Bota

“Bloomberg” raporton se Kievi zyrtar është i gatshëm të nënshkruajë marrëveshjen e mineraleve të rralla me SHBA qysh nesër. Marrëveshja do të inkuadrohet në një plan më të gjerë investimesh në sektorin e energjisë dhe teknologjive përkatëse dhe do të ndërthuret me partneritetin strategjik mes të dyja vendeve.

Presidenti amerikan Donald Trump ka dhënë një intervistë së fundmi për “The Atlantic” me gazetarin Jeffrey Goldberg që nxori në media edhe skandalin “Signalgate”. Nga intervista e dhënë, pjesa më e madhe e mediave kanë tërhequr një pohim të presidentit amerikan për Ukrainën, që sipas tij do të mposhtet për pak kohë.

Kongregacioni i Kishës Katolike është mbledhur sot dhe ka vendosur që Konklava për zgjedhjen e Papës së ri do të nisë më 7 maj.

Kardinalët do të hyjnë në pasditen e asaj dite në Cappella Sistina ku do të mbajnë votimin e parë, paraprirë nga betimi dhe ndërmjetësimi i kardinalit Raniero Cantalamessa.

Kancelari i ri i Gjermanisë, Friedrich Merz ka njoftuar se cilët do të jenë njerëzit me të cilët ai do të qeverisë. Mediat e kanë komentuar përzgjedhjen e bërë si të bazuar mbi përvojën, besnikërinë ndaj subjektit dhe lidership të orientuar nga biznesi.

Presidenti amerikan Donald Trump ka kërkuar që anijet amerikane, tregtare dhe ushtarake të lejohen të kajojnë pa u tarifuar në Kanalin e Panamsë dhe Kanalin e Suezit.

Këto kanale nuk do të ekzistonin pas SHBA-të

shkruan Trump në rrjetin social “Truth”.

Prokuroria e Stambollit ka lëshuar edhe 53 urdhër arreste të tjera për zyrtarë të Bashkisë, në kuadër të hetimeve që po zhvillohen për kryebashkiakun e arrestuar Ekrem Imamoglu. Lidhur me këto zhvillime, partia e këtij të fundit, ka deklaruar se ato kryhen për të neutralizuar kundërshtimet e bashkisë për projektin e kanalit që lidh Detin e Zi me atë Marmara.

Instituti Ekonomik i Këlnit mendon se Europës do t’i duhen 10-12 vjet për të zëvendësuar sigurinë që ofrojnë trupat amerikane sot. Dhe 10 deri në 12 vjet janë shumë nisur nga fakti se një pjesë e profesionistëve të sigurisë në Perëndim mendojnë se Rusisë i mjaftojnë 2 vjet armëpushim për të plotësuar organikën e vet, rimenduar taktikën dhe për ta risulmuar Ukrainën.

Donald Trump po mbush tashmë dy muaj në detyrë, të cilën e parapriu me premtime nga më spektakolaret. Një ndër to ishte edhe mbyllja e luftës në Ukrainë për 24 orë. 

Tarifat u vunë mandej u pezulluan. Përfundimi: rinegociim. Administrata amerikane po vazhdon të veprojë me filozofinë ultimative të Trump: pranoje ose ke pasoja!. As njëra dhe as tjetra nuk po provohet. 

Shumëkush mendoi se Zelenskiyt i erdhi fundi pas përplasjes me Trump që u komentua se ishte kurth. Asgjë sërish.

Irani i ka ofruar një marrëveshje të përkohshme ShBA-ve për çështjen bërthamore. Mediat amerikane njoftojnë se propozimi i është bërë të Dërguarit Special të presidentit të ShBA, Steve Witkoff nga ministri i jashtëm iranian, Abbas Araghchi, sipas të cilit palët mund të mos jenë në gjendje të arrijnë një dakordësi finale.

Diplomati iranian ka theksuar se kompleksiteti teknik e bën të pamundur arritjen e një teksti të përbashkët në dy muaj, çka është pranuar në parim nga Witkoff.

Një ditë pasi u njoftua propozimi amerikan për paqen në Ukrainë, zëdhënësi i Kremlinit, Dmitry Peskov ka parashtruar një hap konkret që lidhet me sigurimet e palës ruse.

Nëse Ukraina tërheq trupat e veta nga këto katër rajone të Donbasit dhe Novorossiyas paqja mund të arrihet. Këto janë rajone të mishëruara në Kushtetutë si ruse

i ka thënë ai francezes “Le Point”.