perendimi

Sjellja e Turqisë në raport me Perëndimin duket se po çon në rivlerësim të partneritetit dypalësh. Ankaraja zyrtare nën drejtimin e Recep Tayyip Erdogan po e përkufizon veten si një aktor gjeopolitik të cilit i rri shumë ngushtë kostumi i një aleati të SHBA, apo thjesht një anëtari të NATO-s. Në një shkrim në EuObserver, autori Simon Waldman, një lektor në King’s College London, ndan mendimin se Turqia nuk duhet konsideruar më partner strategjik i Perëndimit.

Në zgjedhjet presidenciale ruse nuk ka asnjë suprizë. Vladimir Putin po shkon drejt fitores së sigurtë, madje me diferencë të thelluar në raport me 64% të votave që mori në vitin 2012.

Mediat rapotojnë se nga gjysma e kutive të numëruara, Putin ka siguruar 75% të votave, i pasuar nga milioneri komunist Pavel Grudinin. Në garë ishin edhe gazetarja Ksenia Sobchak dhe nacionalisti i njohur, Vladimir Zhirinovsky. Rivali opozitar, Aleksei Navalny u përjashtua nga gara.  

Perëndimi nuk ka as 10% të të drejtave fetare që ka Turqia dhe Greqia është ndër ato vende që nuk përmbush as edhe këtë kuotë në zbatimin e tyre. Akuza është bërë nga zv.kryeministri turk, Bekir Bozdag, që gjatë një fjalimi të mbajtur në një konferencë universitare ka përmendur edhe rastin e vdekjes së një myslimani në Ksanthi.

“Liria fetare ekziston edhe në vende që nuk janë anëtarë të BE-së. Është e pabesueshme se Perëndimi ka vetëm 10% të lirive fetare që aplikohen në Turqi”, tha ai. Sipas tij, Greqia nuk i respekton dhe i shtyp të drejtat e myslimanëve në Thrakën perëndimore.

“Lamtumirë Rama! Ike me turp nga kjo punë.

Dy herë është shitur partia që drejton sot Ramë ziu: një herë e bleu Enver Hoxha me paratë e Ibrahim Biçakut, në vitin 1941; dhe herën e dytë e bleu Edi Rama me leje ndërtimi, duke qënë kryetari më abuziv i bashkisë së kryeqytetit në të gjithë historinë e kësaj bashkie”.

"Njeriu priret ta shohë rendin në të cilin jeton, si të natyrshëm", shkruante Czeslaw Milosz në vitin 1951, duke përmbledhur përvojën tragjike të brezit të luftës në Evropë. Më tej ai shkruan: "Shtëpitë përgjatë të cilave ai kalon rrugës për në punë duken më shumë si shkëmbinj që ngrihen nga toka sesa si produkt i dorës së njeriut ... Ai nuk mund të besojë se një ditë në rrugën që ai njeh mirë, ku flenë mace dhe luajnë fëmijë, mund të shfaqet një kalorës dhe të fillojë t'i kapë kalimtarët me lak ...

Ish-presidenti dhe ish-kryeministri malazez, Milo Gjukanoviç ka deklaruar në një takim me përfaqësues të partisë së tij, Partia Demokratike e Socialistëve, në Danilovgrad, se politika e tij dhe pushteti i zgjedhur me votë, u sulmua për të ndryshuar të ardhmen e Malit të Zi.

Timothy Garton Ash shtron një pyetje që tanimë po bëhet e zakonshme në mediat e njohura të Perëndimit: a përfaqëson Brexit dhe fitorja e Donald Trump rënien e perëndimit? Më tej Ash pyet nëse lëmë mënjanë Perëndimin, a mund të flasim për fundin e Perëndimit anglo-sakson? Ai e nis shkrimin me një pasazh nga një përvojë e vockël në një farmaci në ShBA ku edhe shihet se me Trump, një pjesë e amerikanëve po përjetojnë dhe bashkëjetojnë me atë që është fundi i një kohe.  

Numri i sotshëm i “RD”, gazetës zyrtare të Partisë Demokratike, është shembull i qartë i politikës pa kokë ku është zhytur kjo parti dhe hipokrizisë së saj në rolin formal si opozitë. 

Pasi denoncoi LSI-në dhe sh.p.k e tjera të vogla në fushatë elektorale, duket se dehja nga dashuria politike me Edi Ramën është një luks që nuk mund të pretendohet hapur për lidershipin e kësaj partie. Në kushtet e një krize të vërtetë dhe shumëdimensionale, Lulzim Bash aka gjetur strehën e vet tek opozitarizmi verbal, pa lëvizur gjithësesi asgjë në planin praktik. 

Një ditë më parë disa media serbe njoftuan se ShBA dhe BE synojnë ndërtimin e një qendre humanitare në Serbi, e ngjashme me atë të rusëve në Nish. Vendndodhja e supozuar e kësaj qendre u tha se ishte Uzice, ndërkohë që citohej edhe zyrtari amerikan i Departamentit të Shtetit, Yee, të jetë shprehur se “në fund i takon Serbisë të vendosë, por ne sqarojmë si partnerë atë që po ndodh”
“Nuk di ndonjë qendër tjetër humanitare ku punonjësit të kenë nevojë për imunitet diplomatik”, shton Yee, duke aluduar për statusin e veçantë të punonjësve rusë në qendrën e Nishit. 

Gazeta britanike “The Guardian” raportonte dje për një plan të Kremlinit për të destabilizuar Ballkanin, sidomos Maqedoninë, plan për të cilin ajo pretendon se disponon apo ka parë dokumente origjinale sekrete. Aktiviteti i Rusisë ka zgjatur një dekadë përmes përhapjes së propagandës, sidomos në Maqedoni, me synimin e gjerë të vendosjes së influencës ruse në vendet e ish-Jugosllavisë. Moska është përpjekur të ndalojë hyrjen e tyre në NATO, çka pretendohet se shkruhet në materialet e siguruara nga Projekti për Raportimin mbi Krimin e Organizuar dhe Korrupsionin.