Arkiv-Lajme

Prokuroria e Fierit nis hetimet për kompaninë e naftës “Albpetrol”. Objekt i hetimi është bërë skandali i mbushjes me ujë të katër rezervuarëve të naftës. Hetimet kanë nisur me marrjen në pyetje të disa personave. Gjithçka ka filluar me kallëzimin që ka bërë drejtori aktual i “Albpetrol”, Endri Puka. Ky i fundit ka vënë në dispozicion të prokurorisë edhe dokumentin e shkruar nga përgjegjësi i sektorit të naftës në Zharrës, Përparim Braçe.

Ish-kryeministri, Sali Berisha nuk mbaji fjalim në protestën e sotme të Partisë Demokratike por ka komentuar në Facebook. Berisha shkruan se në protestë sipas tij morën pjesë 150 mijë njerëz.

Një koment i tillë vjen në një kohë kur mediat (sidomos ato të majta) flasin për një pjesëmarrje të papërfillshme në shesh. Pjesëmarrje jo shumë e konsiderueshme shihet edhe nga imazhet nga lart.

Mazhoranca duket se ka pranuar që me ndarjen e re administrative, Himara të jetë njësi më vete. Por, për këtë vendim kreu i Komisionit të Sigurisë Kombëtare, Spartak Braho ka kërkuar të tregohet kujdes ndaj qarqeve greke.

Lëvizja Socialiste për Integrim ka votuar pro kandidaturës së Presidentit të Republikës, Bujar Nishani për anëtar të Gjykatës së Lartë.

Alaudin Malaj u rrëzua me 65 vota kundër, 12 pro dhe 5 abstenim ndërsa deputetët e opozitës nuk morën pjesë në votim.

Përveç 11 deputetëve të LSI-së që votuan pro, votë pro dha edhe deputetja e PS-së, Arta Dade.

“Panorama” shkruan se Dade është shprehur se ka ngatërruar votim dhe vota e saj është llogaritur kundër. 

S.S

Kryeministri, Edi Rama ka zgjedhur t’i përgjigjet me ironi kërkesës së opozitës për dorëheqje të shtruar në protestën e sotme nga kreu i PD-së, Lulzim Basha.

Në komentin e tij të shkurtër, Rama flet për “pilotin” që i bie të jetë Sali Berisha, për “shoferin” që është Lulzim Basha.

“Rrota e avionit të ish-qeverisë ngeci në bulevard, piloti nuk foli, shoferi bërtiti, pasagjerët morën furgonët për të ikur nga vendngjarja”, shkruana Rama.

S.S

Kryetari i PD-së, Lulzim Basha përpara kryeministrisë ka kërkuar dorëheqjen e Kryeministrit Edi Rama. Ai ka theksuar se vendi ka nevojë për një “zot shtëpie” dhe jo njerëz të marrë peng nga rrjeti i narkotrafikut. “Shqiptarët u ngritën dhe po ngrihen me thirrjen e opozitës, virtyteve dhe ëndrrave tona për të marrë në dorë fatin tonë. Për të mposhtur dhe shporrur oligarkinë mafioze të drogës.

Ministri i Financave Shkëlqim Cani, ka urdhëruar shlyerjen e detyrimeve ndaj biznesit. Urdhri i firmosur nga ministri dy ditë më parë thotë: “Brenda 10 ditëve pune nga data e alokimit të fondeve, nëpunësit autorizues urdhërojnë në thesar kryerjen e pagesave për detyrimet e prapambetura, duke respektuar radhën kohore të lindjes së detyrimit sipas listës së miratuar.

Në rastet e mos urdhërimit në kohë dhe të paargumentuar të pagesave si më lart, përgjegjësi i degës së thesarit bllokon pagesat e njësisë respektive deri në shlyerjen e detyrimeve të prapambetura”. 

Dritëro Agolli deklaron se politika ngatërron qëllimisht luftën me komunizmin pasi sipas tij ata duan të mohojnë luftën. Këtë deklaratë, Agolli e ka bërë në një intervistë të dhënë për gazetën “Panorama”. “Formimi i kabineteve qeveritare, problemet që ka shoqëria, nuk duhen marrë si pikturë dhe si letërsi, nuk duhen marrë me formalizëm. Duhet të heqim dorë nga formalizmi i të kuptuarit të gjërave.

Maqedonia do të marrë ftesë për anëtarësim në NATO, por kur  të ketë zgjidhur çështjen e emrit me Greqinë. Kështu ka deklaruar në Shkup Sekretari i Përgjithshëm i Aleancës më të madhe ushtarake në botë, Anders Fogh Rasmussen. Ai ka thënë në konferencën për shtyp se: “Dyert e NATO-s janë të hapura. Ju nxis në vazhdimin e përpjekjeve për gjetjen e një zgjidhjeje”.

Opozita ka paralajmëruar për ditën e sotme protesta masive të cilat do të nisin nga sheshi “Skënderbej”dhe do të vijojë marshimin në bulevardin “Dëshmorët e Kombit”, për t’u ndalur para selisë së Kryeministrisë nën thirrjen “RAMA IK”. Është lajmëruar se protesta do të nisë rreth orës 11:00 dhe në të do të flasin disa prej qytetarëve  dhe në fund do të kryetari i PD, Lulëzim Basha do të mbajë një fjalim ku do kërkojë dorëheqjen e Kryeministrit Rama dhe qeverisë së tij.