“Askush nuk i mbron komisarët”

Lista e krimeve kundër policisë është e gjatë. E kish publikuar gazetari Roland Qafoku në një artikull në të përditshmen Panorama, ku ai i kujton një e nga një duke e filluar frazën për secilin me të njëjtin togfjalësh: “Askush nuk e mbrojti ….” Ja lista:

Askush nuk e mbrojti Arben Ujkën në atë 22 gusht të vitit 1993.

Askush nuk e mbrojti komandantin e RENEA-s Elham Elezin në atë 9 korrik të vitit 1998. Askush nuk e mbrojti Klenti Banon, [që] e ekzekutuan në atë 14 prill të vitit 2000.

Askush nuk e mbrojti Arben Zylyftarin në atë 2 gusht 2000.

Askush nuk e mbrojti komisar Ilir Ngresin, të cilin vrasësi gjakftohtë e qëlloi në një kafene në Vlorë në ditën e fundit të dhjetorit 2002.

Askush nuk e mbrojti Altin Mançellarin, policin e Forcave Speciale që u ekzekutua në atë 20 maj të vitit 2003 vetëm dhjetë metra larg Drejtorisë së Policisë së Tiranës.

Askush nuk e mbrojti komisar Gani Malushin në atë 6 gusht të vitit 2003.

Askush nuk i mbrojti katër policët në zhegun e 7 gushtit të vitit 2009 në Durrës, teksa autori kositi jetët e tyre duke i thënë shtetit që ishte ai zot dhe jo ata.

Askush nuk e mbrojti Adem Tahirajn atë 13 shtator të 2012-s.

Askush nuk e mbrojti Musa Skurën, komisarin e Burrelit në atë 14 janar 2013.

Askush nuk e mbrojti komisarin Dritan Lamaj.

Re.Pu.