Rikthehen votimet me 99.99% pro: Hashim Thaçi rikonfirmohet në krye të Partisë Demokratike të Kosovës (PDK), përmes votimit të hapur.

Në votimin për Kryetar të PDK’së kanë marrë pjesë 719 delegatë, nga ta 718 kanë votuar pro kandidaturës së Hashim Thaçit, derisa vetëm 1 delegat ka votuar kundër, sipas agjensisë INA. 

Ky lloj rezultati mund të jetë komod për Thaçin dhe tregon se e ka partinë krejtësisht nën vete. Në kushtet ku është Kosova, një unanimitet i tillë është pak të thuash që të fut frikën. Ky lloj unanimiteti “alla-enver” ku lideri votohet me 99.99%, sigurisht nuk është pozitiv për demokracinë në parti e cila me siguri do të pasqyrohet dhe në qeverisje e më gjërë në shoqërinë kosovare. Mundësitë e partisë për të evoluar, për të ngritur debat të brendshëm e alternativa, si dhe për të korigjuar veten, me këtë lloj unanimiteti, duken shumë të vogla. Në fjalën e tij para delegatëve, njofton agjensia INA, Thaçi i ka falënderuar për besimin e dhënë.

k.c.