Bota

Palantir ka humbur gjyqin me një revistë zvicerane, të cilës i ka kërkuar të publikojë përgjigjet e saj që lidhen me artikuj ku flitet me detaje për refuzimin e shërbimeve të saj nga ana e qeverisë në Bernë.

Gjykata Tregtare e Zyrihut hodhi poshtë 22 nga 23 kërkesat për kundërdeklaratë të paraqitura nga kompania amerikane e analizës së të dhënave dhe dega e saj zvicerane, duke gjetur se vetëm një pasazh i vetëm në një artikull justifikonte një përgjigje të publikuar nga kompania e themeluar nga Peter Thiel.

Analisti Fatos Lubonja e cilëson një qëndrim politk të gabuar heshtjen e deritanishme të ndërkombëtarëve në lidhje me protestat që po mbahen çdo ditë para Kryeministrisë.

Ndërkombëtarët kanë qenë gjithnjë të rëndësishëm në historinë e Shqipërisë, mungesa e reagimit është qëndrim politik. Për mendimin tim është i gabuar. Nuk mund të mbështesin një regjim për arsye gjeopolitike, edhe arsye korruptive për një pjesë se ky ka punuar shumë edhe për të korruptuar.

Presidenti amerikan Donald Trump ka bërë të qartë se ai nuk e dëshiron më nëpër këmbë kryeministrin izraelit Beniamin Netanyahu. Qëndrimin e vet Trump e ka përcjellë në një intervistë për ABC News, në të cilën ai ka komentuar se pas sondazheve të fundit në Izrael duhet pyetur nëse Bibi dëshiron të vazhdojë karrierën politike.

Është një çështje e hapur nëse Bibi, 76 vjeç do të vazhdojë

citohet Trump.

Përpjekja franko-gjermane për të ndërtuar një gjeneratë të re avionës ushtarakë ka dështuar. Kjo është pranuar në një telefonatë mes presidentit francez Emmanuel Macron dhe kancelarit gjerman, Freidrich Merz që kanë rënë dakord se kompanitë e përfshira në nismën në fjalë, nuk janë në gjendje të vazhdojnë bashkëpunimin.

Presidenti ukrainas, Volodymyr Zelensky, i ka bërë thirrje homologut rus, Vladimir Putin, për një takim ballë për ballë në përpjekje për t’i dhënë fund luftës, përmes një letre të hapur ku kërkon dialog të drejtpërdrejtë mes dy vendeve.

Në letrën drejtuar Putinit, Zelensky thekson se do të ishte “gabim të pritej" derisa lufta në Evropë të rikthehej në qendër të vëmendjes së Shteteve të Bashkuara, duke nënvizuar se paqja mund të arrihet vetëm “përmes angazhimit të drejtpërdrejtë mes” Ukrainës dhe Rusisë.

Parlamenti Europian do të përdorë motorin francez të kërkimit Qwant si opsionin e parazgjedhur në pajisjet e tij, në një lëvizje që pasqyron përpjekjet e Bashkimit Europian për të reduktuar varësinë nga kompanitë amerikane të teknologjisë dhe për të forcuar alternativat europiane.

Sipas një zëdhënësi të Parlamentit Europian, nga 4 qershori 2026, Qwant do të bëhet motori i paracaktuar i kërkimit në shfletuesit Microsoft Edge dhe Mozilla Firefox të institucionit. Ndryshimi do të zbatohet automatikisht, megjithëse përdoruesit do të kenë mundësinë të zgjedhin motorë të tjerë kërkimi.

“Moldavia do të shqyrtojë ribashkimin me Rumaninë fqinje nëse rruga e saj drejt anëtarësimit në BE pengohet ose bllokohet”, tha Eugen Osmochescu, zëvendëskryeministri i vendit në një intervistë për Euractiv.

Osmochescu, i cili mori detyrën në nëntor të vitit të kaluar, e përshkroi bashkimin me Rumaninë si të mundshëm nëse procesi i pranimit të Moldavisë në BE nuk do të ketë progres pas vitit 2028.

Parlamenti i Malit të Zi ka miratuar me 40 vota pra, 3 kundër dhe 2 abstenime amendimet në një ligj që rregullon statusin e pasardhësve të Dinastisë Petroviç-Njegosh. Sipas mediave të rajonit, në tekstin e ligjit është vendosur fjala e dhunshme, duke përcaktuar në mënyrë ligjore se dinastia në fjalë u largua nga fronit në vitin 1918

përmes një akti të aneksimit të dhunshëm të shtetit në vitin 1918

Duket se ka një situatë jo të qetë mes Rusisë dhe Serbisë, reflektuar në një masë periferike por thlebësore si regjimi i vizave për qytetarët e të dyja vendeve. Mediat opozitare serbe raportojnë se zëdhënësi i Presidentit rus, Dmitry Peksov, ka paralajmëruar se çdo masë nga qeveria serbe për të përfunduar regjimin e lëvizjes pa viza me Rusinë, do të marrë përgjigje reciproke.

Ekspertë ukrainas dhe polakë kanë sfiduar së fundmi pretendimet e presidentit rus Vladimir Putin se raketa balistike me rreze të mesme, Oreshnik, lëviz me Mach 10 dhe është e pakapshme nga sistemet aktuale të mbrojtjes raketore të NATO-s.

Pas një analize të bërë mbetjeve të një rakete të përdorur në janar të këtij viti në Lviv, ekspertët ukrainas kanë theksuar se raketa në fjalë ështa një armë eksperimentale e vitit 2017 e krijuar vetëm me pjesë të prodhuara në Rusi dhe Bjellorusi.