FMN

Jemi pas Ruandës për cilësinë e investimeve në infrastrukturë

Postuar në 25 Korrik, 2017 23:17

Fondi Monetar Ndërkombëtar e rendit Shqipërinë si vendin e parafundit për cilësinë e infrastrukturës edhe pse taksapaguesit shqiptarë kanë investime miliarda euro për investime publike. Sipas FMN, për periudhën 2005-2016, qeveria shqiptare ka shpenzuar çdo vit mesatarisht 5.5 për qind të prodhimit kombëtar për vepra publike, kryesisht rrugë, porte dhe segmente të tjera të infrastrukturës.

Qeveria "mbyll" tregun e bonove, përjashton qytetarët nga ankandet

Postuar në 16 Qershor, 2017 17:56

Banka Botërore dhe Fondi Monetar Ndërkombëtar kanë filluar punën intensive për të krijuar një treg të ri të mënyrës se si do të blihet borxhi i qeverisë shqiptare. Në parashtrimet që këto dy institucione i kanë dhënë Ministrisë së Financave dhe Bankës së Shqipërisë, propozojnë që tregu primar i bonove të thesarit, të mos blihet nga të gjitha bankat dhe qyetarët, por të përzgjidhen 5 prej tyre të cilat marrin borxhin në shumën që e kërkon qeveria dhe më pas e shesin në institucione të tjera.

Shefi i FMN-së në Tiranë: Nuk e matim dot ndikimin e kanabisit në ekonomi

Postuar në 11 Maj, 2017 17:49

Shef i FMN në Tiranë, Jens Reinke deklaron se se Shqipëria vazhdon të jetë një vend me ekonomi të madhe informale, ku pjesën më të madhe e zënë aktivitetet e jashtligjshme përfshi edhe prodhimi i kanabisit. I pyetur nga Top-Channel sa është ndikuar rritja ekonomike nga aktivitetet e jashtëligjshme, veçanërisht prodhimi i kanabisit, shefi i FMN-së nuk jep konsiderata, por pranon se është në dijeni të fenomenit. 

Borxhi publik në 72.7%, entet shtetërore 230 mln euro detyrime vitin e kaluar

Postuar në 11 Maj, 2017 14:13

Fondi Monetar Ndërkombëtar, në një raport për zhvillimet rajonale, publikoi të dhënat për ecurinë e stokut të borxhit publik të Shqipërisë, të cilat nuk korrespondojnë me të dhënat zyrtare të qeverisë shqiptare.

FMN raportoi se borxhi publik i vendit tonë arriti në 72.7% të PBB-së në fund të vitit 2016, teksa për të njëjtën periudhë, qeveria shqiptare ka raportuar se stoku i detyrimeve është 71.01% e PBB-së. Diferenca në 1.6 pikë përqindje në raport me PBB në vlera neto i takon një shume prej më shumë se 160 milionë eurosh, raporton Monitor.

Marëveshja me FMN-në, pa bereqet

Postuar në 05 Mars, 2017 15:40

Biznesi i industrisë prodhuese në vend, i grupuar pranë Konfindustrias ka dhënë vlerësimet e tij lidhur me rezultatet e pritshme të marrëveshjeve të qeverisë me FMN-së. Kreu i Konfindustrisë, Gjergj Buxhuku, ka deklaruar se këto marrëveshje nuk sollën rritje ekonomike të mjaftueshme, që të justifikojnë rritjen e borxhit. 

"TemaTv"

Nga shtatori "xhevahiri" i taksës së pronës në zarfin e OSHEE-së

Postuar në 01 Mars, 2017 18:08

Pas zgjedhjeve na presin të tjera supriza nëse qeveria që është në detyrë do të rikonfirmohet. Fatura që do të na vijë me zarfin e OSHEE-së do të jetë edhe më e kripur, pasi në të do të përfshihet edhe një tjetër taksë. Kështu Shqipëria do të nisë në tetor të mbledhë taskën e pronës përmes vlerës reale që kushton shtëpia ose trualli. Lajmin e bën të ditur Fondi Monetar Ndërkombëtar, i cili në propozimet e programit të post monitorimit të që ka me Shqipërinë, shprehet se taksa e pronës do të mblidhet në faturat e dritave dhe të ujit.

FMN shikon fitore të së majtës. Kërkon “marrëveshje të re pas zgjedhjeve”

Postuar në 14 Janar, 2017 10:56

Përfaqësuesi i FMN-së në Shqipëri, Jens Reinke, deklaron në një intervistë të sotme për “Monitor” se fondi është i gatshëm të ripërsërisë marrëveshjen e bashkëpunimit me qeverinë shqiptare. 

Siç e dini, marrëveshja aktuale përfundon në fund të muajit shkurt 2017. Megjithatë, marrëdhëniet midis qeverisë dhe FMN-së përfshijnë politikën e dialogut, asistencë teknike dhe trajnim.

Konferenca me FMN pa pyetje për gazetarët. Asnjë lëshim për ulje taksash, mund të rritet barra fiskale mbi naftën

Postuar në 02 Nëntor, 2016 16:13

Misioni i Fondit Monetar Ndërkombëtar mbylli diskutimet me qeverinë shqiptare për buxhetin e vitit të ardhshëm dhe paketën fiskale.  Nga sa u bë publike në konferencën e përbashkët të ministrit të Financave, Arben Ahmetaj dhe përfaqësues  së FMN-së Anita Tuladhar qeverisë i është kërkuar të rrisë të ardhurat mbi naftën dhe pronën, çka do të thotë se në rastin e parë mund të ketë një tjetër rritje të akcisës mbi karburantet, ndërsa në rastin e dytë performancë më të mirë në mbledhjen e taksës mbi pronën. Këtë e konfirmoi edhe Tuladhar në deklaratën e shkurtër për shtyp.

E papritur, Berisha: FMN-ja nuk duhet të largohet tani që borxhi është 73%

Postuar në 29 Tetor, 2016 16:13

Ish-Kryeministri Sali Berisha ka deklaruar në një intervistë për "AbcNews" se Fondi Monetar Ndërkombëtar nuk duhet të largohet para zgjedhjeve. Ky është një qëndrim që bie disi ndesh me sjelljen e tij më parë, por Berisha thotë se ikja e FMN-së në kushtet e një borxhi 73% krijon pasiguri për investimet e huaja. Berisha ka shtuar se në kohën e tij FMN-ja u largua vetë për shkak të sigurisë që krijoi qeveria e tij. Një debat që pritet të jetë jo i vogël.

FMN: Tatimi progresiv dështoi, qeveria e paaftë të mbledhë taksat. Sugjerim për rritjen e tatmit mbi pagën

Postuar në 22 Tetor, 2016 12:14

Ndryshimet e fundit në administratën tatimore dhe doganore janë rezultat i performancës së dobët në Tatime dhe Dogana. Qeveria vazhdon ta trajtojë këtë defiçencë në mbledhjen e të ardhurave si çështje emrash, por ajo që thotë FMN lidhet me dështimin e tatimit progresiv dhe normën e ulët të taksave.
Në një raport të fundit, Fondi Monetar Ndërkombëtar ka vënë në dukje se qeveria shqiptare nuk ka arritur të përmirësojë të ardhurat buxhetore, pavarësisht rritjes së taksave më 2014, duke e bërë Shqipërinë vendin me taksat më të larta në rajon dhe me rendimentin më të ulët fiskal.

Pages

Subscribe to RSS - FMN