Bota

Goditja e fundit e Iranit mbi Izraelin ka evidentuar defiçitet e këtij të fundit në sistemin e Mbrojtjes ajrore. Sipas gazetës amerikane “The Wall Street Journal” nga 182 raketa balistike të lëshuara nga Irani, rreht 32 arritën të godasin bazën ajrore të Nevatimit dhe një raketë ra afër drejtorisë qendrore të MOSSAD-it. Irani përdori raketa balistike, jo kruiz, pasi ato fluturojnë me shpejtësi më të madhe, ndërkohë që në aspektin e kostove, predhat kundërajrore izraelite janë më të kushtueshme.

Një mënyrë për të zgjidhur konfliktin Rusi-Ukrainë, sipas ish-shefit të NATO-s, është lëshimi nga Kievi i një pjese të territorit të vendit. Në intervistën e parë pasi la detyrën e Sekretarit të Përgjithshëm të NATO-s, Jens Stoltenberg, është shprehur se Ukraina mund të detyrohet të rinegociojë duke e parë rivendosjen e kufijve të vitit 1991 si një parakusht për çdo marrëveshje paqeje.

Presidenti iranian Masoud Pezeshkian ka pritur në Doha të Katarit ministrin e Jashtëm të Arabisë Saudite faisal bin Farhan Al Saud me të cilin siç raportohet është diskutuar promovimi i marrëdhënieve dypalëshe. Pezeshkian ka bërë thirrje për unitet mes myslimanëve, duke vënë në dukje se të dyja vendet do të ecin përpara për të eliminuar dallimet. Nga ana e vet ministri saudit ka nënvizuar vendosmërinë e vendit të tij për të zhvilluar marrëdhëniet me Iranin. 

Samiti i G20 i muajit nëntor në Brazil mund të inaugurojë një moment kthese për krizën ukrainase. Një ditë më parë, agjencia ruse e lajmeve, “TASS” sillte në vëmendje një deklaratë të presidentit amerikan Joe Biden që në interepretimin e saj, “nuk përjashtonte një takim me presidentin rus Putin” në Brazil.

Por unë besoj se Putin nuk do të shfaqet

citohet Biden.

Mijëra njerëz kanë dalë në rrugët e Berlinit për të protestuar kundër dërgesave të armëve në Ukrainë dhe Izrael, ndërsa shprehin shqetësimin për një përshkallëzim të mundshëm bërthamor, sipas mediave lokale dhe videove të postuara në mediat sociale.

Tubimi, i organizuar nga grupe të ndryshme pro paqes dhe të krahut të majtë, u mbajt më 3 tetor, që përkon me Ditën e Unitetit Gjerman, që shënon bashkimin e Gjermanisë Perëndimore dhe Gjermanisë Lindore komuniste në vitin 1990.

Kreu i shërbimit të zbulimit të Federatës Ruse, Sergey NAryshkin, ka deklaruar se qendrat kryesore të Perëndimit kanë marrë mesazhin e duhur për përdorimin nga Ukraina të armëve me rreze të gjata.

Sipas tij, përgjigja e presidentit Putin për këtë lëvizje eventuale, duke vënë në dukje se sistemet mund të përdoren vetëm nga personel perëndimor  dhe me akses satelitor, përfaqëson deklaratë të hapur lufte ndaj Rusisë, ka dhënë efekt.

Kina dhe Rusia do të forcojnë bashkëpunimin për të formuar rendin shumëpolare. Wang Yi, anëtar i Byrosë Politike të Komitetit Qendror të Partisë Komuniste të Kinës dhe ministër i Jashtëm kinez, në një shkrim për “The People’s Daily”, me rastin e 75-vjetorit të marrëdhënieve Kinë-Rusi, shprehet se kjo është zgjedhje strategjike e të dyja vendeve.

Izraeli njoftoi se ka eliminuar Rawhi Mushtaha, kreu i qeverisë së Hamasit në Rripin e Gazës.

Në një njoftim të shërndarë nga Forca Mbrojtëse e Izraelit, IDF, thuhet se kreu i djathtë i liderit të Hamasit është viktima e radhës e sulmeve izraelite.

Irani ka gati një përgjigje akoma më të fortë nëse Izraeli hakmerret për sulmin e tij raketor.

“Nëse ai (Izraeli) dëshiron të reagojë, ne do të kemi një përgjigje më të fortë, kjo është ajo për të cilën është angazhuar Republika Islamike”, tha sot presidenti iranian, Masoud Pezeshkian.

“Ne nuk po kërkojmë luftë, është Izraeli ai që na detyron të reagojmë”, tha ai.

Republika Çeke ka bllokuar një deklararë të përbashkët të BE-së përmes së cilës bëhej thirrje për ndalim të menjëhershëm të luftimeve mes Izraelit dhe Hezbollahut si dhe dënohej numri i civilëve të vrarë.

Ne mund të mbështesim tekstin me dy propozim për amendim që janë propozuar, por vendeve t tjera nuk i duan. Së pari ne mbrojtëm idenë se duhet shtuar në teskt nevoja që Hezbollah të tërhiqet nga kufiri izraelit. Së dyti, teksti ishte shumë kufizues kur vjen pun ate e drejta e Izraelit për të mbrojtur veten