Lajme

Shqipëria po përshpejton investimet në infrastrukturën e mbrojtjes me synimin për t’u shndërruar në qendrën kryesore logjistike të NATO-s në Ballkanin Perëndimor.

RKS i referohet një  takimi të zhvilluar më 29 maj 2026 në selinë e SHAPE në Mons të Belgjikës, ku ministri i Mbrojtjes, Ermal Nufi, u prit nga Komandanti Suprem i Forcave Aleate në Europë (SACEUR), gjenerali Alexus G. Grynkewich. 

Vendimi i Gjykatës së Lartë për të lënë në burg Erjon Veliajn bën një shërbim publik dhe neuropsikotik: ai lë në burg Erjon Veliajn. Pas ankesës së disatë. E lë në burg. Burg. Pra në qyp.

Dhe e mbron shoqërinë nga materia e errët që lidhet me subjektin në fjalë. Pra edhe njëherë: Veliaj në burg. Burg ore burg!

Askush nuk mund të thotë dot tashmë se Veliaj e la në burg SPAK, Olsi Dado, GjKKO e kështu me radhë. E lanë në burg të gjitha gjykatat. Burg. Në burg. Ndaj kur logjika nis e ezaurohet hyn në lojë elegjia. Mero Baze prin kur sot ndër të tjera shprehet se:

28 maji po del dhe nisur nga ritmi i kohëve të sotme mund të kuptohet se pse hijenat socialiste kanë dalë një natë më parë për të kënduar vajin e zakonshëm të hurit që hëngrën në vitin 1996. Mund të tingëllojë disi brutale kjo gjuhë, por është e domosdoshme për të mos lejuar që disa gjallesa si këto që sot qeverisin duke vjedhur, të kërkojnë aureolën e heroit.

Erjon Braçe ka ripublikuar foton e njohur e stërnjohur të gjakosjes së tij, më herët publikohet fotoja e kërriçit që është kryeministër sot kur e rrahën nuk dihet se pse, mandej fotot e 28 majit.

Sot në Pishë Poro të Vlorës, në zonën e quajtur Hidrovori në Akërni, është zhvilluar një protestë e 100 aktivistëve të cilët kanë hedhur poshtë rrethimin e kompanisë që po ndërton dhe kanë hyrë brenda.

Në zonën në fjalë, e shpallur me ligj “Zonë e Mbrojtur” po ndërtohet një objekt shumëkatësh, përmes vendimeve të papublikuara dhe në shkelje të konventave.

Pamjet ofrojnë një shembull të radhës sesi institucionet shkelin ligjet që miratojnë vetë për interesa të ngushta dhe oportunizëm politik.

Këto ditë në mediat sociale kanë qarkulluar shpesh pamje nga funerali i Josip Broz Titos. I cili u nda nga jeta më 4 maj 1980 dhe u varros me ceremoni shtetërore më 8 maj të atij viti.

Ceremonia e risjellë në pamje pas 46 vjetësh ka shumë interes për të kuptuar në dritën e pamjeve origjinale, sizmikën e një ndryshimi me të vërtetë epokal që provokoi ikja nga jeta e Titos. Që ishte një ngjarje me më shumë pasoja se vetë jeta e tij.

Zgjedhjet e PD-së në Korçë dështuan. Listat e zgjedhëve kishin probleme. Berisha është vetëm në garë dhe e quan garën më demokratike ndonjëherë.

Disa kandidatë u nxorën jashtë dhe tani marshi personal i z. Berisha nuk ndalet nga asgjë, veçse nga friksioni i ditëve kalendarike.

Nisi si një parti intelektualësh dhe demokratike, po e mbyll si Çeta Plakë e Saliut. Me belçikë të shtangët si Flamur Noka në qitje të parë.

Kolegjet e Bashkuara të Gjykatës së Lartë kanë dalë sot me një vendim për unifikimin e praktikës gjyqësore për masat e sigurisë. Në njoftimin për shtyp vihet në dukje se propozimet e bëra më herët nga kreu i Gjykatës së Lartë Sokol Sadushi, sipas të cili vendimi unifikues i vitit 2011 çalon në disa formulime.

Thonë Kolegjet:

Në një intervistë për median opozitare serbe N1, kryetari i Gjykatës Kushtetuese të Serbisë, Vladan Petrov, ndër të tjera ka folur edhe ata që i quan “njerëz seriozë dhe të rëndësishëm” me të cilët ai komunikon. Cilët janë këta vallë dhe ku gjenden në shoqëri si tonat? Ja se çfarë thotë Petrov:

Drejtësia me pesë yje po i ngjan frikshëm asaj të vjetrës

Drejtësia e Robespierre apo ajo e Beccaria-s? Pas skenës së Ilir Metës në kafaz, në cilën anë janë SPAK dhe Shqipëria?

Kur debatoni për drejtësinë, mos kini parasysh politikanët, por qytetarët e thjeshtë

Këto më sipër janë tituj të disa opinioneve të ditëve të fundit që kanë marrë shkas nga pamjet e Ilir Metës. Kanë për autor Skënder Minxhozin, Carlo Bollino dhe Mero Bazen.