FMN

Inteligjenca artificiale do të ndikojë në 40% të vendeve të punës dhe ndoshta do të përkeqësojë pabarazinë. Ky është parashikimi i Fondit Monetar Ndërkombëtar.

AI, termi për sistemet kompjuterike që mund të kryejnë detyra që zakonisht lidhen me nivelet njerëzore të inteligjencës, është gati të ndryshojë thellësisht ekonominë globale. Ekonomitë e mëdha janë të parat që preken.

Shqipëria ka dalë zyrtarisht nga lista gri e Komisionit Europian për pastrimin e parave.

Lajmin e dha këtë të premte ministri i Financave, Ervin Mete, gjatë një konference për shtyp bashkë me shefen e misionit të FMN në vendin tonë dhe guvernatorin e Bankës së Shqipërisë, Gent Sejko.

Sapo është marrë vendimi nga FATF, që Shqipëria të dalë nga lista gri apo njohur ndryshe si monitorimi i shtuar. Vendimi i marrë sot vjen si pasojë e progresit të shtuar nga vendi ynë në zbatimin e rekomandimeve.

Ekonomia botërore do të tkurret gjatë këtij viti dhe nuk pritet ndonjë rritje domethënëse as për pesë vitet e ardhshme. Në parashikimin e tij, Fondi Monetar Ndërkombëtar flet për një rritje globale nën 3% përgjatë vitit 2023 dhe një stanjacion në rreth 3% për pesë vitet e ardhshme. Drejtoresha Menaxhuese, Kristalina Georgieva, tha se ky është parashikimi më i ulët i rritjes afatmesme globale që nga viti 1990, dhe shumë nën rritjen mesatare prej 3.8% të parë në dy dekadat e fundit. Perspektivat e rritjes mbetën të dobëta duke pasur parasysh inflacionin vazhdimisht të lartë.

Në një intervistë për revistën gjermane “Spiegel” drejtuesja e Fondit Monetar Ndërkombëtar Kristalina Georgieva, ka vënë në dukje problemin e Gjermanisë siç e quan ajo me varësinë ndaj Rusisë.

Gjermania ka një problem sepse nuk mund ta çlirojë veten shpejt nga varësia mbi importin e gazit rus. Sipas disa përllogaritjeve, ekonomia gjermane mund të reduktohet me gati 6% nëse Rusia vendos brutalisht të ndalojë furnizimet me gaz

Fondi Monetar Ndërkombëtar (FMN) njoftoi se ka arritur një marrëveshje në parim me autoritetet libaneze për një plan ndihme prej tre miliardë dollarësh për katër vjet.

Lajmi u bë i ditur nga mediat e Bejrutit. Libani prej më shumë se dy vitesh ndodhet në krizën më të rëndë financiare.

Greqia ka shlyer përfundimisht borxhin ndaj Fondit Monetar Ndërkombëtar, në të cilin hyri gjatë krizës së euros që shpërtheu në vitin 2010 dhe rrezikoi ta nxjerrë Athinën nga eurozona. Kryeministri Kyriakos Mitsotakis deklaroi sot se e gjithë kredia është shlyer dy vjet më herët se afati i planifikuar fillimisht. “Është fundi i një epoke, i një kapitulli gri në historinë e vendit”, shkroi Mitsotakis në Twitter.

Fondi Monetar Ndërkombëtar ka paralajmëruar se sanksionet e vëna ndaj Rusisë në kuadër të agresionit të saj ndaj Ukrainës, mund të kenë pasoja strukturore në sistemin financiar ndërkombëtar. Zv.drejtoresha e FMN-së për menaxhimin, Gita Gopinath, ka deklaruar për “Financial Times” se sanksionet mund të çojnë në dobësimin e pozitave dominuese të dollarit, duke krijuar blloqe të vogla monetare që bazohen në tregtinë mes grupeve të caktuara shtetesh.

Ne po shohim që tani se me disa vende po rinegociohet monedha me të cilën do kryhet pagesa për tregtinë

Libani mund të dalë nga kriza nëpërmjet mbështetjes së Fondit Monetar Ndërkombëtar. Marrëveshja pritet midis janarit dhe shkurtit, bëri të ditur televizioni libanez, Al Jadeed, duke cituar zëvendëskryeministrin.

Saadeh al-Shami citohet të ketë thënë se komiteti ministror ka rënë dakord me guvernatorin e bankës qendrore për një shifër prej 69 miliardë dollarësh për humbjet në sektorin financiar.

FMN do ta shqyrtojë këtë kërkesë, një hap ky që shihet vendimtar për qeverinë e Libanit, e cila kërkon të negociojë një program mbështetjeje.

Shefja e FMN-së, Kristalina Georgieva, i cilësoi të rreme gjetjet e një hetimi të pavarur, i cili arrin në konkluzionin se gjatë detyrës si shefe e Bankës Botërore ajo i bëri presion stafit për të manipuluar të dhënat dhe për ta shfaqur klimën e biznesit të Kinës më të favorshme sesa ishte në të vërtetë.

Fondi Monetar Ndërkombëtar (FMN) i ka akorduar Bjellorusisë gati 1 miliard dollarë nga fondi i saj për rimëkëmbjen e ekonomisë globale nga kriza që shkaktoi koronavirusi. Fondit iu hap drita jeshile pavarësisht përpjekjeve të fundit të kundërshtarëve të regjimit të goditur nga Lukashenko për të bllokuar transaksionin, nga frika se kjo mund t’ia forcojë atij pozicionin dhe ta përshkallëzojë më tej valën e shtypjes në Bjellorusi. Programi - i cili vlen 650 miliardë dollarë në total - ka shtesë ato që FMN-ja i quan të drejta të veçanta të tërheqjes (SDRs), një pasuri rezervë ndërkombëtare e ak