anetaresimi

Ligji i anëtarësimit të detyrueshëm të bizneseve në dhomat e tregtisë ka një faturë financiare të lartë. Sipas përllogaritjeve paraprake kjo taksë e re e fshehtë e ngarkon biznesin me rreth 22 milion euro detyrime të reja në një vit.

"TemaTv"

Presidenti turk Recep Tayyip Erdogan i bëri thirrje Bashkimit Evropian të shprehet në mënyrë të qartë nëse është në favor apo kundër anëtarësimit të Turqisë në Bashkimin Evropian.Gjatë një fjalimi para Asamblesë Kombëtare në Ankara, Erdogan tha se se "loja ka mbaruar" dhe se “nuk ka asnjë pengesë që Turqia të bëhet një shtet anëtar në qoftë se BE-ja dëshiron”

Projektligji për anëtarësimin e detyruar të biznesit në Dhomën e Tregëtisë dhe të Industrisë pritet të kalojë në seancën e sotme për miratim. “Vizion Plus” raporton se drafti ka kaluar në Komisionin Parlamentar të Veprimtarive Prodhuese larg vëmendjes së mediave dhe pa u kosnultuar paraprakisht me aktorë të biznesit. P.sh Dhoma Amerikane e Tregëtisë e ka kundërshtuar draftin që detyron anëtarësimin në Dhomë, pa një arsye të qartë dhe që shihet si një mënyrë për të vjelur një lloj takse.

Majlinda Bregu, kryetare e Komisionit Parlamentar të Integrimit dhe një aleate e nënkuptuar e Edi Ramës në procesin eventual të votimit të reformës në drejtësi pa konsensuin e PD-së, tha sot për AbcNews se kalimi i ndryshimeve kushtetuese dhe ligjeve shoqëruese, mund të çojnë në propozimin nga Komisioni Europian, për çeljen e negociatave për anëtarësim në BE.  7 ligjet që po diskutohen duhet të miratohen para muajit tetor, kur edhe publikohet raporti vjetor, në të cilin sipas Bregut, mund të ketë një propozim nga Komisioni.

"Turqia nuk ka vend në BE". Kështu deklaroi  për gazetën gjermane Frankfurter Allgemeine Zeitung, ish kryeministri francez Alain Juppe (Alen Zhype)  dhe kandidat për kryetar i Partisë Republikane  në Francë. "Sipas mendimit tim ne duhet t’i japm fund procesit të zgjerimit të BE-së”, ka thënë Alain Juppe, duke shtuar se "BE-ja është dobësuar deri në këtë pikë, ku është shumë e rrezikshme t’i bashkohet një në këtë moment një vend i madh si Turqia. "

Gara elektorale në Shqipëri, shoqërohet pashmangshmërisht me garën e anëtarësimeve frenetike në partitë politike. Turma të rinjsh plot entuziazëm filmohen sa nga njeri cep i vendit në tjetrin, teksa marrin kartën e anëtarësisë, indikator ky i besimit të patundur te partia për një të ardhme të ndritur dhe shpresëplotë. Në zgjedhjet e fundit, sipas të dhënave të deklaruara nga partitë politike, Partia Socialiste kishte rreth 73,000 anëtarë, Partia Demokratike rreth 100,000 anëtarë dhe Lëvizja Socialiste për Integrim rreth 31,000.

Anëtarësimi i Malit të Zi në NATo nuk është pritur mirë në Rusi. Moska zyrtare ka kundërshtuar përherë politikën e zgjerimit, që Aleanca e Atlantikut të Veriut ka ndjekur, gjithnjë me arsyetimin se zgjerimi në kushtet e një asimetrie konvencionale në kërcënime, nuk justifikohet. Shkrirja e Traktatit të Varshavës do të duhet të prodhonte këtë balancë dhe frenim, por ai prodhoi të kundërtën: Perëndimi plotësoi boshllëkun.

Ndërsa në Shqipëri hapja e negociatave të anëtarësimit me  BE projektohet si një sukses dhe objektiv që varet vetëm nga një reformë, në Britani diskutohet bllokimi i anëtarësimit të disa vendeve që konsiderohen të rrezikshme, mes të cilave edhe Shqipëria.  Ministrja e  Brendshme e Britanisë, Theresa May u pyet nëse Britania duhet të lejojë vende si Shqipëria, Maqedonia, Mali i Zi, Serbia dhe Turqia të bëhen anëtare me të drejta të plota të Bashkimit Evropian.

Lajmi se aktori Bruno Shllaku u anëtarësua në Partinë Socialiste nuk kaloi pa u vënë re. Shllaku vjen nga një familje që siç thotë vetë në një intervistë për “tesheshi.com”, ka qenë e persekutuar deri në kockë. Por kjo nuk e ka ndalur aktorin që të marrë një teserë të PS-së, ndërkohë që shpreh konsideratën maksimale për Edi Ramën, kryeministër i Shqipërisë.

Gramoz Ruçi, kryetar i Grupit Parlamentar të Partisë Socialiste dhe deputet i vjetër i saj ka folur sot për rolin e gruas në politikën shqiptare. Gjatë një aktiviteti për shpërndarjen e kartave të anëtarësisë, Ruçi ka vlerësuar se gruaja shqiptare ka patur një rol madhor në shmangien e konflikteve civile në Shqipëri. Me këtë rast ai ka ndarë edhe një përvojë personale: “Para 25 viteve, në ’91-shin unë isha Ministër i Brendshëm për 3 muaj, situata ishte kritike. Atëherë erdhi një partner nga Gjermania dhe më tha: “Si do ta përballosh?”Unë i flisja për masat policeske.