Bota

Në dallim nga sa kishte deklaruar në vijimësi, presidenti amerikan në ikje, Joe Biden, ka falur djalin e tij, Hunter, për dënimet për evazion fiskal dhe armëmbajtje.

Të djelën në mbrëmje pas Ditës së Falenderimeve – në një kohë kur vëmendja e publikut amerikan ishte gjetiu – ai njoftoi se kishte ndryshuar mendje

shkruan BBC.

Biden kishte premtuar përherë se nuk do ta falte djalin e tij për te cilin shkruan se “ka patur një përpjekje për ta thyer”.

Gjermania do t'i japë Ukrainës ndihma të reja ushtarake me vlerë 650 milionë euro. Shifra u bë e ditur nga kancelari gjerman Olaf Scholz, i cili ndodhet në Kiev për një vizitë të paparalajmëruar.

Scholz deklaroi se Gjermania do të mbetet mbështetja më e fortë e Ukrainës në Evropë, ndërsa shtoi se ndihma do të dorëzohet gjatë dhjetorit.

Kjo është vetëm vizita e tij e dytë që nga shpërthimi i luftës, pas vizitës së parë në qershor 2022.

Keir Starmer, kryeministri britanik, bëhet politikani i fundit perëndimor që ngre çështjen e imigracionit në nivelin e një kërcënimi kryesor për sigurinë. Në një deklaratë të mbajtur pas publikimit të të dhënave zyrtare sipas të cilave për vitin 2023 në Britaninë e Madhe kishin hyrë 906 mijë njerëz, Starmet ka folur për atë që ai e quajti:

Eksperimenti me kufijtë e hapur

Më tej ai ka vazhduar me një ton gati konspiacionist:

Në Greqi është inauguruar së fundmi metroja e dytë në vend, ajo e Selanikut. Lajmi ka zënë vend në raportimin e mediave kryesore europiane qoftë pse janë dashur 38 vjet për ta përmbyllur punën, qoftë sepse metroja ndërthuret me site arkeologjike që ekspozohen në itinerarin e saj.

Presidenti ukrainas Volodymyr Zelenskiy ka ofruar për herë të parë publikisht të lëshojë zyrtarisht territoret që aktualisht mbahen nga Rusia. Në një intervistë për Sky News, Zelenskiy ishte i drejtpërdrejtë:

Kryeministri gjeorgjian, Irakli Kobakhidze, ka njoftuar sot ndërprerjen e konsultimeve me Bashkimin Europian për hapjen e negociatave për anëtarësim. Vendimi i pezullimit vlen deri në vitin 2028 dhe në këtë periudhë, Gjeorgjia do të refuzojë të gjitha grantet financiare nga BE.

Agjencitë ligjzbatuese europiane kanë likujduar rrjetin më të madh në botë të piraterisë televizive me 22 milionë përdorues. Operacioni u drejtua nga Shërbimi italian i Sigurisë Kibernetike dhe Postare dhe ai ka goditur një shërbim që përdorte IPTV-të – Internet Protocol Television.

Presidenti rus, Vladimir Putin, ka deklaruar sot se autoritetet ushtarake të vendit po përzgjedhin objektivat që duhen goditur në Ukrainë me raketëne re “Oreshnik” që u testuar javën e shkuar në Dniepër.

Këto objektiva mund të përfshijnë objekte ushtarake, sipërmarre ushtarake apo edhe qendrat vendimmarrëse në Kiev

ka thënë ai.

Duket se faza më kritike e konfliktit në Ukrainë ka mbërritur. Përveç përdorimit të armëve që përfaqësojnë nivele të reja kërcënimi në shkallë të gjerë, janë zhvillimet politike ato që po stimulojnë kumarin politik dhe atë të sigurisë. Kështu, Bruno Kahl, kreu i shërbimeve sekrete gjermane, thotë se Rusia ka besimin se NATO nuk do të jetë në gjendje të zbatojë nenin 5 të Traktatit themelues të saj që siguron mbrojtje reciproke në rast të një sulmi ndaj një prej anëtarëve të vet.

Shtetet e Bahskuara të Amerikës po bëjnë së fundmi presion ndaj Ukrainës që të mobilizojë të rinj mbi 18 vjeç për të përmbushur kërkesat për trupa në luftën kundër Rusisë. Mediat amerikane referojnë burime nga administrata e presidentit Biden sipas të cilave po bëhet presion që mosha e mobilizimit ushtarak të kalojë nga 25 në 18.

Matematika e pastër tregon se Ukraina ka nevojë për më shumë trupa

citohet burimi.