Arkiv-Lajme

Gjatë mbledhjes së sotme të grupit parlamentar të Partisë Demokratike, kryeministri Berisha është shprehur se nuk e ndoqi këshillën e FMN-së për mosrritjen e rrogave dhe ja që kjo nuk u kthye në problem për ekonominë. Madje i ka vënë FMN-në dhe Ramën në një rresht të përpjekjes për të ndaluar rritjen e rrogave :)

Bashkëpuntori ynë i rregullt Eduard Zaloshnja, në një artikull të djeshëm (http://www.respublica.al/opinion/2013/01/27/ndarja-e-mandateve-si-ne-2009-en-dhe-permendja-e-lukashenkos-nga-ambasadori ), risolli në vëmendje të lexuesve një paralajmërim publik të amabasadorit Arvizu ndaj Berishës, që ky i fundit të mos përdorë “inxhinierinë proceduriale ” të Lukashenkos bjellorus për zgjedhjet shqiptare të këtij viti.

Inxhinieri i njohur Maksim Shuli, ekspert me përvojë i sektorit të hidrokarbureve, flet në një intervistë për revistën MONITOR për tendencën e çmimeve, bursën dhe privatizimet e fundit të qeverisë.

Blogu PPU ka një debat interesant lidhur me arkitekturën SHBA-Europë: "SHBA e BE ndryshojnë shumë, por cfare ndjesish shkaktojnë te shoqëria këto ndryshime? S'po flas për qendrat që më shumë janë identifikuese e turistike, ose ekskluzive vetem per te pasurit apo per ata qe punojne atje. Po flas por për zonat ku jetojnë njerëzit mesatare çdo ditë, ku rrisin fëmijët, ku i edukojne e ku behen njujorkezë, apo torontas, romanë, parizienë, montrealas, bostonianë, a çfarë tjeter.

"Borxhi është shumë i lartë, ndoshta më i larti në rajon. Kjo në vetvete paraqet problem për rritjen ekonomike në të ardhmen dhe rreziqe të tjera. Problemi tjetër është se gati gjysma e borxhit të Shqipërisë është afatshkurtër. Ai maturohet brenda 12 muajsh. Një faktor tjetër që ndikon është se borxhi i brendshëm, 70 përqind e tij mbahet nga sistemi bankar, që në vetvete është në pronësi të lartë të bankave të huaja, që nga ana e tyre kane qënë nën presionin e krizës financiare evropiane.

Në votimin për Kryetar të PDK’së kanë marrë pjesë 719 delegatë, nga ta 718 kanë votuar pro kandidaturës së Hashim Thaçit, derisa vetëm 1 delegat ka votuar kundër, sipas agjensisë INA. 

Edhe pse kandidaturat e PD-së për Mirditën u bënë të njohura vetëm 24 orë para se konferenca të niste punimet, tensioni në sallë por edhe jashtë saj ishte i madh. N/kryetari i PD-së Gjon Ndoj ka kërkuar me ngulm që t’i jepej e drejta e fjalës në konferencë. Megjithëse nuk i është miratuar një kërkesë e tillë, ai e ka marrë fjalën dhe ka hedhur një lumë akuzash ndaj deputetëve, dhe vetë drejtimit të PD-së.

Fotografi zyrtar i Protokollit të Shtetit, Meksi Xhufka, tashmë në pension, ka dhënë sot një intervistë tek GSh, ku flet për huqet dhe ngjarjet me të “mëdhenjtë” e shtetit shqiptar. Adil Çarçani për të ishte “një njeri i zymtë, ndoshta si vetë koha e atëhershme” Ndërsa për Berishën kujton se “ishte shumë i qeshur. Madje, më ka ndihmuar shumë me atë entuziasmin e tij, atë energjinë e tij.” thotë Xhufka. Aleksandër Meksin “e respektoja si njeri, si shtetar. Më respektonte, jo vetëm punën, por edhe më ka shpëtuar jetën.”

Portali online www.gazetadita.al njofton se Kryeministri Berisha përmes një postimi në profilin e tij në mesditë, kërkon mbajtjen e një referendumi në lidhje me tre ligjet kyçe për integrimin europian. Duke akuzuar kreun e opozitës si bllokues, Berisha shprehet i bindur se do t’i fitojë zgjedhjet e qershorit, madje merr përsipër të parashikojë edhe lëvizjen e Ramës për një tjetër bllokim.