anetaresimi
Hap i ri nga Ankaraja: BE-ja nuk mund të jetë aktor global pa Turqinë!
Minitri i Jashtëm turk, Hakan Fidan, ka deklaruar gjatë Konferencës së 14-të të Ambasadorëve se pozicioni i Turqisë është përcaktues që BE-ja të marrë një rol qenësor në skenën globale.
Është e rëndësishme që t’i qasemi marrëdhënieve Turqi-BE me një perspektivë vizionare në një periudhë të re dhe të rigjallërojmë procesin me fokus anëtarësimin e plotë. BE-ja pa Turqinë nuk mund të jetë një aktor global
është shprehur Fidan.
"Jo" hyrjes tani në NATO të Ukrainës!
Ministri i Jashtëm i Britanisë së Madhe, James Cleverly ka bërë thirrje që anëtarët e NATO-s të shmangin në këtë moment diskutimin apo konsiderimin e kërkesës së Ukrainës për t’u anëtarësuar në aleancë. Në një intervistë për “Politico”, Cleverly ka vënë në dukje se anëtarësimi është një derë e hapur në planin aftagjatë, por ky nuk është momenti për të konkretizuar gjërat.
Prioriteti tani është vetëmbrojtja. Mendoja se radha e gjërave ka rëndësi – dhe sot puna konsiston në ndihmën e Ukrainës për të mbrojtur veten
Arabia Saudite shpreh interesin për t'u anëtarësuar në BRICS
Presidenti i Afrikës së Jugut, Cyril Ramaphosa ka deklaruar se Arabia Sauidte, një vend kryesor për furnizimin me naftë në botë, ka shprehur interes për t’iu bashkuar organizatës BRICS, e cila përfshin Brazilin, Rusinë, Indinë, Kinën, Afrikën e Jugut. Deklaratat u bënë pas vizitës së Ramaphosas në Riad dhe takimit të tij me princin e Kurorës, Mohammad bin Salman Al Saud.
Një numër vendesh po i qasen organizatës dhe ne u kemi dhënë atyre të njëjtën përgjigje që do të diskutohet me partnerët në BRICS dhe më pas do të merret një vendim
Scholz viziton Ballkanin Perëndimor para 30 majit: Anëtarësimi, interes strategjik i BE-së
Gjermania e Scholz po investohet për integrimin e Ballkanit Perëndimor në Bashkimin Europian, duke artikuluar një interes strategjik të unionit. Në fjalën e mbajtur para parlamentit, kancelari gjerman ka vënë në dukje se Ballkani Perëndimor nuk mund të injorohet më në kushtet e krijuara nga lufta në Ukrainë dhe pas një pritjeje të gjatë të vendeve të rajonit.
Respektimi i angazhimeve tona ndaj tyre nuk është vetëm një çështje e besueshëmrisë sonë. Sot më shumë se asnjëherë tjetër, integrimi i tyre është gjithashtu në interesin tonë strategjik
Kosova aplikon për anëtarësim në KE. Vuçiç: Lojë e Perëndimit, do përgjigjemi me diplomaci
Kosova ka aplikuar për anëtarësimin në Këshillin e Europës. Mediat serbe citojnë presidentin Aleksandër Vuçiç sipas të cilit kërkesa është dorëzuar nga ministrja e Jashtme, Donika Gërvalla.
Vuçiç tha se Prishtina shkeli një tjetër marrëveshje – Marrëveshjen e Uashingtonit
Dera e BE-së nuk hapet për Ukrainën
Pas disa orësh debati, udhëheqësit e BE-së u thanë jo pritshmërive të Ukrainës për të shpejtë në Union. Agresioni ushtarak rus në Ukrainë u pasua me mbështetje të madhe ndaj kësaj të fundit, por liderët e BE-së u kujdesën që t’ia ulnin shpresat Kievit edhe përpara samitit të së enjtes.
Në deklaratën e tyre të përbashkët, ata "pranojnë aspiratat evropiane dhe zgjedhjen evropiane të Ukrainës", duke thënë se aplikimi për anëtarësim i vendit ishte transmetuar "me shpejtësi" në Komisionin Evropian për të dhënë një vlerësim.
Gjermania deklaron mbështetjen publike për hapjen e negociatave të anëtarësimit me Maqedoninë e Veriut
Berlini zyrtar ka sinjalizuar se e sheh si prioritet të presidencës së vet të BE-së hapjen e negociatave të anëtarësimit për Maqedoninë e Veriut. Kjo është bërë e ditur nga ministri i Jashtëm gjerman, Heiko Maas gjatë një video konference për shtyp me ministrin e Jashtëm të Maqedonisë së Veriut, Bujar Osmani.
Synimi ynë i deklaruar mbetet zhvillimi i konferencës së parë ndërqeveritare me Maqedoninë e Veriut gjatë presidencës gjermane të BE-së që përbën hapin tjetër logjik në pranimin e vendit në BE
Nuk ka anëtarësim pa njohje, por ende sot pesë shtete të BE-së nuk e njohin Kosovën
Një nga ekspertët më të njohur për politikat e zgjerimit të Bashkimit Evropian profesori nga Parisi, Christian Lequesne, shprehet në një intervistë për KosovaPress se Serbia dhe Kosova nuk mund të anëtarësohen në Bashkimin Europian nëse nuk zyrtarizojnë njohjen reciproke.
Vuçiç: Serbia, anëtare e BE-së në vitin 2026
Presidenti i Serbisë, Aleksander Vuçiç ka deklaruar nga Brukseli ku ndodhet për një vizitë se vendi i tij do të jetë anëtar i Bashkimit Europian në vitin 2026.
Jam i bindur se po hyjmë me optimizëm në një fazë të re marrëdhëniesh me Bashkimin Europian. Besoj se do t’i pëfundojmë negociatat me BE-në nga fundi i mandatit të qeverisë së re që do të thotë se është realiste të besoshet se ne do të jemi shtet anëtar i BE-së në vitin 2026. Ky është opinioni im, shpresa ime
tha Vuçiç.
Ballkani mbahet larg Europës. Partneritet special në këmbim të tërheqjes së heshtur nga anëtarësimi
Mediat serbe po i kushtojnë vëmendje zhvillimeve që solli samiti i fundit i Bashkimit Europian, në të cilin doli në pah një qëndrim i fortë refuzues i Francës. Maqedonia e Veriut dhe Shqipëria ishin dy viktimat e politikës franceze, por në një plan më afatgjatë, duket se opsioni që BE-ja të mos zgjerohet më tej qëndron në tavolinë.
Ndonëse aktualisht po fajësohet presidenti francez Macron, duhet thënë se edhe më herët, gjatë periudhës së qetë të BE-së është folur për Europën e dy shpejtësive duke vënë në dukje dallimet e mëdha mes Veriut dhe Jugut.