Bota

Trupat e Koresë së Veriut u bashkohen forcave ruse këtë fundjavë, paralajmëroi të premten Ukraina. Ky zhvillim ka ngritur shqetësim në Kiev, por nga ana tjetër mund të provokojë pakënaqësi edhe te ata që njihen si aleatë të Moskës.

Raportime të konfirmuara nga Uashingtoni se Koreja e Veriut po dërgon ushtarë në Rusi për një betejë të mundshme me Ukrainën, kanë ngritur shqetësim serioz te vetë SHBA-të dhe aleatët e saj, të cilët thonë se përfshirja e tyre shënon një përshkallëzim të madh në konflikt dhe mund të thellojë rreziqet e sigurisë për fqinjët e Koresë së Veriut.

Aplikimi i Turqisë për anëtarësim në BRICS është refuzuar. Edhe pse dukej se diskutimet për pranimin e saj në organizatën ndërqeveritare që përfshin Brazilin, Rusinë, Indinë, Kinën dhe Afrikën e Jugut, u duke se po finalizoheshin, kundërshtimi i Indisë ka bllokuar përpjekjen e Ankarasë.

Delhi e kundërshton pranimin e Turqisë në BRICS për shkak të lidhjeve të saj të ngushta me Pakistanin, vendin fqinj me të cilin India ka tensione rajonale prej shumë kohësh.

The use of "sorrow" carefully avoids saying sorry

Miliarderi Elon Musk ka qenë në kontakt të rregullt me ​​presidentin rus, Vladimir Putin, që nga fundi i vitit 2022, sipas një shkrimi të The Wall Street Journal.

Kjo e fundit pretendon se Musk dhe Putin kanë vijuar kontaktet edhe këtë vit, edhe pse Musk filloi t’i shtonte kritikat ndaj mbështetjes ushtarake të SHBA për Ukrainën dhe u përfshi në mënyrë aktive në fushatën zgjedhore të kandidatit republikan dhe ish-presidentit Donald Trump.

Izraeli ka nisur një seri sulmesh ajrore ndaj objektivave ushtarake brenda Iranit.

Sulmet ajrore, të njoftuara nga Forcat Mbrojtëse të Izraelit, erdhën si përgjigje ndaj një sulmi iranian të 1 tetorit mbi Izraelin me rreth 200 raketa balistike që goditën bazat ushtarake dhe infrastrukturën civile.

IDF tha në një deklaratë se sulmet e saj janë "në përgjigje të sulmeve të vazhdueshme prej muajsh të regjimit në Iran kundër shtetit të Izraelit".

Një nga shkrimtarët më të lexuar dhe më të njohur izraelit, regjisor dhe skenarist, Etgar Keret, është kritik me mënyrën si po e drejton kryeministri Benjamin Netanyahu konfliktin në Gaza.

Më shumë sesa lufta me Hamasin, Hezbollahun apo Iranin, ai sheh si kërcënim për shtetin e Izraelit shtypjen e lirisë së ideve. Në një intervistë për Avvenire, Keret thotë se Netanyahu po e përdor konfliktin si një mjet për të qëndruar në pushtet dhe për të mos marrë përsipër përgjegjësitë e tij.

Një referendum në Serbi mbi bashkimin e vendit në BRICS apo në BE është opsion real. Zëvendëskryeministri serb, Aleksandar Vulin, e la të hapur këtë mundësi në një intervistë për agjencinë ruse të lajmeve, TASS.

Polonia është tërhequr nga kërkesa ndaj Gjermanisë për reparacionet e luftës. Ministri i Jashtëm polak, Radoslaw Sikorski, njoftoi se tani dy vendet tani janë aleate, duke pasur parasysh kërcënimin që paraqet Rusia.

Nën qeverinë e mëparshme të krahut të djathtë të udhëhequr nga partia konservatore Ligj dhe Drejtësi (PiS), Polonia e ka ngritur vazhdimisht çështjen e reparacioneve të luftës me Gjermaninë.

Në vitin 2022, Varshava përllogariti se Berlini duhej t’i paguante asaj 6.2 trilion PLN (rreth 1.5 trilion dollarë) si kompensim për dëmet e shkaktuara nga pushtimi nazist.

Dy zyrtarë të lartë të Kishës Katolike dhe pesë pronarë lokalesh nate janë nën hetim në Greqi, me dyshimin për përvetësim dhe pastrim parash.

Hetimi ka nisur pas një raporti të Autoritetit Kundër Pastrimit të Parave, i cili evidentoi një mungesë prej afro 3 milionë eurosh në arkën e Kishës Katolike, të cilat dyshohet se ishin derdhur si investime në klubet e natës. Për pasojë janë ngrirë të gjitha llogaritë bankare dhe pasuritë e pronarëve të tyre.

Hungaria duket se po luan me një tjetër nismë që synon hapur rritjen e marzhit të ndikimit në bllokun europian në këmbim të një politike më fleksible të Brukselit ndaj interesave të atij që quhet Grupi i Vishegradit.

Budapesti ka menduar të hyjë në manovër me një propozim për imigracionin duke rënë dakord me Serbinë dhe Bratislavën zyrtare në një takim të mbajtur në Komarno të Sllovakisë, për ngritjen e pikave të kontrollit të shqyrtimit të kërkesave për azil jashtë BE-së. Në pika të posaçme njësoj si ajo e Shëngjinit.