Basha

Kandidati për kryetar të PD-së, Eduard Selami, ka kërkuar sot nga kryetari i ngrirë Lulzim Basha që të mbajë premtimet për zhvillimin e garës elektorale në parti.

“…Unë dua që PD t’i kthehet edhe njëherë vlerave demokratike dhe perëndimore të saj.

Për këtë, i kërkoj zotit Basha të mbajë premtimin që më ka bërë se debatet mes nesh do të bëhen të hapura për mediat dhe për publikun. Kjo nuk ndodhi në debatin e Korçës.

Lulzim Basha është sot kandidat i vetëshpallur në pozitat e një kryetari të ngrirë të Partisë Demokratike. Ai është lëshuar në një fushatë elektorale brenda subjektit që po e privatizon, atipike. Lulzim Bashës sot nuk i intereson se çfarë thotë dhe sesi intepretohet ajo që ai thotë. Atij sot i intereson mbyllja e fushatës dhe votimi që do të përligjin qenien e tij si kryetar i PD-së, edhe për katër vjet. Më pas, në lojë hyjnë miqtë e tij, Sali Berisha dhe Edi Rama.

Paralelisht me garën për kryetar të Partisë Demokratike, figura të njohura të kësaj force politike do të investohen në një lëvizje të ngjashme me katarsisin e Fatos Nanos. Ish-nënkryetari i PD-së Astrit Patozi  ka zbuluar lëvizjen e re të tij dhe grupit që kundërshton mënyrën si po zhvillohen zgjedhjet për kryetarin në parti. Në një intervistë për ReportTv Patozi thotë se shumë shpejt do të ketë një tur takimesh me anëtarësinë në të gjithë vendin për të shpjeguar atë që po ndodh në me partinë.

Sali Berisha ka shpërndarë sot në profilin e vet në Facebook disa konkluzione nga raporti i DASH për Shqipërinë, duke dhënë alarmin se investitorët e huaj po ikin për shkak të Noriegës. Berisha bën atë që se bën Basha: ndërron muhabetin duke vazhduar me historinë e Noriegës, i cili siç ja kujtojnë edhe komentuesit me emër dhe mbiemër, sapo mori mbi 70 mandate, i veshur me tuta dhe duke bërë fushata nga mezeja në meze. 

Lulzim Bashës i erdhi zëri. Shoku i parë kaloi. PD-ja humbi, por ai jo edhe aq. Mirë do të ishte që të mos mbërrinte deri këtu, por ndodh. Ditë pas dite, demokratët duhet të mësohen se pa kryetar nuk rrihet. Ideja tjetër më mashtruese, ajo nga e cila vuan gjithë shoqëria jonë në mënyrën e të menduarit, është se pa kryetarin aktual, vjen shkatërrimi. Dhe këtu nis të ngatërrohen punët. Dorëheqja si standard dhe përmbi të gjithë detyrim i një dështaku, konvertohet në kompromis me domosdoshmërinë për të vijuar përpara. Zgjedhjet e ndershme i lënë vendin apelit për bashkim.

Fituesit e zgjedhjeve nuk e kanë marrë me ngut riformatimin e kabinetit qeverisës dhe as të ekipit ekzekutiv që do jetë në nivel drejtorish. Kryeministri e ka quajtur periudhë tranzitore deri në shtator kur përfundon mandati i qeverisë aktuale dhe ka paralajmëruar një tur dëgjesash me qytetarët. Jo vetë ai por edhe drejtuesit politik të Partisë do të marrin Ide të vlefshme për të bashkëqeverisur më mirë. Taulant Balla dha dje një sinjal se operacioni i parë do jetë në administratën publike.

Sot u bë publike se dy garuesit për kreun e PD-së, Eduard Selami dhe Astrit Patozi, kanë zhvilluar një takim me Sali Berishën. Ndonëse nuk jepen të dhëna për bisedimet e zhvilluara, është e thjeshtë të kuptohet se takimet kanë patur në vëmendje zhvillimet e fundit në PD, për të cilat duket se Berisha po del si garant. 

Genc Ruli, një figurë e vjetër në PD sheh Sali Berishën si njeriun që qëndron pas përpjekjes për të mbajtur Lulzim Bashën si kryetar të partisë. Ai thotë se ky perceptim ishte krijuar edhe në 2013-ën në garën që Basha pati me Sokol Olldashin, menjëherë pas dorëheqjes së Berishës. Në një intervistë për ABC News Ruli thotë se në 2013 u përdorën anëtarësime nga njerëz të LSI-së për të shtuar vota në mbështetje të Bashës. Kjo për shkakun se ai ishte i parapëlqyeri i Sali Berishës.

Ashtu siç pritej kryesia e Partisë Demokratike miratoi kandidaturat e Lulzim Bashës dhe Eduard Selamit në garën për kyetar të kësaj force politike, një dyshe e paketuar nga Berisha për të lënë sërish në krye të PD-së, Lulzim Bashën. Selami u vetëshpall kandidat për kryetar një ditë pasi Lulzim Basha u vetëngri, në një lëvizje të orkestruar nga Berisha.

Ky është një shënim që kandidati për kryetar të PD-së, Astrit Patozi, ka publikuar në profilin e vet në Facebook ku akuzohet lidershipi i ngrirë i PD-së për deformim të procesit zgjedhor: