Arkiv-Lajme

PS zbarkon në Shkodër për programin e Rilindjes. Shkodra vazhdon të ngelet bastion i djathtë, pavarësisht sesi qeveris e djathta. Ndoshta për këtë, Rama ka marrë me vete Tahirin, Kodhelin, Xhaçkën, Shalësin, figura me të cilat Shkodra mund të mos “ketë probleme”. Gjëja që bie në sy është se Rama ka folur si Kryeministër i ardhshëm.

Kreshnik Spahiu mund të akuzohet për shumë gjëra, por sigurisht jo për mungesë idesh fushate. Duke parë se Kryeministri e ka kthyer Facebookun në një mjet rinovimi të imazhit, Spahiu sot ka deklaruar në Gramsh se “85,441 mbështetës nga Serbia për shtetasin Berisha në rrjetin e tij në “Facebook”, ata që pëlqejnë Sali Berishën nga Serbia janë shtatë herë më shumë se sa shqiptarët nga Kosova. Ky njeri që simbolizon vetëm akte tradhtare duhet të sqarojë publikisht mbështetjen nga afro 100 mijë simpatizantët serbë.

Po importohen zgjedhës nga Fieri. Këtë e thotë Kryetari i PS-së së Fierit, Xhevit Bushi, cituar nga Shqip. Kujt ia thotë? Ambasadës Amerikane!! Ky është sinjali më i qartë i klimës së mosbesimit total në lidhje me zgjedhjet, jo vetëm mes opozitës e qeverisjes, por dhe kundrejt institucioneve të tjera. I vetmi institucion i besueshëm garancie dhe drejtësie, me sa duket mbetet Ambasada Amerikane.

Duke folur për MAPO-n, Preç Zogaj lëshon ndonjë shpotitje për Edi Ramën. teksa komenton situatën e mjergullt që është krijuar në PS lidhur me listat e kandidatëve për deputet.

Alfred Lela shkruan sot te MAPO mbi një bisedë të trajtuar në mënyrë të lirë me Ilirian Celibashin.

Greqia ka vendosur të marrë masa ligjore ndaj një shqiptari që ka fyer simbolet e shtetit grek në FB. I dyshuari, sipas Balkanweb ka publikuar dhe fotografi ku paraqiten persona me kallashnikovë në duar. Dyshimi se është shqiptar vjen nga fakti se profili në FB është hapur nga një kompani shpërndarëse interneti në Shqipëri. Pak ditë më parë Gjykata e Tiranës ka pranuar kërkesën e dërguar nga autoritetet e Drejtësisë greke për të bërë verifikime dhe për të identifikuar personat në foto, dhe tani prokuroria po heton.

Intelektuali i njohur italian, semiologu Umberto Eco ka folur për herë të parë pas zgjedhjeve mbi fenomenin “Grillo”. Në një intervistë të shkurtër për të përditshmen la Repubblica, ai shprehet se “ka hezitimet e veta lidhur me Grillon, por ka një farë shprese tek grillinët [kështu quhen mbështetësit e tij] që janë zgjedhur si përfaqësues të Lëvizjes në Parlament, s’ka gjë se ende nuk dimë kush janë e si janë; dimë të paktën që janë ende të pakorruptuar”.

Ka qenë Panorama që ka dhënë alarmin se Ambasada Shqiptare në Amerikë po falimenton. Ajo i referohet një letre të Ambasadorit  Gilbert Galaxhi, që shpjegon se Ambasada mbahet me shumë pak para, dhe tani i kanë hequr dhe shoferin dhe pastruesen. Mbase presin që Ambasadën ta lajë e shoqja e Ambasadorit dhe makinës t’i japë atasheu kulturor. Në të njëjtën kohë kur Podesta merr shuma nga qeveria shqiptare që i kalojnë fondet e kësaj ambasade disa herë.

Pjesë nga letra:

Të gjithë moderatorët e programeve “talk show” duan Berishën në studio. Ai ka ca kohë që nuk u ka bërë vizita, dhe moderatorët kanë filluar të ndjejnë mungesën e tij. Sidomos, një pjesë syresh. Ca të tjerë kanë vite që e ndjejnë këtë mungesë. I kanë ndërtuar programet të tillë, që pa të, pa Ramën, pa Metën, pa Topallin, etj, nuk bëjnë dot. Fevziu ish zemëruar me Topallin që paska thënë se “në TV dal kur të dua unë”. Peka është i zemëruar që Berisha “është bërë gazetari politik i Fevziut”.

Në një intervistë për Dita-n, shkrimtari dhe studiuesi Moikom Zeqo, flet edhe për prurjet e reja në politikë.