Arkiv-Lajme

KOF Swiss Economic Institute ka publikuar sot Indekset e Globalizimit për vitin 2012. Në indeksin e globalizimit social, Shqipëria renditet e fundit në Europë dhe e 123-ta në botë, duke u ndjekur nga vende si Tunizia, Senegali, Xhibuti, Filipinet, Kuba etj.

Ky indeks llogaritet si mesatare e ponderuar e të dhënave mbi telefonatat dhe postës ndërkombëtare; mbi penetrimin e internetit, televizionit, gazetave dhe librave; mbi turizmin dhe transfertat monetare ndërkombëtare; dhe mbi prezencën e kompanive të njohura ndërkombëtare si McDonald, IKEA, etj.

Biznesmenit Arben Frroku i është komunikuar sot në gjykatën e Selanikut ekzistenca e një urdhër-arresti ndërkombetar në lidhje me akuzën e vrasjes së ish-shefit të Komisariatit nr 6 në Tiranë, Dritan Lamaj, njofton Balkanweb, ndërsa ai është shpallur i pafajshëm për sasinë e drogës që iu gjet në hotel gjatë arrestimit. Vendimi që e mban në arrest për 40 ditë derisa të vijë dosja, u dha sot pasi ai u njoh me akuzat, gjatë seancës që zgjati disa orë, në një gjykatë të Selanikut.

Mediat kanë shprehur shqetësim sot për reagimin e zyrtarëve të Ministrisë së Bujqësisë që bënë përgjegjës për sigurinë ushqimore... mediat!! Sipas tyre, qumështi i konsumuar nga shqiptarët nuk krijon asnjë problem shëndetësor dhe shprehën keqardhje për çfarë e quajtën “panik të krijuar nga media”, sipas portalit të gazetës Shqip. Kjo qe një deklaratë paksa e ndryshme nga ajo që i njëjti institucion dha pak ditë më parë kur deklaroi se aflatoksina gjendej dhe gjendej mbi normat e lejuara.

Mazhoranca futi ne procedure te përshpejtuar ratifikimin e marrëveshjeve për privatizimin e 4 HEC-eve dhe te lotarisë Kombëtare. Opozita e kundërshtoi kete nisme te shumices parlamentare, duke këmbëngulur se po shkelet rregullorja e Kuvendit. Ajo e akuzoi mazhorancen se kjo eshte nje perpjekje e fundit per te grabitur pasuri kombëtare ne fund te mandatit qeverisës.

LSI është e hapur për koalicion me çdo parti, përfshirë edhe Partinë Socialiste. Koalicionet e ardhshme do të kenë në themel votën e qytetarëve [pasi ata të votojnë në 23 qershor]”. Kështu u shpreh kreu i LSI-së, Ilir Meta, pas takimit me ambasadorët e vendeve të BE-së në Tiranë.

Meta tha se temë e takimit ishin çështjet e integrimit dhe zgjedhjet e qershorit. “Temë e bisedës ishte procesi zgjedhor maksimalisht transparent, për të cilin vendet e BE-së janë të interesuara”, tha Meta në përfundim të takimit.

Mero Baze ka komentuar intervistën e mbrëmshme të Edi Ramës përballë gazetarit të Klan Blendi Fevziu dhe ndër të tjera shkruan: “Debati ishte i tillë që detyroi gazetarin të shpaloste vetveten, ashtu siç është, i cekët, i përciptë, i pavëmendshëm, i paqartë, shtiracak, gënjeshtar, dhe servil. Dy herë të vetme që Fevziu është përballur me opozitarët e Sali Berishës, Ina Ramën dhe Edi Ramën, me pyetje të ofruara nga Berisha, të dyja herët ka provuar se jo vetëm që nuk kupton çfarë pyet, por nuk kupton as çfarë përgjigjet bashkëbiseduesi.

Fondacioni Fridrih Ebert ka publikuar një studim mbi mendimet e rinisë shqiptare për të sotmen dhe të ardhmen e afërt, bazuar tek një sondazh i gjerë në të gjithë territorin e vendit. Më poshtë, disa nga përfundimet e studimit:

1-Më shumë se 50 përqind e të rinjve janë të gatshëm të emigrojnë jashtë vendit (“Më shumë se gjysma e rinisë është gati të lërë vendin. Nuk mund të përfytyrohet. Më mirë një kamarier në Itali se sa pastrues makinash në Shqipëri, mendojnë ata, Kjo është e jashtëzakonshme” - thotë në VOA Frank Hantke, drejtues i fondacionit Fridrih Ebert)

Qëllimi i deklaruar i Amerikës është të largojë presidentin Bashar al-Assad nga pushteti në Siri. Shtetet e Bashkuara këmbëngulin, gjithashtu, se çdo zgjidhje e krizës siriane, duhet të garantojë pluralizmin fetar dhe etnik. Megjithatë, ky vizion rozë për një Siri të moderuar dhe laike pas rënies së Assadit, nuk do të arrihet nëse Shtetet e Bashkuara vazhdojnë të varen nga aleatët rajonalë, të cilët kanë pak interesa për një përfundim të tillë.

Kreu i PS-së, Edi Rama ndodhet në studion e gazetarit të Klan, Blendi Fevziu dhe ndër të tjera kanë replikuar shpesh me batuta.

“Ti e do Doktorin,” i tha Rama. Kurse moderatori Fevziu iu përgjigj: “Çështjen e dashurisë mes burrave nuk e di zoti Rama”. “Kjo nuk është dashur mes burrash është dashuri mes doktorit dhe pacientit,” iu përgjigj Rama.

E firmosur nga drejtuesit kryesorë të mazhorancës parlamentare kërkesa për organizimin e një “referendumi për tre ligjet” miratua dje në Komisionin e Ligjeve. Në krye të listës së firmëtarëve ishte emri i kryeministri, Sali Berisha e ndjekur nga kryeparlamentarja Topalli. Më pas, vinin si firmëtarë drejtues e deputetë të partive aleate të koalicionit qeverisës. Suprizë ishte fakti se në këtë listë mungonte emri i kreut të Lëvizjes Socialiste për Integrim, Ilir Meta, pavarësisht se deputetët e kësaj partie e kishin firmosur kërkesën.