritar i zgjedhur nga partitë politike greke, për të kandiduar në zgjedhjet e 6 majit në vend. Sportisti i njohur me 4 medalje olimpike është pozicionuar nga kreu i PASOK në krye të listës me 12 kandidatët që e kanë të siguruar hyrjen në Parlament, ndaj mund të quhet padyshim deputet i ardhshëm i Parlamentit grek. 

Pas më shumë se një muaji nga ndotja e thellë e liqenit nga mbeturinat e ardhura nga Kosova apo zonat rurale të Kukësit, banorët e qytetit nuk konsumojnë më peshkun e tij nga frika e helmimit. Sic shprehen dhe vetë banorët, ata që nga momenti i ndotjes kanë vendosur që të mos konsumojnë më produktet e nxjerra nga liqeni. 

"Faktikisht nuk kemi konsumuar. Kjo punë vështirësohet më shumë me ndotjen e liqenit, kështu që nuk duhet konsumuar", thotë një banor.

Sondazhet e fundit në Greqi përforcojnë faktin se në parlamentin e ri do të përfaqësohen 10 parti, ndërkohë që një shumicë prej 70-75% e të pyeturve, shprehen për domosdoshmërinë e një qeverie të bashkëpunimit, e cila duhet të bëjë gjithçka që vendi të mos dalë nga euro. 

Eshtë festuar dje në Tiranë Dita Ndërkombëtare e Librit, një aktivitet që organizohet në të gjithë botën përfshi edhe Shqipërinë për të 10-in vit radhazi. 

Festimet kanë nisur me një panair të vogël të përvitshëm libri që bëhet në oborrin e fakultetit të Histori- Filologjisë dhe konferencat shkencore të mbajtura në sallat e leksioneve. Sivjet, pedagogët e Letërsisë në Fakultetin Histori- Filologji promovuan revistën "Letra" e cila sipas tyre do të ketë si mision kritikën e letërsisë. 

Në titullin “Maqedonia në kazanin kosovar” e përditshmja maqedonase ‘Fokus’ e ditës së Martë shkruan se në rajonin e Likovës dhe përgjatë kufirit Maqedoni-Kosovë ka grupe të uniformuara dhe të armatosura. Këto grupe të uniformuara sipas gazetës i kanë parë edhe policia dhe me këtë janë të njohur instancat më të larta të Ministrisë së Punëve të Brendshme, transmeton shkrimin portali Shqipmedia. 

Vetëm disa ditë para zgjedhjeve parlamentare në Greqi, pothuajse të gjitha partitë kryesore në politikën greke janë bashkuar të paktën në një qëllim. Të luftojnë atë që e konsiderojnë si njollë turpi për vendin, por ajo që forcohet cdo ditë e më shumë, partinë Hrisi Avgji ose Agimi i Artë, është organizata politike e ekstremit të djathte, që vetëdeklarohet si lidhje nacionaliste me identitet popullor. 

Mbetjet spitalore të Elbasanit depozitohen në fushën e mbeturinave të qytetit. Ndonëse ka një ligj të mirëpërcaktuar për menaxhimin e mbetjeve spitalore dhe trajtimin vecmas të tyre, në Elbasan ato hidhen në natyrë të hapur, pranë fushës së vendepozitimit të mbeturinave urbane. 

Nene të caktuara të draftligjit për arsimin parauniversitar, po kundërshtohen nga grupe të interesit. Këtë herë qendra shqiptare e asistencës arsimore, ëhstë kundër kryesimit të Këshillit kombëtar të  arsimit parauniversitar nga ministri, dhe nga prefektet në nivel vendor.