perendimi

Zyrtari i lartë amerikan Matheë Palmer është shprehur në Sarajevë se ShBA mbështet Bosnje-Hercegovinën në proceset euroatlantike. Spas tij këto objekitva kundërshtohen nga rusët që sipas tij kanë synime të tjera në Ballkan.

Kryetari i Komisionit të Kuvendit të Serbisë për Kosovën, Milovan Drecun, ka deklaruar se formimi i "Shqipërisë së Madhe" është një proces i pakthyeshëm dhe se shteti unik shqiptar do të jetë një realitet i këtij shekulli. 

Kreu i kompanisë shtetërore greke për kërkimet hidrokarbure, Yannis Bassias, është shprehur në Forumim e Mesdheut Lindor se në 7-8 vitete ardhshme në Greqinë Perëndimore do të investohen 500 milionë euro. Bassias ka shpjeguar se investimet do të bëhen nga kompanitë që kërkojnë gaz dhe naftë duke misur që nga perëndimi e Korfuzit e deri në Kretë.

Pse rikthehen krizat në Ballkan, madje edhe kur duket se janë fashitur ose edhe zgjidhur? Kjo pyetje e thjeshtë nuk mund të ketë përgjigje të lehtë, sepse shkaqet për riciklimin e krizave janë të shumta dhe nuk e kanë një emërtues të përbashkët. Disa shkaqe janë historike, disa gjeokulturore, disa gjeopolitike, disa fetare, disa absurditete brendaballkanike…

Dimensioni historik i krizave

Perëndimi është hedhur në një sulm të paprecedentë në Maqedoni, duke synuar që të kapitalizojë si fitore atë që në fakt ishte humbje. Referendum për emrin dhe marrëveshjen e Prespës sinjalizoi zbythjen e dominimit perëndimor në këtë vend ballkanik, të paktën në formën që ajo manifestohej deri më tani.

Ndërkohë që kreu i opozitës maqedonase, kreu i VMRO-DPMNE, Hristian Mickovski ka kërkuar zgjedhje të reja, përfaqësues të Perëndimit kanë kundërvepruar duke përdorur të dyja gjuhët: ofertën dhe kërbaçin.

Situata e krijuar me marrëveshjen e emrit për Maqedoninë e kthen këtë të fundit në një pikë kritike tensioni në Ballkan, që do të testohet në muajt në vijim. Lajmi se Rusia do të kërkojë bllokimin e marrëveshjes në OKB, konkretisht në Këshillin e Sigurimit, provon se Kremlini po refuzon të dalë jashtë loje në një zonë ku duket se nuk po prek dot suksesin prej kohësh.

Thelbi i politikës së jashtme amerikane në Europë është afirmimi dhe rigjallërimi i Perëndimit. Si institucione, por edhe si frymë dhe ndikim. Ndihmës Sekretari merikan për Europën dhe Eurazinë, Wes Mitchell ka sqaruar gjatë një fjalë në Heritage Foundation se SHBA po rikonsideron strategjinë e saj të sigurisë, duke lëvizur nga pozicioni i mbajtur që nga fundi i Luftës së Ftohtë.

Marrëdhëniet mes Rusisë dhe Perëndimit janë shumë më keq se në kohën e "Luftës së Ftohtë", sepse në atë kohë vepronin kanale komunikimi mes dy palëve dhe nuk ka ekzistuar rusofobia. Deklarata u bë nga ministri i Jashtëm rus, Sergei Lavrov në një intervistë për rrjetin britanik BBC.

Lavrov hodhi poshtë akuzat e bëra nga përfaqësuesi i përhershëm amerikan në Organizatën për Ndalimin e Armëve Kimike (ONAK), sipas të cilit Rusia mund të ketë manipuluar të dhënat për sulmin e supozuar me armë kimike në Siri.