Arkiv-Lajme

Gazetari Arben Muka, i njohur edhe si korrespodent i radios Deutsche Welle në Tiranë, duket i skandalizuar nga një veprim i ditëve të fundit i Jozefina Topallit. Në një shkrim me titull “Topalli dhe mamografia te privati”, mes të tjerash ai shkruan:

Dështimeve të ekipit olimpik shqiptar, tashmë po iu analizohen shkaqet. Romela Begaj, e cila u rendit në vend të 6- të në Pekin, u rendit vetëm e 11-ta në Londër. Për një paraqitje të tillë, sulmet e para shkojnë për trajnerin, i cili është i fejuari i saj. Shefi i misionit olimpik në Londër, Viron Bezhani, thotë në numrin e sotëm të Gazetës Shqiptare se është turp që shtanga drejtohet nga njerëz pa haber.

E përditshmja “Panorama” shkruante sot se, sipas burimeve të saj, kreu i Policisë Bashkiake, Florenc Hoxha ishte shkarkuar nga detyra dhe është zëvendësuar me Vullnet Topallin. Fjalët për shkarkimin e Hoxhës qarkulluan dje pasdite në mediat e Tiranës bashkë me raportimet mbi një konflikt të Hoxhës me n/komisionerët e Avokatit të Popullit dhe me një deklaratë shumë të ashpër të Amnesty International ndaj Bashkisë së Tiranës. Në qendër është historia e dhunimit të romëve nga policia bashkiake.

ResPublica ishte nga të paktat media shqip që i kushtoi dje një lajm vdekjes së Gore Vidal. Sot, e përditshmja “Shqip” kishte një material të zgjeruar për njeriun elegant të letrave, i cili ngulmoi jo pa njëfarë kënaqësie të brendshme në atë që ai e quante fundi i civilizimit amerikan. Shkrimtari sipas të cilit, “politikanët janë njerëz të paqartë dhe askush nuk i di aftësitë e tyre reale” ndërroi jetë të martën, në shtëpinë e tij në Hollivud. Në këtë shtëpi ishte zhvendosur në vitin 2003, pas vitesh të tëra të cilat i kaloi në Itali. Ishte 86 vjeç.

Pothuaj të gjitha mediat e Tiranës, duke filluar nga Top Channel e duke mbaruar tek TV Klan, dhanë sot një lajm për përurimin e segmentit Levan-Damës të superstradës Levan-Tepelenë. Ato të gjitha cituan këto fjalë të Berishës: "[Socialistët] nuk votuan në parlament shtesën që u kërkua për ndërtimin e kësaj rruge; nuk votuan sepse donin me çdo kusht të bllokonin përfundimin e tyre para zgjedhjeve.” Dhe më tej, lajmi vazhdon me detaje (ku më shumë e ku më pak) për të dhënat teknike e financiare të rrugës dhe për efektet ekonomike të saj.

Aleanca Kuqezi u ngjiz gjatë protestave kundër regjistrimit të përkatësisë etnike në Censusin shqiptar, të cilin e konsideronin si të porositur e të orkestruar nga Greqia. Pasi Censusi mbaroi, fokusi i Aleancës Kuqezi u zhvendos drejt Kosovës dhe trojeve me popullsi shqiptare në Maqedoni dhe Mal të Zi. Më pas, Aleanca Kuqezi u fokusua në nevojën për rotacionin politik dhe kufizimin e mandateve të politikanëve në Shqipëri. Ditët e fundit, ajo i është rikthyer “dashurisë së saj të parë” – sulmit ndaj Greqisë.

Pëllumb Xhufi dhe Koço Danaj janë pyetur nga e përditshmja Shekulli, për një “emërtesë” të sistemit para’90-s dhe atij pas ’90-s.

Gruaja që shihni në foto është një murgeshë gjermane. Quhet Christina Färber. Ka 15 vjet që jeton në Shkodër. Mbrëmë në orën 23.30 në stacionin televiziv gjerman ARD u shfaq një dokumentar i gjatë i regjisorit Marc Wiese. Wiese ka ndjekur këtë grua dhe 8 të rinj shqiptarë nga Shkodra në Vatikan e më pas në Gjermani. Një guxim i madh; një udhëtim i paimagjinueshëm sepse 8 të rinjtë në fjalë nuk ishin 8 të rinj të zakonshëm.

Një raport i një qendre studimesh për politikat fiskale, Tax Policy Center, ka arritur në përfundimin se ulja e taksave që ka premntuar Mitt Romney nuk bën gjë tjetër, veçse rrit me 4,1% të ardhurat neto të atyre që fitojnë mbi një milion dollarë në vit, dhe ul me 1,2% të ardhurat neto të atyre që fitojnë më pak se 200 mijë dollarë në vit.

Eduard Shalsi, në një intervistë për Javën, rreket t’i bëjë portretin Lulzim Bashës: “Ofron paraqitje të rregullt dhe buzëqeshjen karakteristike. Protagonist aktivitetesh limonadë dhe i dashuruar pas ceremonive. Është shndërruar jo në zgjidhës, por në gjenerues dhe delegues problemesh që i krijon vetë. Mosnjohës, me apo pa dashje, i ligjeve dhe procedurave dhe tërësisht pa dëshirë dhe i pafuqishëm për të zmbrapsur trysninë e militantëve, të cilët kanë pushtuar bashkinë. I paaftë të ndërtojë një ekip jashtë trysnive dhe qokave partiake. Aspak kurajoz dhe rrëshkitës përgjegjësish.