Fotografi zyrtar i protokollit: bodigardi i Majkos, “do të të vras po nuk i kape foto me Klintonin”

Fotografi zyrtar i Protokollit të Shtetit, Meksi Xhufka, tashmë në pension, ka dhënë sot një intervistë tek GSh, ku flet për huqet dhe ngjarjet me të “mëdhenjtë” e shtetit shqiptar. Adil Çarçani për të ishte “një njeri i zymtë, ndoshta si vetë koha e atëhershme” Ndërsa për Berishën kujton se “ishte shumë i qeshur. Madje, më ka ndihmuar shumë me atë entuziasmin e tij, atë energjinë e tij.” thotë Xhufka. Aleksandër Meksin “e respektoja si njeri, si shtetar. Më respektonte, jo vetëm punën, por edhe më ka shpëtuar jetën.”

Xhufka rrëfen edhe ditën që i ka bërë fotografi Majkos në takimin me Klintonin. Bodigardi ishte aq i shqetësuar që shefi i tij të kishte një fotografi dyshe me Klintonin, sa e ka kërcënuar me jetë (kjo duhet të jetë një formë për ta bërë tjetrin të fokusohet, në stil badigardësh). Te dera, bodigardi i Majkos kujton që t’i ketë thënë: “Dëgjo djalë, nëse më del pa fotografi nga zyra e Presidentit amerikan, pa bërë dyshen, mendohu mirë, se të shtatat që kam do t’i lë këtu që ta marrin vesh Amerika dhe Shqipëria.”

k.c.