Arkiv-Lajme

Catherine Ashton, Ivica Daçiç dhe Hashim Thaçi janë tre kandidatë potencialë për çmimin “Nobel” për Paqen. Kështu njofton gazeta “Zëri”, që i referohet agjencisë shtetërore serbe të lajmeve “Tanjug”. “Kreu i grupit lobues shqiptar në kongresin amerikan, Eliot Engell është duke kërkuar mbështetje për emërimin e Catherine Ashton-it, Ivica Daqiç-it dhe Hashim Thaçit për çmimin Nobel, sipas Tanjug-ut.

Refuzimi i Brukselit për statusin e vendit kandidat ka gjasa të nxisë një klimë mosbesimi ndaj vetë Bashkimit Europian në Shqipëri. Aq më tepër kur në mënyrë thuajse reflektive, “Jo-ja” për Shqipërinë, lidhet me “Po-në” për Serbinë. Gazeta “Shekulli”, shkruan në faqen e vet online, se ky dallim është theksuar edhe nga vetë kancelarja gjermane, Angela Merkel, që citohet nga agjencia “Reuters”.

Projektbuxheti i ri i qeverisë “Rama” është ndoshta ndërmë të debatuarit e tranzicionit shqiptar. Një arsye formale për këtë është edhe ndryshimi i politikave fiskale, e cila ka ndarë në dy rryma qeverinë dhe opozitën. Në këtë kuadër, një element që po nxjerr krye është qasja ndaj biznesit, përfaqësues të të cilit jo vetëm mbajnë një peshë të madhe për të ardhurat buxhetore, investimet dhe punësimin, por janë edhe aktorë të fuqishëm të jetës publike në Shqipëri. Në këtë pikë, qeveria duket e vendosur që të kalojë projektbuxhetin e vet, pavarësisht se biznesi ka dalë kundër për taksimin.

Gazeta “Panorama” ka “rihapur” sot çështjen “Olldashi”. Sipas kësaj gazete, Prokuroria ka nisur një hetim për të saktësuar se si ka humbur dhe përse nuk është gjetur në vendin e ngjarjes, portofoli i Sokol Olldashit, që bën pjesë në sendet personale. “Shkak për hapjen e hetimeve për humbjen e portofolit personal të deputetit është bërë një problem i zbuluar gjatë inventarizimit të sendeve të gjetura në vendin ku ndodhi aksidenti”, shkruan “Panorama”. Ky element i ri e bën edhe më të mjegullt të gjithë çështjen, që u shoqërua që në fillim me mosbesim.

Ka nisur që nga dje lënia e mandatit të deputetit për ministrat e kabinetit qeveritar. Gazeta “Panorama”, shkruan se në Kuvendin e Shqipërisë është depozituar një kërkesë në Këshillin e Verifikimit të Mandatave, përmes të cilës shtatë ministra depozitojnë dorëheqjen nga mandati i deputetit.

Zakonisht shtypi publikon mbledhjet e komisioneve parlamentare për shkak të batutave që deputetët shkëmbejnë me njëri-tjetrin, duke shpresuar se edhe këto lloj shakash përcjellin një lloj lajmi. Ndryshe puna me mbledhjen e djeshme të Komisionit Parlamentar të Ligjeve, ku në kuadër të projektligjeve për taksat vendore dhe kombëtare, është diskutuar edhe për shtimin e taksave për shtëpitë e dyta. Zv.ministri i Financave, Ervin Mete është gjendur përballë reagimit edhe të deputetëve të shumicës qeverisëse.

“Jo-ja” për marrjen e statusit të vendit kandidat për në Bashkimin Europian ka nxjerrë Hollandën si “delen e zezë” të unionit. Ndonëse krahas saj, ishin edhe disa vende të tjera që kundërshtuan një “Po” për Shqipërinë, kundërshtimi, më së shumti indetifikohet me Hollandën.

Nëntë kryetarët fitues të komunave me shumicë serbe, ose ndryshe kandidatë të “Lista Srpska”, kanë nisur të krijojnë shqetësim në mesin e analistëve. Agim Popoci në numrin e kësaj jave në revistën Klan trajtonte pikërisht vizionin e një entiteti qeverisës serb që nuk “pyet” për Prishtinën zyrtare. Të njëjtën gjë ngre me shqetësim edhe Veton Surroi që ka folur për emisionin Rubikon: kjo “Listë” po krijon entitet, i cili në të ardhmen mund të kërkojë pavarësi nga Kosova.

Sikurse ishte paralajmëruar, BE-ja shtyu për në qershor marrjen e statusit të vendit kandidat për Shqipërinë. Ndonëse nuk e ka shoqëruar këtë vendim me kushte shtesë, sërish disa probleme të reja dalin përpara. Një i tillë është edhe mbajtja e zgjedhjeve evropiane, ku parashikimet flasin për një rritje të peshës së kundërshtarëve të zgjerimit. Problemi i dytë ndodhet në Shqipëri. Në momentin kur perceptimi i përgjithshëm është se kësaj radhe 'Jo-ja' ishte vendim i BE-së, klasa politike në Tiranë nuk ka munguar të shfaqet edhe njëherë me dy versione.

Policia turke ka arrestuar djemtë e tre ministrave në kuadër të një hetimi për dhënie dhe marrje ryshfeti, me qëllim manipulimin e tenderave publikë në shifra miliarda dollarësh. Lajmin e bëjnë të ditur mediat turke, sipas të cilave bëhet fjalë për fëmijët e ministrit të Brendshëm, atij të Ekonomisë dhe atij të Ambjentit e Planifikimit Urban, përkatësisht Muamer Gyler, Zafer Xhagllajan dhe Erdoan Bajraktar. Policia ka kryer një seri bastisjesh në Stamboll dhe në tërësi ka arrestuar 18 persona, saktësojnë burimet.